ຕາມນີ້! ລາຍລະອຽດຜູ້ຕິດເຊື້ອໃນຊຸມຊົນຢູ່ນະຄອນຫຼວງວຽງຈັນສ່ວນຫຼາຍມາຈາກໂຮງງານຕັດຫຍິບ

752

ດັ່ງທີ່ແອັດມິນລາຍງານໄປກ່ອນໜ້ານີ້ແລ້ວກ່ຽວກັບຜູ້ຕິດເຊື້ອໂຄວິດ-19ໃນມື້ນີ້ ໂດຍຜູ້ຕິດເຊື້ອໃນຊມຊົນແມ່ນສູງກວ່ານໍາເຂົ້າ ໂດຍສະເພາະແມ່ນນະຄອນຫຼວງວຽງຈັນ ທີ່ຕິດເຊື້ອໃນຊຸມຊົນເຖິງ 563ຄົນ ຈາກຕົວເລກຜູ້ຕິດເຊື້ອໃນຊຸມຊົນ666ຄົນ.

ໂດຍທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໃຫ້ຮູ້ວ່າ: ໃນັວນທີ 21​ກັນຍາ 2021 ໄດ້ເກັບຕົວຢ່າງມາກວດຫາເຊື້ອໂຄວີດ-19 ທັງໝົດ  5.652 ໃນນັ້ນ ກວດພົບຜູ້ຕິດເຊື້ອທັງໝົດ 694ຄົນ, ນໍາເຂົ້າ 28 ຄົນ ແລະ ຕິດໃນຊຸມຊົນ 666ຄົນ(ສະເພາະນະຄອນຫຼວງວຽງຈັນ 563ຄົນ)

["]

ສໍາລັບລາຍລະອຽດການຄິດເຊື້ອໃນຊຸມຊົນ ຢູ່ນະຄອນຫຼວງວຽງຈັນນັ້ນ ເກືອບ 90% ແມ່ນມາຈາກໂຮງງານຕັດຫຍິບດັ່ງລາຍລະອຽດລຸ່ມນີ້: ຈາກໂຮງງານ TriO: 371 ຄົນໃນຈໍານວນຕົວຢ່າງທັງໝົດ 669; ຈຸດເກັບຕົວຢ່າງ ເມືອງນາຊາຍທອງພົບ 89 ຄົນໃນຈໍານວນທັງໝົດ 280 ຕົວຢ່າງ; ໂຮງງານ Venture ບ້ານສາຍນໍ້າເງິນ 42 ຄົນ ໃນຈໍານວນ 140 ຕົວຢ່າງ; ຈຸດເກັບ ຕົວຢ່າງຈາກບຶງຂະຫຍອງໃຫ້ຜົນບວກ 36 ຄົນ ໃນຈໍານວນ 390 ຕົວຢ່າງ.

ນອກຈາກນີ້, ຍັງມີມາຈາກຈຸດເກັບຕົວຢ່າງໂຮງໝໍເຊດຖາທິລາດ ແລະ ໂຮງໝໍເດັກ 9 ຄົນ ຈາກ ເມືອງໄຊເສດຖາ ມ 2 ຄົນ (2 ບ້ານ), ເມືອງ ຫາດຊາຍຟອງ 3 ຄົນ (3 ບ້ານ), ເມືອງໄຊທານີ 1 ຄົນ ( ບ້ານໜອງວຽງຄໍາ) , ເມືອງສີໂຄດຕະບອງ ມີ 2 ຄົນ (2 ບ້ານ), ເມືອງນາຊາຍທອງ ມີ 1 ຄົນ ຈາກບ້ານໜອງປັກແຮດ ເປັນພະຍາບານພະແນກສຸກເສີນ ໂຮງໝໍເດັກ ຜູ້ກ່ຽວມີ ນ້ອງໄພ້ທີ່ເຮັດວຽກຢູ່ໂຮງງານ Trio ທີ່ມີຄົນຕິດເຊື້ອມາກ່ອນ;

ສຸດທ້າຍແມ່ນມາຈາກສູນກັກກັນສີໂຄດ ມີ 8ຄົນ, ສູນຫລັກ 27 ມີ 8 ຄົນ, ໂຮງໝໍ 103 ມີ1 ຄົນ, ໂຮງໝໍມິດຕະພາບ ມີ 1 ຄົນ ແລະ ກົມໃຫຍ່ກອງທັບ ມີ 4 ຄົນ ຈາກຜົນກວດ 641ຄົນ.