ສາວຫມັ້ນມະຫາສະເຫນ່ ມາອັບເດດຜົນງານສະແດງ ໃນຊີຣີ ‘’ສະບາຍດີຊໍາເຫນືອ’’

324

ມາອັບເດດຜົນງານຂອງສາວຫມັ້ນຄົນນີ້ ທີ່ຍິ່ງເວລາຜ່ານໄປຍິ່ງງງາມວັນງາມຄືນເລີຍ ກັບສາວ ມາລາວອນ ສິງທອງປະດິດ ( ຫລືຮູ້ຈັກກັນດີໃນນາມ Took the wow )  ເປັນທັງດາຣາ, ນາງແບບ ແລະ ນັກສະແດງ ທີ່ບໍ່ວ່າຈະເຄື່ອນໄຫວເຮັດຫຍັງກໍຈະມີແຟນໆໃຫ້ຄວາມສົນໃຈເປັນພິເສດເລີຍ ເພາະສາວຄົນນີ້ມີເອກະລັກສະເພາະໂຕ ແລະ ຖ້າໃຜໄດ້ຢູ່ໃກ້ ກໍຈະມີຄວາມສຸກ ແລະ ຮອຍຍິ້ມໄປນໍາ ເພາະເປັນເປັນເຮຮາ ແລະ ສ້າງຄວາມມ່ວນຊື່ນໃຫ້ເພື່ອນຮ່ວມງານສະເຫມີ.

ຕຸກ ໄດ້ເລີ່ມເຂົ້າສູ່ວົງການເປັນຈິງເປັນຈັງແມ່ນຕອນ ປະກວດ The Wow Laos ປີ2016,​ ແຕ່ກ່ອນຫນ້ານີ້ແມ່ນເຮັດຫລາຍຢ່າງ ບໍ່ວ່າຈະເປັນນັກເຕັ້ນ,​ ສະແດງຫນັງສັ້ນ ແລະ ຊີຣີ ສະແດງໂຄສະນາເປັນຕົ້ນ.

["]

ປັດຈຸບັນກໍາລັງມີຜົນງານຊີຣີ ທີ່ໃກ້ຈະສາຍໃຫ້ທຸກຄົນໄດ້ຮັບຊົມໄວໆນີ້ ເຊິ່ງເລີ່ມທໍາອິດເລີຍກ່ອນຈະໄດ້ຮ່ວມສະແດງໃນຊີຣີເລື່ອງນີ້ແມ່ນທາງ ໄຕ໋ບ້ານ Production​ ໄດ້ທາບທາມໃຫ້ມາຫລີ້ນສະບາຍດີຊຳເຫນືອ ເລີຍຖາມວ່າຄາເລັກເຕີ້ ບົດບາດປະມານໃດ ແລະ ມັນຫນ້າສົນໃຈ, ແປກໃຫມ່ທ້າທາຍເລີຍຕອບຮັບຫລີ້ນເລື່ອງນີ້ .

ຄວາມຮຸ້ສຶກຕອນໄດ້ສະແດງ ກໍມ່ວນດີເພາະໃນກອງນີ້ເປັນກັນເອງ ໂດຍສະເພາະພະເອກນ້ອງເທເລີກັບຕຸກຈະເປັນໂຕປ່ວນໃນກອງເລີຍ ເຮັດໃຫ້ທຸກຄົນມີຮ່ອຍຍີ້ມ ແລະ ສຽງຫົວ ໄດ້ເຈີຫຍັງໃຫມ່ໆ ເພາະຕຸກຫ່າງຫາຍຈາກການສະແດງມາດົນ ມັນເລີຍເຮັດໃຫ້ເຮົາຕື່ນເຕັ້ນ ແລະ ເຕັມທີ່ກັບການສະແດງຄັ້ງນີ້ ​.

ສໍາລັບ ຄາແລັກເຕີ້ໃນ ຊີຣີ ຈະແຕກຕ່າງກັບຊີວິດຈິງໃນດ້ານນິໄສທັດສະນະຄະຕິ ໃນເລື່ອງຕຸກຈະເປັນເລຂາຕຸກ ທີ່ມີນິໄສເຫັນແກ່ໂຕ, ເອົາແຕ່ໃຈ ໃຊ້ແສງຫູແສງຕາມາກ່ອນເລີຍ ຮ່າຮ່າ ແຕ່ໃນຊີວິດຈິງຈະເປັນຄົນເຮຮ່າ,​ ຕະລົກ,​ ໃຈດີ ສ່ວນທີ່ວ່າເປັນເລຂາ ແມ່ນຖືກກັບຊີວິດຈິງ ເພາະໃນວຽກປະຈຳຕຸກເປັນເລຂາຄືກັນ.

ອຸປະສັກ ແລະ ຄວາມທ້າທາຍໃນການສະແດງແມ່ນ ຕຸກເປັນຄົນທີ່ເມົາລົດຢູ່ແລ້ວລະຕ້ອງມາເດີນທາງໄກມັນເລີຍເປັຍອຸປະສັກໃນການເດີນທາງ ອີກຢ່າງທາງໂຄ້ງຫລາຍອີກໄປຊຳເຫນືອ ມັນເລີຍເຮັດໃຫ້ຕຸກເມື່ອຍ ສ່ວນຄວາມທ້າທາຍຄືການໄດ້ເຮັດສິ່ງໃຫມ່ໆ ໄດ້ເຂົ້າປ່າປີນພູ ໄດ້ເຫັນຊີວິດການເປັນຢູ່ ແລະ ວັດທະນະທຳຂອງຊຳເຫນືອທີ່ເປັນເອກະລັກ.

ສໍາລັບຕຸກ ເປັນຄົນສະບາຍໆ ແຕ່ກະມັກແຕ່ງໂຕໃນແບບທີ່ໂຕເອງມັກ ບໍ່ຄ່ອຍຄືໃຜ ບາງມື້ກໍເຊັກຊີ ບາງມື້ກະເສື້ອຢືດໂສ້ງຂາສັ້ນຫນ້າສົດອອກເຮືອນ ຮ່າຮ່າ ເວລາວ່າງ ມັກຟັງເພັງເບີ່ງຫນັງ ແລະ  ມ່ວນຊື່ນກັບການກິນ ສຸດທ້າຍນີ້ກະຂໍຝາກຜົນງານ ກັບ ຊີຣີ ສະບາຍດີຊຳເຫນືອພາກ2 ນຳແນ່ເດີ້ທຸກ ຄົນ ແລະ ກໍຂໍຝາກຜົນງານຖ່າຍ MV ” I Wanna ” ຂອງ ວົງ Mset075 ( ຝາກເຖີງນ້ອງໆທີ່ມີຝັນ ຢາກໃຫ້ລົງມືເຮັດ ບໍ່ຕ້ອງຟັງສຽງຄົນອື່ນທີ່ເວົ້າໃຫ້ ພຽງເຊື່ອຫມັ້ນໃນໂຕເຮົາວ່າເຮົາເຮັດໄດ້ ເຮົາກໍສາມາດເຮັດຝັນໃຫ້ເປັນຈິງໄດ້ ) ສຸດທ້າຍ ຝາກຕິດຕາມຜົນງານຕຸກໄດ້ທີ່ Facebook:​ Malavone​ took Singthongpadith​ ແລະ ig took_the_wow.

ຮູບ: Malavone​ took Singthongpadith​