ເຄນໂຕະ ໂມໂມຕະ ນັກກີລາດອກປີກໄກ່ຊາຍດ່ຽວມື 1 ຂອງໂລກ ແລະ ເຕັງ 1 ຈາກຍີ່ປຸ່ນ ພິກລ໊ອກຕົກຮອບແບ່ງກຸ່ມໄປ ໃນໂອແລມປິກ 2020 ໄປຢ່າງໜ້າເສຍດາຍ ຫຼັງຈາກທີ່ເສຍໃຫກັບ ແຮ ກວາງຮີ ຈາກ ສ ເກົາຫຼີ 0-2 ເຊັດ ເມື່ອວັນທີ 28 ກໍລະກົດ 2021.
ການແຂ່ງຂັນກີລາດອກປີກໄກ່ ປະເພດຊາຍດ່ຽວຮອບແບ່ງກຸ່ມໆ A ນັດທີ 2 ເຄນໂຕະ ໂມໂມຕະ ມືວາງອັນດັບ 1 ຂອງໂລກຈາກຍີ່ປຸ່ນ ຖືກຈັດໃຫ້ເປັນເຕັງ 1 ທີ່ຈະຄວ້າຫຼຽນຄໍາໂອແລມປິກ 2020 ພົບກັບ ແຮ ກວາງຮີ ມືວາງອັນດັບທີ 15 ແຕ່ປາກົດວ່າ: ແຮ ກວາງຮີ ລະເບີດຟອມໂດດເດັ່ນເອົາຊະນະ ໂມໂມຕະ ໄປໄດ້ແບບເໜືອຄວາມຄາດໝາຍ 2-0 ເຊັດ 21-15 ແລະ 21-19 ໃຊ້ເວລາ 52 ນາທີໆ.
ເຮັດໃຫ້ ແຮ ກວາງຮີິ ເຂົ້າໄປລໍຖ້າໃນຮອບ 8 ຄົນສຸດທ້າຍລໍພົບຜູ້ຊະນະລະຫວ່າງ ເຄລວິນ ຄໍດອນ ມືວາງອັນດັບທີ 25 ຈາກົວເຕມາລາ ຫຼື ມາກ ຄັລໂຈວ ມືວາງອັນດັບທີ 17 ຈາກໂຮນລັງ.
