“ ເຂົ້າໜ້າໄກ່ ” ອາຫານຈານດຽວທີ່ຫາກິນບໍ່ໄດ້ງ່າຍໆແລ້ວ ເພາະຫຼາຍໆຮ້ານໄດ້ຮັບຜົນກະທົບຈາກໂຄວິດ – 19 ຈຶ່ງເຮັດໃຫ້ຊອກຫາກິນອາຫານເມນູນີ້ຂ້ອນຂ້າງຍາກຫຼາຍ. ສະນັ້ນ, ຜູ້ຂຽນກໍເລີຍໄປຫາສູດການເຮັດເມນູນີ້ມາໃຫ້ທຸກຄົນໄດ້ເຮັດກິນແບບແຊບໆ ແຖມປາສະຈາກພະຍາດໂຄວິດ – 19 ນຳອີກ ພ້ອມແລ້ວເຮົາໄປເຮັດກິນນຳກັນເລີຍ:
ວັດຖຸດິບ ແລະ ສ່ວນປະສົມ
ຊີ້ນເອິກໄກ່ 500 ກຣາມ
ຮາກຜັກຫອມປ້ອມທຸບ 5 – 6 ຮາກ
ເຫຼົ້າຈີນ 2 ບ່ວງແກງ
ສະອິວຂາວ 2 ບ່ວງແກງ
ສະອິວດຳ 2 ບ່ວງແກງ
ນ້ຳມັນງາ 1 ບ່ວງແກງພິກໄທປົ່ນເລັກໜ້ອຍ
ກະທຽມທຸບ 5 – 6 ກີບ
ຂີງແກ່ຊອຍ
ນ້ຳມັນພືດ
ນ້ຳຕານ 2 ບ່ວງແກງ
ແປ້ງມັນ 1 ບ່ວງແກງ
ເຂົ້າຈ້າວຫູງສຸກ
ວິທີເຮັດເຂົ້າໜ້າໄກ່
ຊອຍຊີ້ນເອິກໄກ່ເປັນຕ່ອນຂະໜາດພໍດີຄຳ ໃສ່ລົງໃນພາຊະນະປະສົມ.
ເລີ່ມເອືອບໄກ່ ໂດຍໃສ່ຮາກຜັກຫອມປ້ອມທຸບລົງໄປໃນຊີ້ນເອິກໄກ່.
ຕາມດ້ວຍເຫຼົ້າຈີນ, ສະອິວຂາວ, ສະອິວດຳ, ນ້ຳມັນງາ ແລະ ພິກໄທປົ່ນ.
ເອືອບປະສົມໃຫ້ເຂົ້າກັນ ໝັກປະໄວ້ປະມານ 1 ຊົ່ວໂມງ.
ຄ້າງໝໍ້ກະທະໃສ່ນ້ຳມັນລົງໄປ ໝໍ້ຮ້ອນໃສ່ກະທຽມ ແລະ ຂີງລົງໄປຜັດຈົນມີກິ່ນຫອມ ແລ້ວໃສ່ຊີ້ນໄກ່ທີ່ເອືອບໄວ້ນັ້ນລົງໄປຂົ້ດຈົນສຸກທົ່ວກັນ.
ຈາກນັ້ນຕື່ມນ້ຳສະອາດລົງໄປພໍຖ້ວມຊີ້ນໄກ່ ປຸງລົດຊາດດ້ວຍນ້ຳຕານ ແລະ ສະອິວຂາວ, ລະລາຍແປ້ງມັນໃສ່ກັບນ້ຳໃຫ້ລະລາຍ ຄ່ອຍໆເທສ່ວນປະສົມແປ້ງລົງໄປໃນໝໍ້ ແລ້ວຄົນໄປເລື້ອຍໆຈົນເລີ່ມໜຽວຂຸ້ນຕາມຄວາມຕ້ອງການ.
ຈາກນັ້ນກໍກຽມຕັກລາດເຂົ້າທີ່ກຽມໄວ້ ພ້ອມຈັດເສີບໄດ້ເລີຍ ບອກໄດ້ເລີຍວ່າແຊບເກີນຄຳບັນຍາຍ.
ທີ່ມາ: https://cooking.kapook.com/view126690.html
