ຫ້ອງການເມືອງ ວິທະຍາຄານກົມມະດຳ ຈັດຕັ້ງພິທີມອບ-ຮັບໜ້າທີຮອງຫົວໜ້າ ລະຫວ່າງຜູ້ເກົ່າແລະຜູ້ໃໝ່ 

407

ວັນທີ 26 ກໍລະກົດ 2021 ທີ່ຫ້ອງປະຊຸມຫ້ອງການເມືືອງ ວິທະຍາຄານກົມມະດຳ ໄດ້ຈັດພິທີ ມອບ-ຮັບໜ້າທີ່ ລະຫວ່າງ ສະຫາຍ ພັນໂທ ຄຳດີ ແສນວົງສາ ອະດີດ ຮອງຫົວໜ້າຫ້ອງການເມືອງ ວິທະຍາຄານກົມມະດຳ (ຜູ້ເກົ່າ) ແລະ ສະຫາຍ ພັນໂທ ບຸນໂຮງ ມິ່ງນະຄອນ ຮອງຫົວໜ້າຫ້ອງການເມືອງ ວິທະຍາຄານກົມມະດຳ (ຜູ້ໃໝ່).ມີບັນດາຄະນະພັກ, ພະແນກການທີ່ກ່ຽວ ຂ້ອງເຂົ້າຮ່ວມ.

ການຈັດພິທີມອບ-ຮັບໜ້າທີ່ ໃນຄັ້ງນີ້ແມ່ນປະຕິບັດຕາມຂໍ້ຕົກລົງຂອງກະຊວງ ປ້ອງກັນປະເທດ ແລະ ອີງຕາມ ກົດໝາຍນາຍທະຫານກອງທັບ ປະຊາຊົນລາວ ( ສະບັບປັບປຸງ ) ໃນພາກທີ lll ໝວດທີ 1 ມາດຕາ 33 ວ່າດ້ວຍອາຍຸກະສຽນຮັບ ເບ້ຍບຳນານຂອງນາຍທະຫານ ກະຊວງປ້ອງກັນປະເທດໄດ້ຕົກ ລົງແຕ່ງຕັ້ງ ສະຫາຍ ພັນໂທ ບຸນໂຮມ ມິ່ງນະຄອນ ເປັນຮອງຫົວໜ້າ ຫ້ອງການເມືອງ ( ຜູ້ໃໝ່ ) ປ່ຽນແທນສະຫາຍ ພັນໂທ ຄຳດີ ແສນວົງສາ ອະດີດ ຮອງຫົວໜ້າຫ້ອງການເມືອງ (ຜູ້ເກົ່າ) ທີ່ພັກການກຽມຮັບເບ້ຍບຳນານ.

["]

ໂອກາດນີ້ ສະຫາຍ ພັນໂທ ບຸນໂຮມ ມິ່ງນະຄອນ ໄດ້ສະຫຼຸບຄືນຜົນງານການນຳພາຈັດຕັ້ງເຄື່ອນໄຫວຕະຫຼອດໄລຍະຜ່ານມາ ເຊິ່ງໄດ້ຍົກໃຫ້ເຫັນທີ່ຕັ້ງ, ພາລະບົດບາດໃນການເປັນເສນາທິການດ້ານວຽກງານພັກ-ວຽກງານການເມືອງ ໂດຍສະເພາະແມ່ນວຽກງານ ກໍ່ສ້າງພັກພະນັກງານການທີ່ຕິດພັນກັບ, ວຽກໂຄສະນາອົບຮົມການເມ່ີອງແນວຄິດເປັນກົກ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງ ປ້ອງກັນປະເທດວາງອອກ.ຈາກນັ້ນກໍໄດ້ເຊັນບົດບັນທຶກ ມອບ-ຮັບໜ້າທີ່ຢ່າງເປັນທາງ ການ.

ສະຫາຍ ພັນໂທ ຄຳດີ ແສນວົງສາ ກໍໄດ້ໂອ້ລົມ ແລະ ໄດ້ເນັ້ນໜັກ ໃຫ້ຮອງຫົວໜ້າຫ້ອງການເມືອງ ຜູ້ໃໝ່ ຈົ່ງເພີ່ມທະວີຄວາມຮັບຜິດຊອບການເມືອງຕໍ່ໜ້າທີ່ວຽກງານທີ່ໄດ້ຮັບ ມອບໝາຍ, ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນ ແໜ້ນໜາ, ປັບປຸງແບບແຜນວິທີ ເຮັດວຽກໃຫ້ສອດຄ່ອງ, ການເຮັດວຽກຕ້ອງປະຕິບັດຕາມຫຼັກການລວມສູນປະຊາທິປະໄຕ ເຮັດວຽກ ເປັນໝູ່ຄະນະແບ່ງຄວາມຮັບຜິດຊອບໃຫ້ບຸກຄົນ, ສຸມໃສ່ແກ້ ໄຂບັນຫາປະກົດການຫຍໍ້ທໍ້ໃຫ້ ໝົດໄປເທື່ອລະກ້າວ ເພື່ອເຮັດສຳ ເລັດໜ້າທີ່ການເມືອງຕາມທີ່ໄດ້ ຮັບມອບໝາຍດ້ວຍໝາກຜົນສູງ, ສືບຕໍ່ຮັບປະກັນໃນການເປັນເສນາທິການ ກອງທັບໃຫ້ມີ ຄວາມວ່ອງໄວ ແລະ ມີຜົນສຳເລັດສູງ

ໂດຍ: ຕ່ວນບຸບຜາ ທິບທິດາ