ສະຕີຟ ສະຕຣິກເກີ ຫົວໜ້າທີມກ໊ອຟຂອງ ທີມຊາດສະຫະລັດອາເມຣິກາ ຊຸດ ໄຣເດີ ຄັບ 2021 ຄັ້ງທີ 42 ທີ່ຈະລົງແຂ່ງຂັນກັບ ທີມເອີຣົບ ທີ່ສະໜາມ ວິສເຊິລລິງ ສະເຕຣດສ໌ ເມືອງເຮຟເວນ ສະຫະລັດອາເມຣິກາ ລະຫວ່າງວັນທີ 24-26 ກັນຍາ 2021 ອອກມາຢ່າງເປັນທາງການປະກອບມີ 6 ນັກກ໊ອຟ.
6 ນັກກ໊ອຟຕົວເລືອກຂອງຫົວໜ້າທີມປະກອບມີ: ແຊນເດີ ຊອຟເຟລ ເຈົ້າຂອງຫຼຽນຄໍາ ໂອແລມປິກ 2020, ສະກ໊ອດຕິີ ເຊຟເຟລ, ດານຽລ ເບເກີ, ແຮຣີິສ ອິງລິຊ, ໂທນີ ຟິເນົາ ແລະ ຈໍແດນ ສະປິດ.
ສ່ວນອີກ 6 ຄົນແມ່ນມາຈາກໂຄຕ້າຄະແນນສະສົມປະກອບມີ: ດັສຕິນ ຈອນສັນ, ໄບຣສັນ ເດີຊອບໂບ, ບຣູກສ໌ ໂຄບກາ, ຈັສຕິນ ໂທມັສ, ແພທຣິກ ຄານລີ ແລະ ຄອລລິນ ໂມຣິກາວິ. ຂະນະທີ່ ທີມຊາດເອີຣົບ ຫົວໜ້າທີມນໍາໂດຍ ເປເດຣກ ແຮຣິງຕັນ ນັກກ໊ອຟຊາວໄອຣ໌ແລນ ຈະມີການປະກາດລາຍຊື່ທັງໝົດຢ່າງເປັນທາງການໃນວັນທີ 12 ກັນຍາ 2021.