ເມີເຊເດສ ທີມຊັ້ນນໍາໃນວົງການລົດສູດໜຶ່ງຊີງແຊັມໂລກ ປະກາດໃຫ້ ຈອຈ ຣັສເຊລ ນັກແຂ່ງດາວເດັ່ນ ຮັບໜ້າທີ່ເປັນເພື່ອນຮ່ວມທີມກັບ ລູອິສ ແຮມິລຕັນ ແຊັມໂລກ 7 ສະໄໝ ລ່າແຊັມລະດູການ 2022 ຢ່າງເປັນທາງການ ຫຼັງຈາກທີ່ ອັລຟາ ໂຣເມໂອ ຢືນຢັນຄວ້າຕົວ ວັລເທຣີິ ບ໊ອດທາສ ໄປຮ່ວມທີມເມື່ອບໍ່ດົນມານີ້.
ຣັສເຊລ ປັດຈຸບັນອາຍຸ 23 ປີຖືກດຶງມາຢູ່ກັບ ເມີເຊເດສ ຫຼັງຈາກທີ່ກ່ອນໜ້ານີ້ຂັບໃຫ້ກັບ ລິລລຽມສ໌ ເຖິງ 3 ລະດູການ ແລະ ກາຍເປັນນັກແຂ່ງເບີໜຶ່ງຂອງທີມດັ່ງກ່າວ.
ຣັສເຊລ ກ່າວວ່າ: ມັນເປັນວັນທີ່ມີຄວາມໝາຍສໍາລັບຂ້ອຍທັງສ່ວນຕົວ ແລະ ໃນຖານະນັກແຂ່ງອາຊີບ ເຊິ່ງຂ້ອຍຕື່ນເຕັ້ນເລີຍ ແລະ ນີ້ເປັນໂອກາດສໍາຄັນ ໂດຍຂ້ອຍຕ້ອງການສວຍໂອກາດເອົາໄວ້, ແຕ່ຂ້ອຍບໍ່ໄດ້ຢູ່ກັບພາບລວງຕາ ເນື່ອງຈາກຄວາມທ້າທາຍສູງຂຶ້ນ ແລະ ມັນຈະຕ້ອງໃຊ້ເວລາຮຽນຮູ້ຢ່າງຕໍ່ເນື່ອງ.
ຮູບຈາກ: AP
