ເນມາ ກອງໜ້າຄົນເກັ່ງຂອງທີມຊາດບາຊິນ ແລະ ສະໂມສອນ ປາຣີສ ແຊງແຊກແມງ ຈະໄດ້ຮັບໂບນັດພິເສດ ພຽງແຕ່ປະຕິບັດເງື່ອນໄຂງ່າຍໆກັບສະໂມສອນ ຕາມການລາຍງານຂອງສື່ໃນປະເທດແອັດສະປາຍ.
ສື່ໃນປະເທດແອັດສະປາຍ ເປີດເຜີຍ ເງື່ອນໄຂພິເສດຂອງ ເນມາ ທີ່ຍ້າຍຈາກ ບາເຊໂລນາ ທີມໃນປະເທດແອັດສະປາຍ ມາຮ່ວມກັບ ປາຣີສ ແຊງແຊກແມງ ທີມໃນລີກເອິງຝຣັ່ງ ແຕ່ປີ 2017 ໂດຍລະບຸວ່າ: ລາວຈະໄດ້ຮັບເງິນພິເສດປະມານ 500.000 ເອີໂຣຕໍ່ເດືອນ ສໍາລັບການປະພຶດຕົວໃຫ້ດີໆ ບໍ່ວ່າຈະເປັນເລື່ອງພາບລັກ ລວມເຖິງການຕົງຕໍ່ເວລາ, ບໍ່ອອກມາຕໍາໜິສະໂມສອນ ຫຼື ເພື່ອນຮ່ວມທີມ ແລະ ປະຕິບັດຕໍ່ແຟນບານດີໆ.
ຖ້າຫາກສາມາດເຮັດໄດ້ຕາມເງື່ອນໄຂດັ່ງກ່າວ ເນມາ ຈະສາມາດຮັບເງິນພິເສດ ຫຼື ໂບນັສດັ່ງກ່າວໄປຄອງ ໂດຍສະເລ່ຍຕໍ່ປີຈະໄດ້ຢູ່ 6,5 ລ້ານເອີໂຣທັນທີ.
ຮູບຈາກ: AP
