ກອງພົນທະຫານຮາບທີ 4 ມອບເຄື່ອງໃຫ້ຄະນະສະເພາະກິດເມືອງ ອຸທຸມພອນ

271

ໃນວັນທີ 18 ສິງຫາຜ່ານມານີ້, ກອງພົນທະຫານຮາບທີ 4 ເຊິ່ງນຳໂດຍສະຫາຍ ພົນຈັດຕະວາ ສົມຈິດ ກິດຕິຍະລາດ ເລຂາຄະນະພັກກອງພົນ ຫົວໝ້າການເມືອງກອງພົນທະຫານຮາບທີ 4 ພ້ອມດ້ວຍຄະນະໄດ້ນຳເອົາເຄື່ອງອຸປະໂພກ – ບໍລິໂພກມາມອບໃຫ້ໃຫ້ສູນປະຕິບັດງານຄະນະສະເພາະກິດເພື່ອປ້ອງກັນສະກັດກັ້ນ ແລະ ຄວບຄຸມການແຜ່ລະບາດພະຍາດໂຄວິດ – 19 ເມືອງ ອຸທຸມພອນ.

ເຄື່ອງທີ່ນຳມາມອບຄັ້ງນີ້ລວມມີ: ນ້ຳດື່ມ 40 ແພັກ, ໝີ່ 1 ແກັດໃຫຍ່ ກັບ 42 ແກັດນອ້ຍ, ປາກະປ໋ອງ10 ແພັກ, ກາເຟ 24ຖົງ, ໂອວັນຕິນ 12 ຖົງ ແລະ ຊາຂຽວ 12 ຫໍ່, ລວມມູນຄ່າທັງໝົດ 4 ລ້ານ ກີບ ເພຶ່ອນຳໄປມອບ ແລະ ແຈກຢາຍໃຫ້ພໍ່ແມ່ພີ່ນ້ອງປະຊາຊົນ ແລະ ກຸ່ມຄົນທົ່ວໄປທີ່ກຳລັງຈຳກັັດບໍລິເວນຢູ່ສູນຕ່າງໆທົ່ວເມືອງ ອຸທຸມພອນ ເພຶ່ອປະກອບສ່ວນ ແລະ ແບ່ງເບົາພາລະຄວາມຫຍຸ້ງຍາກຂັດສົນໃນໄລຍະເວລາຖືກຈຳກັດບໍລິເວນຢູ່ໃນສູນເພື່ອຄວບຄຸມການແຜ່ລະບາດພະຍາດໂຄວິດ – 19 ໄດ້ຫຼຸດໝ້ອຍຖອຍລົງເທື່ອລະກ້າວ.

ທ່ານ ແສນສັກ ພິມວົງສາ ເຈົ້າເມືອງອຸທຸມພອນ ໄດ້ຕາງໝ້າໃຫ້ສູນປະຕິບັດງານຄະນະສະເພາະກິດເພື່ອປ້ອງກັນສະກັດກັ້ນ ແລະ ຄວບຄຸມການແຜ່ລະບາດພະຍາດໂຄວິດ – 19 ຂັ້ນເມືອງ ໄດ້ກ່າວສະແດງຄຳຂອບອົກຂອບໃຈຕໍ່ສະຫາຍ ພົນຈັດຕະວາ .ສົມຈິດ ກິດຕິຍະລາດ ເລຂາຄະນະພັກກອງພົນ ຫົວໝ້າການເມືອງກອງພົນທະຫານຮາບທີ 4 ພອ້ມດ້ວຍຄະນະທີ່ໄດ້ນຳເອົາເຄື່ອງອຸປະໂພກ – ບໍລິໂພກມາມອບໃຫ້ ພ້ອມທັງໃຫ້ຄຳໝັ້ນສັນຍາວ່າ ຈະນຳເອົາເຄື່ອງອຸປະໂພກ ບໍລິໂພກຈຳນວນດັ່ງກ່າວໄປແຈກຢາຍຕາມແຕ່ລະສູນໃຫ້ເໝາະສົມ, ໂອກາດນີ້ເຈົ້າເມືອງ ອຸທຸມພອນ ຍັງໄດ້ມອບໃບສັນລະເສີນໃຫ້ກອງພົນທະຫານຮາບທີ 4 ຢ່າງສົມກຽດ.

ຂ່າວໂດຍ: ບຸນມາ ຮັງສົມບັດ (ນັກຂ່າວກອງພັນໃຫຍ່ 401)

55
แชร์ 1 ครั้ง
ถูกใจ
แสดงความคิดเห็น
แชร์