ແຟນມວຍລຸ້ນເຫັນ ແມນນີ ປາກຽວ ນັກມວຍຊາວຟິລິບປິນ ກັບມາຊົກອີກຄັ້ງ ຫຼັງຈາກທີ່ລາວ ໃຫ້ສໍາພາດວ່າ: ບໍ່ມີແຜນທີ່ຈະລົງຊີງຕໍາແໜ່ງປະທານາທິບໍດີ ຟິລິບປິນ ຫຼື ອາດເລີກຫຼິ້ນການເມືອງໄປເລີຍ.
ກ່ອນໜ້ານີ້ ປາກຽວ ຂຶ້ນຊົກມວຍໄຟທຫຼ້າສຸດເສຍໃຫ້ກັບ ຢໍເດນິສ ອູກັສ ໃນການຊີງສາຍແອວແຊັມໂລກຮຸ່ນເວລເຕີເວດ ເມື່ອເດືອນສິງຫາ ທີ່ຜ່ານມາ ກ່ອນບອກຈະຕັດສິນໃຈອະນາຄົດ ກ່ອນເດືອນຕຸລາ 2021.
ຫຼ້າສຸດ ປາກຽວ ອອກມາໃຫ້ສໍາພາດຕໍ່ສື່ໃນບ້ານຕົວເອງວ່າ: “ ຂ້ອຍບໍ່ມີແຜນທີ່ຈະລົງຊີງຕໍາແໜ່ງຮອງປະທານາທິບໍດີ, ສົນໃຈແຕ່ພຽງຕໍາແໜ່ງປະທານາທິບໍດີ ຫຼື ຕໍາແໜ່ງວຸດທິສະພາ, ສ່ວນອີກທາງເລືອກໜຶ່ງຄື ອອກຈາກວົງການການເມືອງໄປເລີຍ ຢ່າງທີ່ຂ້ອຍເວົ້າສະເໝີ ບໍ່ວ່າການຕັດສິນໃຈຂອງຂ້ອຍຈະເປັນແບບໃດ, ຂ້ອຍຈະຢືນຢັດ ແລະ ຕໍ່ສູ້ ເພື່ອສິ່ງທີ່ຕ້ອງການ ແລະ ຈະເຮັດໃຫ້ດີທີ່ສຸດ ເພື່ອຄວາມຝັນຂອງຂ້ອຍ ແລະ ທຸກຄົນ ”.
ຮູບຈາກ: AP
