ພ້ອມເຊຍກັນແລ້ວບໍ່ໜຸ່ມມຫຼໍ່ຄົມເຂັ້ມ ຈາກເວທີ Mister Laos Mister International Laos 2021 ສຸວັນນີ ທຳມະວົງສາ ຫຼື ຕົ້ນ ໝາຍເລກ 19 ຜູ້ຜ່ານເຂົ້າຮອບ 20 ຄົນ ປັດຈຸບັນອາຍຸ 21 ປີ ຈາກນະຄອນຫຼວງວຽງຈັນ ກຳລັງສຶກສາຢູ່ ສປ ຈີນ.
ຕົ້ນ ໄດ້ໃຫ້ສໍາພາດວ່າ: ເຄີຍປະກວດເວທີ Mister Suprainternational ມາກ່ອນໄດ້ເຂົ້າຮອບ 5 ຄົນສຸດທ້າຍ ສໍາລັບຄວາມໃຝ່ຝັນກັບເວທີນີ້ຄື ຢາກມາເສີມບຸກຄະລິກກະພາບຂອງຕົນເອງ ແລະ ສ້າງຄວາມໝັ້ນໃຈໃຫ້ຕົວເອງ ເຊິ່ງຕົ້ນຄິດວ່າເວທີນີ້ຈະເປັນປະຕູທີ່ຊ່ວຍເປີດໂອກາດໃຫ້ຕົ້ນເອງໄດ້ກ້າວເຂົ້າສູ່ວົງການບັນເທີງລາວ ແລະ ພັດທະນາວົງການບັນເທີງລາວໃຫ້ເປັນທີ່ຮູ້ຈັກເປັນວົງກວ້າງໃນອະນາຄົດ.
ຕົ້ນ ມີຄະຕິປະຈຳໃຈຄື “ ຊື່ສັດຈິງໃຈຕໍ່ໜ້າທີ່ ແລະ ຜົນສຳເລັດກໍຈະຕາມມາ ” ສິ່ງສໍາຄັນກໍຄືບໍ່ວ່າຈະເຮັດທໍາສິ່ງໃດ ຄວາມຈິງໃຈຕໍ່ໜ້າທີ່ ແລະ ຄວາມມຸ່ງໝັ້ນພະຍາຍາມນັ້ນເປັນສິ່ງທີ່ສໍາຄັນທີ່ສຸດ ເພາະມັນຈະພັກດັນ ແລະ ຊ່ວຍໃຫ້ເຮົາໄປເຖິງເປົ້າໝາຍຄວາມສໍາເລັດຕາມທີ່ຫວັງໄວ້ໄດ້.
ຄວາມສາມາດພິເສດຂອງໜຸ່ມຕົ້ນຄືກີລາບານສົ່ງ ແລະ ຈຸດເດັ່ນທີ່ຄິດວ່າຈະເອົາຊະນະໃຈກຳມະການໄດ້ນັ້ນຄິດວ່າ ນ້ອງມີຄວາມສູງ ແລະ ຮູບຮ່າງທີ່ໄດ້ປຽບ ໃຊ້ຄວາມເປັນຕົວຂອງຕົວເອງທີ່ບໍ່ຄືໃຜ ໃນການສະແດງສັກກະຍະພາບທີ່ມີອອກສູ່ສາຍຕາທຸກຄົນ ແລະ ຄວ້າຕໍາແໜ່ງອັນຊົງກຽດຈາກເວທີ Mister Laos Mister International Laos 2021 ມາຄອບຄອງໃຫ້ໄດ້.
ສໍາລັບການກຽມຕົວກ່ອນເຂົ້າປະກວດຂອງຕົນເອງ ແມ່ນມີຫຼາຍຢ່າງເລີຍແລະ ເຊັ່ນວ່າ: ການເຂົ້າຢິມ ເພື່ອຟິດຫຸ່ນໃຫ້ດູດີຂຶ້ນ ແລະ ຝຶກຍ່າງໃຫ້ມີ ຄວາມຄ່ອງຕົວ, ເຕັກນິກຕ່າງໆໃນການຕອບຄໍາຖາມ ເພື່ອເຮັດໃຫ້ຜົນທີ່ອອກມາເປັນໜ້າເພິ່ງພໍໃຈສໍາລັບຕົນເອງທີ່ສຸດ.
ເປົ້າໝາຍຂອງການປະກວດໃນຄັ້ງນີ້ ຖ້າຕົ້ນໄດ້ຮັບຕໍາແໜ່ງ ສິ່ງທີ່ຢາກຈະເຮັດເພື່ອຊ່ວຍເຫຼືອສັງຄົນ ກໍຄືຢາກເປັນກະບອກສຽງໃຫ້ຄົນໃນສັງຄົມເຊົາເສບຢາເສບຕິດ, ບອກຜົນເສຍຂອງຢາເສບຕິດວ່າມັນຮ້າຍແຮງສໍ່າໃດ ແລະ ຊ່ວຍເຫຼືອຄົນທຸກຍາກຂາດແຄນໃນເຂດຊົນນະບົດຫ່າງໄກສອກຫຼີກຕ່າງໆ ບໍ່ວ່າຈະເປັນທາງດ້ານເຄື່ອງນຸ່ງຫົ່ມ, ສະບຽງອາຫານ ແລະ ຢາກຊ່ວຍໃຫ້ຄົນເຫຼົ່ານັ້ນສາມາດເຂົ້າເຖິງການສຶກສາໃຫ້ຫຼາຍຂຶ້ນ.
ສ່ວນກິດຈະກຳຍາມວ່າງທີ່ຕົ້ນມັກເຮັດ ຄືຈະອອກກຳລັງກາຍບໍ່ວ່າຈະຕີບານ, ເຕະບານ ຫຼື ເຂົ້າຢິມ ເພື່ອຟິດຫຸ່ນເປັນປະຈຳ ແລະ ສະຕາຍການແຕ່ງຕົວແມ່ນມັກນຸ່ງເຄື່ອງທີ່ຮູ້ສຶກວ່າໃສ່ແລ້ວສະບາຍ ສ່ວນຫຼາຍແມ່ນຈະມັກນຸ່ງເຄື່ອງກີລາ ເວລາອອກໄປນອກກໍຈະນຸ່ງແນວຊິວໆ ສຸພາບ ແລະ ສຸດທ້າຍນີ້ຝາກເຊຍເປັນກຳລັງໃຈໃຫ້ນ້ອງແດ່ເດີໃນການປະກວດເວທີ Mister Laos Mister International Laos 2021 ໝາຍເລກ MRL19 ຊ່ອງທາງໃນການຕິດຕາມຜົນງານ ແມ່ນທາງເຟສບຸ໊ກສ່ວນຕົວ Ton Thammavongsa.
ຮູບ: Ton Thammavongsa