ພົບຜູ້ຕິດເຊື້ອໃໝ່ 222 ຄົນ, ຊຸມຊົນ 210 ຄົນ ບ້ານແດງໃໝ່ໃນນະຄອນຫຼວງວຽງຈັນ 10 ບ້ານ

719

ສະຖານະການໂຄວິດ 19 ມື້ນີ້ 22 ກັນຍາ 2021 ພົບຜູ້ຕິດເຊື້ອໃໝ່ 222 ຄົນ, ນໍາເຂົ້າ 12 ກໍລະນີ, ຕິດເຊື້ອໃນຊຸມຊົນ 210 ຄົນ ໃນນນັ້ນຍັງແມ່ນນະຄອນຫຼວງວຽງຈັນທີ່ພົບຜູ້ຕິດເຊື້ອໂຄວິດ 19 ຫຼາຍກວ່າໝູ່ 75 ຄົນ, ຮອງລົງມາແມ່ນ ແຂວງ ວຍຽງຈັນ 44 ຄົນ

ທ່ານ ດຣ ສີສະຫວາດ ສຸທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ຖະແຫຼງຂ່າວ ສະພາບການລະບາດຂອງພະຍາດໂຄວິດ 19 ວ່າ ມາຮອດວັນທີ 22 ກັນຍາ 2021 ພວກເຮົາໄດ້ກວດວິເຄາະທັງໝົດ 5.913 ຄົນ, ໃນນັ້ນກວດພົບຜູ້ຕິດເຊື້ອທັງໝົດ 222 ຄົນ, ນໍາເຂົ້າ 12 ຄົນ ຈາກ ສະຫວັນນະເຂດ 5 ຄົນ, ຈໍາປາສັກ 2 ຄົນ, ຄໍາມ່ວນ 2 ຄົນ, ຫຼວງພະບາງ 2 ຄົນ ແລະ ສາລະວັນ 1 ຄົນ

["]

ຕິດເຊື້ອໃນຊຸມຊົນ 210 ຄົນ ໃນນັ້ນ ນະຄອນຫຼວງວຽງຈັນ 75 ຄົນ, ແຂວງວຽງຈັນ 44 ຄົນ, ແຂວງ ຄໍາມ່ວນ 35 ຄົນ, ຈໍາປາສັກ 23 ຄົນ, ຫຼວງພະບາງ 14 ຄົນ, ຊຽງຂວາງ 8 ຄົນ, ສະຫວັນນະເຂດ 4 ຄົນ, ຫຼວງນໍ້າທາ 3 ຄົນ, ບໍ່ແກ້ວ 2 ຄົນ, ບໍລິຄໍາໄຊ 1 ຄົນ ແລະ ອັດຕະປື 1 ຄົນ
ມາຮອດປັດຈຸບັນ ລາວເຮົາມີຜູ້ຕິດເຊື້ອໂຄວິດສະສົມ 19.952 ຄົນ, ເສຍຊີວິດສະສົມ 16 ແລະ ກໍາລັງປິ່ນປົວທັງໝົດ 4.768 ຄົນ

ບ້ານແດງໃໝ່ໃນນະຄອນຫຼວງວຽງຈັນ ມີ 10 ບ້ານຈາກ 4 ເມືອງຄື
ເມືອງນາຊາຍທອງ ບ້ານນາລຽນ
ເມືອງຈັນທະບູລີ ບ້ານດອນແດງ, ບ້ານສີດໍາດວນ
ເມືອງ ໄຊທານີ ບ້ານທ່າງ່ອນ ບ້ານໂພນຄໍ້
ເມືອງ ສີໂຄດຕະບອງ ບ້ານຈັນສະຫວ່າງ, ບ້ານ ຍາພະ, ບ້ານດົງນາໂຊກເໜືອ, ບ້ານ ໂນນຂີ້ເຫຼັກ ແລະ ບ້ານໂພນສະຫວາດ