ຫນຸ່ມຫລໍ່ຄວາມສາມາດຄົບ ປະສົບການແຫນ້ນ ໄຊຍັນໂຕ ຍົດລືໄຊ ຫລື ໂຕ mister12 ລູກຫລານຄົນເມືອງງອຍ ແຂວງຫລວງພະບາງ ປັດຈຸບັນອາຍຸ 24ປີ ນອກຈາກເປັນຕຳຫຼວດຍັງມີອາຊີບເສີມຄື ເປັນເທຣນເນີສອນອອກກຳລັງກາຍ ແລະ ເປັນນາຍແບບອີກດ້ວຍ ໂດຍປະຈຸບັນເປັນຜູ້ເຂົ້າປະກວດ Mister Laos Mister International Laos 2021.
ທີ່ຜ່ານມາຫນຸ່ມໂຕເຄີຍເຂົ້າຮ່ວການປະກວດມາຫລາຍເວທີດ້ວຍກັນ ບໍ່ວ່າຈະເປັນເວທີ MR & MS FITNESS LAO 2019 by Vientiane Fitness Co.,LTD , ການແຂ່ງຂັນກິລາເພາະກາຍຊາຍ ແລະ ຍີງຫຸ່ນງາມຊີງແຊ້ມປະເທດລາວ 2019 ຊິງຂັນທ່ານລັດຖະມົນຕີກະຊວງສືກສາທິການ ແລະ ກິລາ ເຊີ່ງຕິດ1 ໃນ 20ຄົນຂອງປະເທດ ລຸ້ນຊາຍຫຸ່ນງາມ ລຸ້ນສ່ວນສູງເກີນ171 ຊັງຕີແມັດຂື້ນໄປ ແລະ ນອກນີ້ຍັງເຄີຍແຂ່ງຂັນ ປະກວດການເວົ້າຕໍ່ຫນ້າມວນຊົນ ໃນຫົວຂໍ້ ‘’ເວົ້າເພື່ອຊາດ ແບ່ງນ້ຳໃຈໃຫ້ຜູ້ປະສົບໄພ ໃນທ້າຍປີ2019 ເຊີງໄດ້ເຂົ້າຮອບ20ຄົນ ຈາກຄົນເຂົ້າແຂ່ງຂັນທົ່ວປະເທດ ແລະ ໄດ້ໃບຍ້ອງຍໍ ຈາກຫົວຫນ້າກົມຂະບວນການຊາວຫນຸ່ມ ສູນກາງຊາວຫນຸ່ມປະຊາຊົນປະຕິວັດລາວ, ເຄີຍປະກວດນາຍແບບເດີນແບບເວທີນ້ອຍເວທີໃຫຍ່ກໍຫລາຍບໍ່ວ່າຈະເປັນ The Survival Laos ,Mister Power man Laos ແລະ Laos Fashion Week ອີກດ້ວຍ.
ຄວາມໄຝ່ຝັນໃນເວທີນີ້ແມ່ນ ຢາກໃຫ້ຫລາຍຄົນຮູ້ຈັກ, ຢາກເປັນຄົນທີ່ມີຊື່ສຽງໃນລະດັບຕົ້ນໆຂອງປະເທດ ເພື່ອທີຈະສະແດງຄວາມສາມາດໃນດ້ານຕ່າງໆໃຫ້ຫລາຍຄົນໄດ້ຮັບຮູ້ ແລະ ເພື່ອເປັນແບບຢ່າງທີດີໃຫ້ກັບຄົນອື່ນ ເປັນຕົວຢ່າງທີ່ດີຂອງສັງຄົມ, ຊ່ວຍເຫລືອສັງຄົມ ແລະ ນ້ອງເອງຢາກພັດທະນາ ວົງການບັນເທີງລາວໃຫ້ໂດ່ງດັງໄປສູ່ສາຍຕາຊາວໂລກຮັບຮູ້ວ່າ ຊາດລາວບໍ່ໄດ້ໜ້ອຍໜ້າຊາດໃດໃນໂລກ.
ຄວາມສາມາດຂອງຕົນເອງທີຢາກຈະໂຊອອກສູ້ສາຍຕາທຸກຄົນຄື:ສີລະປະຍຸດການຕໍ່ສູ້ການປ້ອງກັນຕົວຂອງ ກຳລັງ ປກສ ເຊີ່ງເປັນວິຊາຂະແຫນ່ງຫນື່ງ ທີ່ບົງບອກເຖີ່ງຄວາມແຂ່ງແຮງ ຂອງກຳລັງ ປກສ ລາວ ທີຢູ່ຄຽງຄູ່ກັບຊາວຫນຸ່ມເຮົາມາດົນຫນານ ແລະ ເປັນອີກສີ່ງຫນື່ງທີ່ບົງບອກເຖີ່ງ ຄວາມເປັນຊາຍ ເປັນຜູ້ນຳ ດັງຄຳສຸພາສິດລາວທີ່ໄດ້ກ່າວໄວ້ວ່າ:ຜູ້ຊາຍຄືຊ້າງທ້າວຫນ້າ ນ້ອງເອງກໍຢາກຈະນຳວັດທະນະທຳ ແລະ ຄວາມເປັນລາວນີ້ໄປເຜີຍແຜ່ ໃຫ້ສາກົນໄດ້ຮັບຮູ້.
ຈຸດເດັ່ນຂອງຕົນເອງຄິດວ່າ ມີຮ່າງກາຍສວຍງາມ ( ຫຸ່ນ ) ເພາະຜ່ານການເຝີກຝົນມາຢ່າງ ຫນັກເປັນເວລາດົນພໍສົມຄວນ ນອກຈາກຮ່າງກາຍແລ້ວກໍຈະແມ່ນສີລະປະການປາກເວົ້າ ເພາະເວລານ້ອງໄດ້ສົນທະນາ ຫລື ລົມນໍາໃຜກໍມັກຈະຍີ້ມ, ຫົວຕະຫລອດ ເປັນຄົນເວົ້າເຂົ້າໃຈງ່າຍ, ຕົງໄປຕົງມາ ບວກກັບການເປັນຄົນລ່າເລີງ ອອກຈະຂີ້ດື້ກວນໆມັກຢອກ, ມັກຟັງ, ປາກໄວໃຈເຖິງ ນ້ອງຄິດວ່ານີ້ແລມັນຄືສະເຫນ່ອີກຢ່າງທີ່ໂຕນ້ອງມີ ນ້ອກຈາກນີ້ກໍຄື ນ້ອງມີມະນຸດສຳພັນທີ່ດີເປັນມິດຕໍ່ທຸກຄົນ ມີການຊ່ວຍເຫລືອກັນພາຍໃນກອງ ແລະ ນີ້ເອງທີ່ນ້ອງຄິດວ່າຈະເອົາຊະນະໃຈກຳມະການເພື່ອທີ່ຈະໄດ້ລາງວັນໃດລາງວັນຫນື່ງໃນເວທີນີ້.
ສ່ວນການກຽມຕົວຂອງນ້ອງເອງ ດັ່ງທີຮູ້ກັນດີວ່າ ເວທີນີ້ເປັນເວທີປະກວດລະດັບເທດ ສະນັ້ນການກຽມຕົວກ່ອນທີ່ຈະເຂົ້າປະກວດກໍຄື: ການກຽມຄວາມພ້ອມທາງດ້ານ, ຮ່າງກາຍ ແລະ ຈິດໃຈ ບໍ່ວ່າຈະເປັນການຟິດຫຸ່ນ, ການເຝີກຮຽນພາສາການເວົ້າພາສາອັງກິດ ການວາງໂຕການຕອບຄຳຖາມ ແລະ ຊອກຮູ້ວິຊາຄວາມຮູ້ຮອບໂຕຕ່າງໆ ແລະ ຖ້າໄດ້ຕຳແຫນ່ງ ນ້ອງຢາກປະກອບສວນເພື່ອຊ່ວຍເຫລືອສັງຄົມຄື: ສີ່ງທຳອິດທີນ້ອງຈະລະນຶກເຖິງຢູ່ສະເຫມີກໍຄືການສຳນືກບຸນຄຸນ ເພາະເວທີນີ້ເປັນເວທີທີ່ໃຫ້ຫລາຍກວ່າການແຂ່ງຂັນ ມັນມີທັງມິດຕະພາບຈາກຫມູ່ເພື່ອນ ອ້າຍເອື້ອຍນ້ອງ ຜູ້ຫລັກຜູ້ໃຫຍ່ທັງຫລາຍ ແລະ ນ້ອງເອງກໍຈະເປັນແບບຢ່າງທີ່ດີ ໃຫ້ແກ່ສັງຄົມ ບໍ່ວ່າຈະເປັນການໃຊ້ຊີວິດໃຫ້ມີສະຕິລະວັງຕົວຢູ່ສະເຫມີ. ທີ່ສຳຄັນຄືການເປັນຫນ້າເປັນຕາໃຫ້ແກ່ຄອບຄົວວົງຕະກູນ ເປັນໃບຫນ້າໃບຫນ້າໃຫ້ແກ່ ກົມກອງກຳລັງ ປກສ ແລະ ເປັນໃບຫນ້າອັນໃຫມ່ ໃຫ້ແກ່ກອງປະກວດໃນຄັ້ງນີ້.
ຄໍາຄົມ ຂອງນ້ອງເອງເວລາມີຄົນມັກຖາມ ນ້ອງໂຕຄືເວົ້າເກັ່ງແທ້ ໄປຮຽນມາແຕ່ໃສ ແຕ່ທີຈີງແລ້ວນ້ອງຮຽນດ້ວຍຕົນເອງ ແລະກໍມັກຈະຕອບຄຳນີ້ໄປວ່າ ຖ້າເຮົາ “ເວົ້າເກັ່ງ” ຈະເຮັດໃຫ້ຄົນເຂົ້າໃຈເຮົາ ແຕ່ຖ້າເຮົາ “ຟັງເກັ່ງ” ຈະເຮັດໃຫ້ເຂົ້າໃຈຄົນ ສວນຄະຕິປະຈຳໃຈຄື ‘’ຮັກໂຕເອງ ເປັນໂຕຂອງໂຕເອງ ເຮັດແຕ່ສີ່ງດີດີໃຫ້ກັບໂຕເອງ ແລະ ເຮັດສີ່ງທີເກີດປະໂຫຍດແກ່ຄົນອື່ນ’’
ໂດຍພື້ນຖານແລ້ວນ້ອງຈະເປັນຄົນຮັກສາສຸຂະພາບເປັນທືນເດີມຢູ່ແລ້ວ ຍາມວ່າງຈຶ່ງມັກເຂົ້າຟິດເນັດ ແລະ ຫລິ້ນກິລາ ນອກນີ້ ນ້ອງຍັງມັກດື່ມກະເຟ ໄປນັ່ງຊີວຮ້ານຄາເຟຕ່າງໆ ມັກຖ່າຍຮູບ ແລະ ກິລາອີກປະເພດຫນື່ງທີນ້ອງມັກກໍຄືຍີງປືນ, ຂື້ນພູທອງທ່ຽວຊົມທຳມະຊາດ ສຸດທ້າຍຂໍຝາກ ທຸກຄົນເປັນກຳລັງໃຈຕິດຕາມຜົນງານຂອງນ້ອງຊ່ວຍເຊຍ, ຊ່ວຍກົດໄລ, ກົດແຊ ໃຫ້ນ້ອງແນ່ເດີ ຖີ້ມທ້າຍດ້ວຍຄໍາຄົມທີວ່າ “ຈົງເປັນຄົນດີທີເຄີຍຊົ່ວ” “ບໍ່ແມ່ນເປັນຄົນຊົວທີເຄີຍດີ” ຊ່ອງທາງການຕິດຕາມ Ylx To Yayyanto.
ຮູບ: Ylx To Yayyanto