ເມເວເດຟ ດັບຝັນມື 1 ຂອງໂລກຄວ້າ ປົດລ໊ອກຄວ້າແຊັມລະດັບແກຣນສະແລັມທໍາອິດໃນຊີວິດ

150
Daniil Medvedev, of Russia, holds up the championship trophy after defeating Novak Djokovic, of Serbia, in the men's singles final of the US Open tennis championships, Sunday, Sept. 12, 2021, in New York. (AP Photo/John Minchillo)

ດານິລ ເມດເວເດຟ ນັກເທັນນິສຊາຍມື 2 ຂອງໂລກຈາກຣັດເຊຍ ສ້າງຜົນງານໂດດເດັ່ນສາມາດເອົາຊະນະມື 1 ຂອງໂລກຢ່າງ ໂນວັກ ໂຈໂຄວິຊ ໄປແບບຂາດລອຍ 3-0 ເຊັດ ຄວ້າແຊັມແກຣນສະແລມລາຍການທໍາອິດໃນຊີວິດຂອງຕົວເອງ ໄດ້ໃນລາຍການ ຢູເອັສ ໂອເພັນ 2021 ທີ່ສະຫະລັດອາເມຣິກາ.

ແມັດຊີງຊະນະເລີດການແຂ່ງຂັນເທັນນິສແກຣນສະແລມ ຢູເອັສ ໂອເພັນ 2021 ຈັດຂຶ້ນໃນວັນທີ 12 ກັນຍາ 2021 ປາກົດວ່າ: ແຊັດທໍາອິດ ເມດເວເດຟ ສ້າງຜົນງານໂດດເດັ່ນຂຶ້ນນໍາ 4-2 ກ່ອນປິດເຊັດທໍາອິດໄປໄດ້ສໍາເລັດ 6-4 ກ່ອນທີ່ເຊັດທີ 2 ຈະເອົາຊະນະໄປ 6-4 ແລະ ເຊັດທີ 3 ກໍຍັງໂດດເດັ່ນເອົາຊະນະໄປ 6-4 ເຮັດໃຫ້ເອົາຊະນະ ໂຈໂຄວິຊ 3-0 ເຊັດຄວ້າແຊັມ ຢູເອັສ ໂອເພັນ 2021 ໄປຄອງ.

ຜົນງານຄັ້ງນີ້ເຮັດໃຫ້ ເມດເວເດຟ ອາຍຸ 25 ປີຄວ້າແຊັມແກຣນສະແລມລາຍການທໍາອິດໃນຊີວິດໄດ້ສໍາເລັດ ຫຼັງຈາກທີ່ເຄີຍເຂົ້າຮອບຊີງລາຍການ ຢູເອັສ ໂອເພັນ 2019 ແລະ ອົດສະຕຣາລີ ໂອເພັນ 2020 ແຕ່ໄດ້ພຽງຮອງແຊັມ, ສ່ວນ ໂຈໂຄວິຊ ພາດໂອກາດຄວ້າແຊັມແກຣນສະແລມ 4 ລາຍການຊ້ອນໃນປີ 2021 ໄປຢ່າງໜ້າເສຍດາຍ.

["]

ສ່ວນການແຂ່ງຂັນປະເພຍິງດ່ຽວຄູ່ຊີງປີນີ້ເປັນຄັ້ງທໍາອິດໃນຮອບ 22 ປີທີ່ນັກເທັນນິສອາຍຸຕໍ່າກວ່າ 20 ປີສາມາດເຂົ້າເຖິງຮອບຊີງລາຍການໃຫຍ່ໆລະດັບນີ້ໄດ້ຕໍ່ຈາກປີ 1999 ທີ່ ເຊເຣນາ ສາມາດເຂົ້າຮອບຊີງພົບກັບ ມາຕິນາຮິງກິສ ເປັນການພົບກັນລະຫວ່າງ ເອັມມາ ຣາດູຄານູ ດາວເດັ່ນອາຍຸພຽງ 18 ປີຈາກສະຫະຣາຊາອະນາຈັກ ພົບກັບ ເລລາ ແອນນີ ເຟີນານເດຊ ມື 73 ຂອງໂລກອາຍຸ 19 ປີຈາກການາດາ.

ປາກົດວ່າ ເອັມມາ ຣາດູຄານູ ສ້າງຜົນງານໂດດເດັ່ນຢ່າງຕໍ່ເນື່ອງກ່ອນເອົາຊະນະ ເລລາ ແອນນີ ໄປ 2-0 ເຊັດ 6-4 ແລະ 6-3 ຄວ້າຂັນແຊັມ ຢູເອັສ ໂອເພັນ ແລະ ເປັນແຊັມລະດັບແກຣນສະແລມ ໄປຄອງເປັນຄັ້ງທໍາອິດໃນຊີວິດ ພ້ອມກັບເງິນລາງວັນ 2,5 ລ້ານໂດລາ.

ຮູບຈາກ: AP