ສາວນ້ອຍ 18 ປີ ຄວ້າແຊັມ ຢູເອັສ ໂອເພັນ 2021 ທີ່ສະຫະລັດອາເມຣິກາ

616
Emma Raducanu, of Great Britain, reacts after defeating Maria Sakkari, of Greece, during the semifinals of the US Open tennis championships, Thursday, Sept. 9, 2021, in New York. (AP Photo/Frank Franklin II)

ເກີດເລື່ອງທີ່ບໍ່ຄາດຝັນໃນການແຂ່ງຂັນເທັນນິສລະດັບແກຣນສະແລມສົ່ງທ້າຍປີ ລາຍການ ຢູເອັສ ໂອເພັນ 2021 ທີ່ສະຫະລັດອາເມຣິກາ ເມື່ອ ເອັມມາ ຣາດູຄານູ ດາວເດັ່ນອາຍຸພຽງ 18 ປີຈາກສະຫະຣາຊາອະນາຈັກ ທີ່ເປັນນັກເທັນນິສນອກສາຍຕາຈາກຮອບຄັດເລືອກ ສາມາດສ້າງປະຫວັດສາທະລຸເຂົ້າຮອບຊີງພົບກັບ ເລລາ ແອນນີ ເຟີນານເດຊ ມື 73 ຂອງໂລກອາຍຸ 19 ປີຈາກການາດາ

ນີ້ເປັນຄັ້ງທໍາອິດໃນຮອບ 22 ປີທີ່ນັກເທັນນິສອາຍຸຕໍ່າກວ່າ 20 ປີສາມາດເຂົ້າເຖິງຮອບຊີງລາຍການໃຫຍ່ໆລະດັບນີ້ໄດ້ຕໍ່ຈາກປີ 1999 ທີ່ ເຊເຣນາ ສາມາດເຂົ້າຮອບຊີງພົບກັບ ມາຕິນາຮິງກິສ.

ນັດຊີງຊະນະເລີດຈັດຂຶ້ນໃນຄໍ່າຄືນຂອງວັນທີ 11 ກັນຍາ 2021 ປາກົດວ່າ: ເອັມມາ ຣາດູຄານູ ສ້າງຜົນງານໂດດເດັ່ນຢ່າງຕໍ່ເນື່ອງກ່ອນເອົາຊະນະ ເລລາ ແອນນີ ໄປ 2-0 ເຊັດ 6-4 ແລະ 6-3 ຄວ້າຂັນແຊັມ ຢູເອັສ ໂອເພັນ ໄປຄອງເປັນຄັ້ງທໍາອິດໃນຊີວິດ ພ້ອມກັບເງິນລາງວັນ 2,5 ລ້ານໂດລາ.

ຫຼັງຈົບການແຂ່ງຂັນ ເອັມມາ ຣາດູຄານູ ໃຫ້ສໍາພາດວ່າ: “ ມັນເປັນເລື່ອງຕະຫຼົກກັບທີມງານຂອງຂ້ອຍ ເພາະກ່ອນລົງແຂ່ງຂັນຮອບຄັດເລືອກແມັດທໍາອິດ ຂ້ອຍເຮັດສາຍຫູຟັງ ( ສາຍສະເບົ້າ ) ແບບແອພອດ ເສຍ ແລະ ພະຍາຍາມຊອກຢູ່ 3 ນາທີ່ ກ່ອນກົດໂທລະສັບເພື່ອຊ່ວຍຫາ ແຕ່ແລ້ວຕອນນັ້ນກໍເລີຍຄິດໄດ້ວ່າ ຖ້າຊະນະແມັດນີ້ກໍໜ້າຈະຫາເງິນໄປຊື້ຫູຟັງຕົວໃໝ່ໄດ້ ”.

ສໍາລັບ ຫູຟັງ ພອດ ຂອງ ເອັມມາ ຣາດູຄານູ ທີ່ໃຊ້ຢູ່ເປັນຜະລິດຕະພັນຈາກ ແອບເປິລ ທີ່ມີລາຄາ 109 ປອນ.