ເອດີບີ ປັບຫຼຸດຄາດການເສດຖະກິດອາຊຽນ – ອິນເດຍລົງ

120

ທະນາຄານພັດທະນາອາຊີ ( ເອດີບີ ) ໄດ້ປັບຫຼຸດຄາດການ ການຂະຫຍາຍຕົວຂອງເສດຖະກິດອາຊຽນ – ອິນເດຍລົງເລັກໜ້ອຍ ເນື່ອງຈາກໂຄວິດ – 19 ສາຍພັນເດວຕ້າກຳລັງແຜ່ລະບາດຢ່າງໜັກ ສົ່ງຜົນເຮັດໃຫ້ຜູ້ຕິດເຊື້ອໃນພູມີພາກແຫ່ງນີ້ເພີ່ມຂຶ້ນຢ່າງໄວວາ.

ບົດລາຍງານທ່າອ່ຽງເສດຖະກິດຂອງ ເອດີບີ ລະບຸວ່າ: ການແຜ່ລະບາດຂອງພະຍາດໂຄວິດ – 19 ສາຍພັນເດວຕ້າໃນບັນດາປະເທດສະມາຊິກອາຊຽນ ແລະ ອິນເດຍ ຈະສ້າງແຮງກົດດັນໃຫ້ແກ່ທ່າອ່ຽງການເຕີບໂຕທາງດ້ານເສດຖະກິດຂອງບັນດາປະເທດເຫຼົ່ານີ້ ໂດຍຄາດວ່າ ລວມຍອດຜະລິດຕະພັນພາຍໃນ ( ຈີດີພີ ) ຈະຂະຫຍາຍຕົວ 7,2% ໃນປີນີ້, ຫຼັງຈາກທີ່ກ່ອນໜ້ານີ້ຄາດວ່າຈະຂະຫຍາຍຕົວ 7,3% ແຕ່ປີ 2022 ຈະດີຂຶ້ນເລັກໜ້ອຍ ໂດຍຄາດວ່າປີ 2022 ເສດຖະກິດພູມີພາກອາຊຽນຈະຂະຫຍາຍຕົວ 5,4% ຈາກທີ່ກ່ອນໜ້ານີ້ຄາດວ່າຈະຂະຫຍາຍຕົວ 5,3%.

ໃນຂະນະທີ່ເສດຖະກິດຈີນ ເຊິ່ງເປັນປະເທດທີ່ມີຂະໜາດເສດຖະກິດໃຫຍ່ທີ່ສຸດໃນອາຊີ ຄາດວ່າຈະຂະຫຍາຍຕົວ 8,1% ໃນປີ 2021, ກ່ອນຈະກັບມາຂະຫຍາຍຕົວຕາມປົກກະຕິຢູ່ທີ່ 5,5% ໃນປີ 2022.

ລາຍງານທ່າອ່ຽງທາງເສດຖະກິດຂອງເອດີບີ ຍັງປັບຫຼຸດຕົວເລກຄາດການຂອງເສດຖະກິດອິນເດຍ ໂດຍຄາດວ່າຈະຂະຫຍາຍຕົວ 10% ໃນປີ 2021 ແລະ 7,5% ໃນປີ 2022, ໃນຂະນະທີ່ເສດຖະກິດອາຊີ ກໍໄດ້ປັບຫຼຸດລົງເຫຼືອ 4% ຫຼັງຈາກກ່ອນໜ້ານີ້ຄາດວ່າຈະຂະຫຍາຍຕົວ 4,4% ໃນປີ 2021 ເນື່ອງຈາກການແຜ່ລະບາດຂອງພະຍາດໂຄວິດ – 19 ຮອບໃໝ່ ເຮັດໃຫ້ລັດຖະບານຫຼາຍປະເທດປະກາດປິດເມືອງ ( ລັອກດາວ ).

["]