ເປີດເງິນລາງວັນ ຢູຟາ ແຊັມປ້ຽນລີກ ລະດູການ 2021-2022

166

ການແຂ່ງຂັນບານເຕະຊີງແຊັມສະໂມສອນລາຍການໃຫຍ່ທີ່ສຸດໃນພາກພື້ນເອີຣົບກໍຄື ຢູຟາ ແຊັມປ້ຽນລີກ ເຊິ່ງລະດູການ 2021-2022 ຮອບແບ່ງກຸ່ມ ໄດ້ເປີດສາກຢ່າງເປັນທາງການໃນວັນທີ 14 ກັນຍາ 2021 ທີ່ຜ່ານມາ ເຊິ່ງມື້ນີ້ເຮົາຈະໄປເບິ່ງເງິນລາງວັນຂອງການແຂ່ງຂັນ ຫຼັງຈາກທີ່ມີການເປີດເຜີຍຢ່າງເປັນທາງການແລ້ວ.
ສໍາລັບ ເງິນລາງວັນທີມແຊັມຈະໄດ້ໄປສູງເຖິງ 85,1 ລ້ານເອີໂຣ ໂດຍຂຶ້ນຢູ່ກັບວ່າ ມີຜົນງານໃນການຫຼິ້ນຮອບແບ່ງກຸ່ມຈະເປັນແບບໃດ ເພາະຖ້າຫາກວ່າຊະນະກໍຈະບວກເງິນລາງວັນແຕ່ລະນັດຫຼາຍຂຶ້ນເລື້ອຍໆ.

ສະຫຼຸບເງິນລາງວັນທີ່ຈະໄດ້ໃນການແຂ່ງຂັນບານເຕະ ຢູຟາ ແຊັມປ້ຽນລີກ ລະດູການ 2021-2022 ມີດັ່ງນີ້:
-ແຊັມໄດ້ເງິນລາງວັນ 20 ລ້ານເອີໂຣ
-ຮອງແຊັມໄດ້ເງິນລາງວັນ 15,5 ລ້ານເອີໂຣ
-ເຂົ້າຮອບຮອງຊະນະເລີດໄດ້ 12,5 ລ້ານເອີໂຣ
-ເຂົ້າຮອບກ່ອນຮອງຊະນະເລີດໄດ້ 10,6 ລ້ານເອີໂຣ

["]

-ເຂົ້າຮອບ 16 ທີມສຸດທ້າຍໄດ້ 9,6 ລ້ານເອີໂຣ
-ເຂົ້າຮອບແບ່ງກຸ່ມໄດ້ 15,64 ລ້ານເອີໂຣ
-ຊະນະຮອບແບ່ງກຸ່ມໄດ້ນັດລະ 2,8 ລ້ານເອີໂຣ
-ສະເໝີຮອບແບ່ງກຸ່ມໄດ້ 930.000 ເອີໂຣ
ຮູບຈາກ: AP