ນາໂອກິ ຮ້ານອາຫານແບບຍີ່ປຸ່ນ ພ້ອມຕອບສະໜອງວິຖີຊີວິດແບບໃໝ່

1539

ນາໂອກິ Naoki ກໍ່ຕັ້ງຂຶ້ນໃນປີ 2017 ເປັນບໍລິສັດດຳເນີນທຸລະກິດຫຼາຍດ້ານ ເຊັ່ນ: ຮ້ານອາຫານຍີ່ປຸ່ນ ນາໂອກິ Naoki, ບໍລິການ Naoki Delivery ຜ່ານ App Naoki, ບໍລິການ ແລະ ຈຳໜ່າຍອາຫານສົດ ແລະ ອາຫານແຊ່ແຂງທີ່ມີຄຸນນະພາບສູງ.

May be an image of 8 people, people standing and indoor

ນາໂອກິ Naoki ເລີ່ມຕົ້ນດ້ວຍຄວາມຄິດຢາກດຳເນີນທຸລະກິດດ້ານອາຫານຍີ່ປຸ່ນ ມີວັດຖຸດິບທີ່ໄດ້ມາດຕະຖານ, ເນັ້ນຄຸນນະພາບອາຫານທີ່ດີ ແລະ ການບໍລິການທີ່ດີເປັນທີ່ພໍໃຈຂອງລູກຄ້າ, ລາຄາອາຫານຖືກ ແລະ ທຸກຄົນສາມາດກິນໄດ້ ພາຍໃຕ້ແນວຄວາມຄິດ “ ຄິດຮອດຮ້ານອາຫານຍີ່ປຸ່ນ ໃນລາຄາເປັນກັນເອງ ແລະ ອີ່ມແບບກຸ້ມຄ່າ, ສະບາຍກະເປົາ ຄິດຮອດຮ້ານອາຫານຍີ່ປຸ່ນ ນາໂອກິ Naoki ”.

May be an image of 2 people, people sitting and indoor

ໃນປັດຈຸບັນ ນາໂອກິ ມີ 4 ສາຂາ ຄື: 1). ນາໂອກິ ສາຂານ້ຳພຸ; 2). ນາໂອກິ ສາຂາດົງໂດກ; 3). ນາໂອກິ ສາຂານະຄອນພະນົມ ( ປະເທດໄທ ); 4). ນາໂອກິ ສາຂາໂພນສະອາດ ( ທາດຫຼວງ ).

ຜ່ານການໃຫ້ບໍລິການຂອງ ນາໂອກິ Naoki ແມ່ນໄດ້ມີຜົນຕອບຮັບເປັນຢ່າງດີຈາກທ່ານລູກຄ້າ ພ້ອມກັບ ນາໂອກິ ໄດ້ສະສົມປະສົບການດຳເນີນທຸລະກິດດ້ານອາຫານຍີ່ປຸ່ນ ຫຼາຍກວ່າ 4 ປີ, ນາໂອກິ ຈຶ່ງໄດ້ຕັດສິນໃຈໃນການຂະຫຍາຍທຸລະກິດຮູບແບບ Franchise ຄື: COCO: Company Owned, Company Operated, CODO: Company Owned, Dealer Operated ເຊິ່ງເລີ່ມໃນປີ 2021 ຢູ່ພາຍໃນ ສປປ ລາວ ແລະ CLMV.

May be an image of one or more people, people standing, people sitting and indoor

ການເຊັນສັນຍາຮັບເໝົາກໍ່ສ້າງໂຄງການສາງເຢັນ ແລະ ແປຮູບອາຫານແບບຄົບວົງຈອນຂອງ ນາໂອກິ ໄດ້ມີຂຶ້ນໃນວັນທີ 23 ສິງຫາ 2021 ລະຫວ່າງ ເຈົ້າຂອງໂຄງການ ແລະ ບໍລິສັດຮັບເໝົາກໍ່ສ້າງ, ການດຳເນີນຂອງໂຄງການດັ່ງກ່າວແມ່ນພາຍໃຕ້ຄວາມຄິດດຳເນີນທຸລະກິດດ້ານການນຳເຂົ້າ – ສົ່ງອອກ ອາຫານສົດ ແລະ ອາຫານແຊ່ແຂງທີ່ມີຄຸນນະພາບ ພາຍໃຕ້ເຄື່ອງໝາຍການຄ້າ Naoki Food For You ໂດຍຫຼິງເຫັນໂອກາດຄວາມຕ້ອງການຂອງຕະຫຼາດ ເຊິ່ງການພັດທະນາຜະລິດຕະພັນ ພ້ອມກັບນະວັດຕະກຳໃໝ່ໆ ບໍ່ວ່າຈະເປັນອາຫານສົດ, ຜະລິດຕະພັນອາຫານແຊ່ເຢັນ ( Chilled Food ) ອາຫານແຊ່ແຂງ ( Frozen Food ) ອາຫານກະປ໋ອງ ແລະ ອາຫານແຫ້ງ ເປັນຕົ້ນ.

May be an image of 2 people, people standing, people sitting and indoor

ຈຸດປະສົງຂອງຜະລິດຕະພັນຈຳນວນນີ້ ລ້ວນຜະລິດອອກມາເພື່ອຕອບສະໜອງຕໍ່ພຶດຕິກຳຂອງຜູ້ບໍລິໂພກທີ່ມີຄວາມປ່ຽນໄປ ໂດຍສະເພາະຄົນຮຸ່ນໃໝ່ ໃນປັດຈຸບັນ ສ່ວນຫຼາຍຄົນໃນເມືອງແມ່ນເຮັດວຽກນອກບ້ານທັງຜົວ ແລະ ເມຍ, ຈຳນວນໜຶ່ງອາໄສຢູ່ຫ້ອງເຊົ່າ ແລະ ຄອນໂດ ໃຊ້ຊີວິດດ້ວຍຄວາມເລັ່ງດ່ວນ ຕ້ອງການຄວາມວ່ອງໄວ ພ້ອມກັບຄວາມສະດວກສະບາຍ. ດັ່ງນັ້ນ, ອາຫານສົດ, ອາຫານແຊ່ແຂງ ແລະ ອາຫານສຳເລັດຮູບ ສາມາດຕອບສະໜອງວິຖີຊີວິດຂອງຄົນຮຸ່ນໃໝ່ໄດ້ເປັນຢ່າງດີ ໂດຍສະເພາະອາຫານແຊ່ແຂງມີຄວາມໄດ້ປຽບດ້ານອາຍຸການເກັບຮັກສາ ແລະ ຜູ້ບໍລິໂພກກໍຄຸ້ນເຄີຍກັບອາຫານແຊ່ແຂງ ແລະ ຍອມຮັບໃນເລື່ອງຄຸນນະພາບ, ມາດຕະຖານ ປະກອບກັບການຂະຫຍາຍສາຂາຂອງຮ້ານສະດວກຊື້ ຈຶ່ງເຮັດໃຫ້ອາຫານແຊ່ແຂງສາມາດຫາຊື້ໄດ້ງ່າຍ. ດັ່ງນັ້ນ, ການຂະຫຍາຍທຸລະກິດຂອງ ນາໂອກິ ໂດຍຄຳນຶງເຖິງຄວາມພ້ອມ ແລະ ຄວາມສົມບູນແບບໃຫ້ກັບລູກຄ້າ ດ້ວຍແນວຄິດພັດທະນາຢ່າງສ້າງສັນ ແລະ ໃສ່ໃຈໃນທຸກລາຍລະອຽດ.