ມີໃຜທີ່ມັກກິນຫອຍທອດເປັນຊີວິດຈິດໃຈແດ່ ເພາະມື້ນີ້ຜູ້ຂຽນເອົາສູດການເຮັດຫອຍທອດທີ່ຄົບເຄື່ອງດ້ວຍຫອຍ ເຄື່ອງທະເລ ແລະ ທີ່ສຳຄັນຄືແປ້ງກອບ ແລະ ນ້ຳແຈ່ວແຊບ ບອກເລີຍວ່າຜູ້ທີ່ມັກກິນຕ້ອງຖືກໃຈສິ່ງນີ້ແນ່ນອນ ເວົ້າແລ້ວເຮັດໃຫ້ກຽມເຄື່ອງເຮັດວັດຖຸດິບໄປພ້ອມໆກັນເລີຍ.
ສ່ວນປະສົມ
ແປ້ງຫອຍທອດ 1 ຖ້ວຍ
ນ້ຳ 1+1/2 ຖ້ວຍ
ເກືອ1/2 ບ່ວງຊາ
ພິກໄທ
ປາໝຶກ 2 ໂຕ
ຫອຍນາງລົມ ຫຼື ຫອຍແມງພູ່
ກຸ້ງ 8 – 10 ໂຕ
ໄຂ່ 2 ໜ່ວຍ
ຖົ່ວງອກ
ສ່ວນປະສົມນ້ຳແຈ່ວ
ຊັອດໝາກເຜັດ 3 ບ່ວງແກງ
ນ້ຳຈິ້ມໄກ່ 2 ບ່ວງແກງ
ວິທີເຮັດຫອຍທອດ
ສູດນີ້ຜູ້ຂຽນແມ່ນໃຊ້ແປ້ງຫອຍທອດແບບສຳເລັດຮູບປະສົມນ້ຳ ປຸງດ້ວຍເກືອ ແລະ ພິກໄທ
ຄ້າງໝໍ້ກະທະໃສ່ນ້ຳມັນ ໃຊ້ໄຟປານກາງ, ຈາກນັ້ນປະສົມແປ້ງ, ຫອຍ ແລະ ປາໝຶກ
ເມື່ອນ້ຳມັນຮ້ອນ ເອົາຫອຍລົງໄປທອດໄດ້ເລີຍ ແລ້ວເອົາກຸ້ງລົງໄປຈັດລຽງລົງໄປໃນໝໍ້
ຈາກນັ້ນໃສ່ໄຂ່ລົງໄປ 1 – 2 ໜ່ວຍ ຕາມຄວາມມັກເລີຍ ແລ້ວກໍທອດຈົນເຫຼືອງກອບດີ ຕາມດ້ວຍໃສ່ຖົ່ວງອກລົງໄປຜັດເລັກໜ້ອຍ
ຕໍ່ມາກໍເຮັດນ້ຳແຈ່ວໂດຍການປະສົມຊັອດໝາກເຜັດ ແລະ ນ້ຳແຈ່ວໄກ່ ປະສົມໃຫ້ເຂົ້າກັນ\
ແລ້ວກໍຕັກຫອຍທອດໃສ່ຈານພ້ອມເສີບຄູ່ກັບແຈ່ວແຊບລົດເດັດ ບອກເລີຍວ່າຟິນສຸດໆ.
ທີ່ມາ: https://cooking.kapook.com/view246321.html