ເຈົ້ານະຄອນ ໄກສອນ ພົມວິຫານ ລົງກວດກາຊີ້ນຳ ເຂດບ້ານພື້ນທີ່ສີແດງ ທີ່ມີຜູ້ຕິດເຊື້ອໃນຊຸມຊົນ

433

ໃນຕອນບ່າຍວັນທີ 24ສິງຫາ 2021 ທ່ານ ປະສົງສິນ ຈະເລີນສຸກ ເຈົ້ານະຄອນ ໄກສອນ ພົມວິຫານ ພ້ອມດ້ວຍຄະນະທິມງານ, ປ້ອງກັນ, ຄວບຄຸມ ແລະສະກັດກັ້ນການແຜ່ລະບາດຂອງພະຍາດ ໂຄວິດ 19 ຂັ້ນນະຄອນ, ລົງກວດກາເບິ່ງໜ່ວຍກວດກາ ພາຍໃນບ້ານເຂດພື້ນທີ່ສີແດງ ທີ່ມີຜູ້ຕິດເຊື້ອໃນຊຸມຊົນ ເຊີ່ງມີ 5 ບ້ານຄື: ບ້ານລັດຕະນະລັງສີໃຕ້, ບ້ານຫົວເມືອງໃຕ້,ບ້ານໂພໄຊ,ບ້ານນາແກ ແລະບ້ານສະໜາມໄຊ.


ໂອກາດທີ່ທ່ານເຈົ້ານະຄອນລົງມາຕິດຕາມ,ກວດກາເບິ່ງໃນຄັ້ງນີ້ທ່ານຍັງໄດ້ເນັ້ນໃຫ້ຄະນະບ້ານໃຫ້ເອົາໃຈໃສ່ໃນການປິດເປັນບ້ານ,ເປັນໜ່ວຍ ,ເປັນຄອບຄົວເພື່ອບໍ່ໃຫ້ມີການແຜ່ລະບາດອອກໄປສູ່ວົງກວ້າງພາຍໃນບ້ານແລະບ້ານອ້ອມຂ້າງໃນທົ່ວນະຄອນ ແລະຫ້າມບຸກຄົນເດີນທາງເຂົ້າ-ອອກບ້ານເຂດທີ່ມີການຕິດເຊື້ອ(ເຂດແດງ)ຫຼືເຂດທີ່ມີຄວາມສຽ່ງ(ເຂດເຫຼືອງ) ໃນນັ້ນໃຫ້ມີການໂຄສະນາເຜີຍແຜ່ຢ່າງກວ້າງຂວາງເປັນຕົ້ນໂທລະໂຄ່ງບ້ານແລະອື່ນໆ ເພື່ອໃຫ້ປະຊາຊົນເຫັນໄດ້ໄພອັນຕະລາຍຂອງພະຍາດໂຄວິດ-19,ຮູ້ຈັກວິທີສະກັ້ນແລະ ຕ້ານພະຍາດນີ້ດ້ວຍຕົນເອງ.

ພ້ອມນັ້ນກໍຮ່ວມມືກັນປະຕິບັດວຽກງານປ້ອງກັນ, ຄວບຄຸມ ແລະສະກັດກັ້ນການແຜ່ລະບາດຂອງພະຍາດໂຄວິດ 19, ປະສານສົມທົບກັນຕະຫຼອດເວລາ ລະຫວ່າງ ຄະນະສະເພາະຂັ້ນນະຄອນ ເພື່ອເຮັດໃຫ້ວຽກງານດັ່ງກ່າວນີ້ໄດ້ຮັບການປະຕິບັດຢ່າງມີປະສິດທິພາບສູງ ແລະ ຄຽງຄູ່ກັນນັ້ນກໍໃຫ້ປະຕິບັດແຈ້ງການ,ຄຳສັ່ງຂອງທ່ານເຈົ້າແຂວງ ເລກທີ1443/ຈຂ.ສຂ ລົງວັນທີ 23ສິງຫາ 2021 ຢ່າງເຂັ້ມງວດ