ສະຖິຕິສູງສຸດມື້ນີ້ 280 ຄົນຕິດເຊື້ອໂຄວິດ-19 ພົບໃນຊົມຊຸນ 3 ຄົນ

429

ສິ່ງທີ່ທຸກຄົນພາວະນາຢູ່ທຸກວັນຄືຂໍໃຫ້ພະຍາດໂລຄາທີ່ແຜ່ລະບາດຢູ່ຫາຍໄປສາເຖີດ ແຕ່ໃນສະພາບຄວາມເປັນຈີງກົງກັນຂ້າມກັບເພີ່ມຂຶ້ນເລື້ອຍໆ ຫຼ້າສຸດມີລາຍງານ ການລະບາດຂອງພະຍາດໂຄວິດ-19 ມື້ນີ້ ສປປ ລາວ ພົບຜູ້ຕິດເຊື້ອສູງເປັນສະຖິຕິໃໝ່ 280 ຄົນ. ໃນນັ້ນ, ມີກໍລະນີຕິດໃນຊຸມຊົນ 3 ຄົນ ແລະ ເສຍຊີວິດໃໝ່ 1 ຄົນ.


ທ່ານ ດຣ ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ຕ່າງໜ້າຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຖະແຫຼງຂ່າວປະຈຳວັນ ທີ 28 ກໍລະກົດ 2021 ວ່າ: ການລະບາດຂອງພະຍາດໂຄວິດ-19 ຢູ່ ສປປ ລາວ ປັດຈຸບັນການຕິດເຊື້ອໃນຊຸມຊົນ ຢູ່ ສປປລາວ ແມ່ນຫຼຸດຜ່ອນລົງ ແຕ່ ເຫັນວ່າຕົວເລກການຕິດເຊື້ອໃນບຸກຄົນ ແລະ ແຮງງານທີ່ເດີນທາງເຂົ້າມາປະເທດແມ່ນເພີ່ມຂຶ້ນຫຼາຍໂດຍສະເພາະແມ່ນໃນບັນດາແຂວງທີ່ມີຊາຍແດນຕິດກັບປະເທດເພື່ອນບ້ານທີ່ກໍາລັງມີການລະບາດຂອງພະຍາດໂຄວິດ-19 ໃນຊຸມຊົນ.

ໃນວັນທີ 27 ກໍລະກົດຜ່ານມາ ມີລາຍງານຜູ້ຕິດເຊື້ອໃໝ່ ຈຳນວນ 280 ຄົນ ການເກັບຕົວຢ່າງມາກວດຊອກຫາເຊື້ອທັງໝົດ 2.080 ຕົວຢ່າງໃນທົ່ວປະເທດ ໂດຍຕິດເຊື້ອໃນຊຸມ 3 ຄົນຄື: ຢູ່ນະຄອນຫຼວງວຽງ 1 ຄົນ ແລະ ແຂວງຫຼວງນໍ້າທາ 2 ຄົນ ແມ່ນເປັນຜູ້ສຳຜັດໃກ້ຊີດກັບຜູ້ຕິດເຊື້ອເກົ່າໃນໄລຍະຜ່ານມາ ແລະ ຕິດຈາກນຳເຂົ້າຢູ່ ນະຄອນຫຼວງວຽງ 45 ຄົນ, ສະຫວັນນະເຂດ 127 ຄົນ, ຈາປາສັກ 56 ຄົນ, ສາລະວັນ 33 ຄົນ, ບໍ່ແກ້ວ 1 ຄົນ, ໄຊຍະບູລີ 2 ຄົນ, ຄາມ່ວນ 12 ຄົນ ແລະ ບໍລິຄໍາໄຊ 1 ຄົນ.

["]

ເຊິ່ງແມ່ນແຮງງານລາວ ທີ່ເດີນທາງກັບຄືນມາຈາກປະເທດໃກ້ຄຽງໄດ້ຮັບອະນຸຍາດຈາກຄະນະສະເພາະກິດ ເຂົ້າມາຖືກຕ້ອງຕາມລະບຽບຫຼັກການ ແລະ ຈຳກັດບໍລິເວນຢູ່ສູນຈຳກັດບໍລິເວນຂອງແຂວງ, ເມື່ອຜົນກວດເປັນຜົນບວກພວກກ່ຽວໄດ້ ຖືກນຳ ສົ່ງໄປປິ່ນປົວຢູ່ສະຖານທີ່ປິ່ນປົວ ທີ່ຖືກກຳນົດໄວ້, ມາຮອດປັດຈຸບັນ ສປປ ລາວ ມີຕົວເລກຜູ້ຕິດເຊື້ອສະສົມ 5.434 ຄົນ, ເສຍຊີວິດສະສົມ 6 (1 ໃໝ່) ແລະ ຍັງສືບຕໍ່ປິ່ນປົວ 2.503 ຄົນ.