ມື້ໃດທີ່ທ່ານບໍ່ຢາກກິນເຂົ້າ, ບໍ່ຢາກກິນຊີ້ນ ຫຼື ອາຫານໜັກໆ ມາລອງເຮັດເມນູນີ້ເລີຍ ກຸ້ງລາດນ້ຳຍຳ ບອກເລີຍວ່າທັງແຊບ ທັງເບົາ ທັງດີຕໍ່ໃຈ ແລະ ດີຕໍ່ນ້ຳໜັກຂອງທ່ານແນ່ນອນ ວິທີເຮັດກໍງ່າຍບໍ່ຫຍຸ້ງຍາກ ເຮົາໄປເຮັດກິນພ້ອມກັນເລີຍ.
ເຄື່ອງປຸງ:
ກຸ້ງໂຕໃຫຍ່ 20 ໂຕ ຕັດຫົວ ແລະ ແກະເປືອກອອກ
ກະລ່ຳຊອຍ 1 ຖ້ວຍນ້ອຍ
ຜັກບົວລະພາ 1/2 ຖ້ວຍນ້ອຍ
ໝາກແຕງ 1 ໜ່ວຍ ຊອຍເປັນຕ່ອນມົນ ແລະ ບາງ
ຫອມປ້ອມ 5 ຕົ້ນ, ເອົາທັງກ້ານ ແລະ ຮາກ
ນ້ຳປາ 4 ບ່ວງແກງ
ນ້ຳຕານປີ໊ບ 3 ບ່ວງແກງ
ໝາກນາວ 2 ໜ່ວຍ ບີບເອົາແຕ່ນ້ຳ
ໝາກເຜັດດິບ 15 ໜ່ວຍ ໃສ່ຕາມໃຈມັກ
ກະທຽມສົດ 6 ກີບ
ນ້ຳ 2 ບ່ວງແກງ
ວິທີເຮັດ:
1 ລວກກຸ້ງພໍສຸກ ແລ້ວເອົາອອກມາແຊ່ນ້ຳກ້ອນໄວ້ເພື່ອໃຫ້ມັນເດັ້ງ.
2 ກຽມຜັກຕ່າງໆຢາຍໃສ່ຖາດໄວ້.
3 ກຽມນ້ຳຍຳ: ປັ່ນໝາກເຜັດ, ກະທຽມ, ຮາກ ແລະ ກ້ານຫອມປ້ອມ, ນ້ຳຕານປີ໊ບ, ນ້ຳປາ, ໝາກນາວ, ນ້ຳ ໃຫ້ລະອຽດເຂົ້າກັນດີ ແລ້ວຊີມລົດຊາດໃຫ້ອອກສົ້ມ, ເຄັມ, ຫວານ.
4 ເອົາກຸ້ງມາວາງໃສ່ເທິງຜັກ ແລ້ວເອົານ້ຳຍຳລາດໜ້າກຽມລຸຍກັບຄວາມແຊບແບບຄົບລົດໄດ້ເລີຍ.
ທີ່ມາ: https://www.zap.la/lo/recipe-98-shrimp-salad