ໂຣເບິດ ເລວານດອຟສະກີ ກອງໜ້າຕົວເກັ່ງຂອງ ບາເຢິນ ມິວນິກ ສ້າງສະຖິຕິຍິງປະຕູໃສ່ ໂບຣຸສເຊຍ ດ໊ອດມູນ ທີມເກົ່າ 24 ປະຕູຈາກ 24 ນັດທີ່ພົບກັນ ຫຼັງຫຼ້າສຸດຍິງ 2 ປະຕູພາ ບາເຢິນ ມິວນິກ ເອົາຊະນະ ດ໊ອດມູນ 3-1 ຄວ້າແຊັມ ຊູເປີຄັບ ໄປຄອງເມື່ອວັນທີ 17 ສິງຫາ 2021.
2 ປະຕູດັ່ງກ່າວເຮັດໃຫ້ ເລວານ ເພີ່ມສະຖິຕິໃນການຍິງປະຕູໃສ່ ດ໊ອດມູນ ທີມເກົ່າໄປທັງໝົດ 24 ປະຕູຈາກການແຂ່ງຂັນທີ່ພົບກັນທັງໝົດ 24 ນັດ ຄິດສະເລ່ຍນັດລະ 1 ປະຕູ.
ສໍາລັບ ເລວານດອຟສະກີ ເລີ່ມສ້າງຊື່ສຽງກັບ ດ໊ອດມູນ ກ່ອນຍ້າຍໄປຮ່ວມກັບ ບາເຢິນ ມິວນິກ ໃນປີ 2014 ແລະ ຍັງຮັກສາຜົນງານໂດດເດັ່ນໃນການຍິງປະຕູ ໂດຍສະເພາະຍິງໃຫ້ກັບ ບາເຢິນ ມິວນິກ ໄປແລ້ວ 297 ປະຕູຈາກ 331 ນັດໃນທຸກລາຍການ. ນອກຈາກນີ້, ເລວານດອຟສະກີ ຍັງສ້າງສະຖິຕິຍິງປະຕູໃຫ້ກັບ ບາເຢິນ ມິວນິກ ໄດ້ 14 ນັດຕິດຕໍ່ກັນອີກດ້ວຍ.
ຮູບຈາກ: AP
