ຮູ້ຈັກສາວຫວານອາຍຸນ້ອຍສຸດໃນເວທີ Miss Teen Laos 2021 ນໍ້າຝົນ ດາວພະສຸກ ໄຊຄໍາພາ MTL18

348

ມາຮູ້ຈັກ ແລະ ພ້ອມເຊຍໃຫ້ເຂົ້າເຖິງຮອບ 10 ຄົນ ກັບສາວນ້ອຍຍິ້ມຫວານ ຄວາມສາມາດຫຼາກຫຼາຍ ບໍ່ວ່າຈະເປັນແຕ້ມຮູບ, ຕີບານ ແລະ ເຮັດເຂົ້າໜົມ ຖືໄດ້ວ່າຄົບເຄື່ອງທັງສິລະປະ ແລະ ກີລາເລີຍຄົນນີ້ ດາວພະສຸກ ໄຊຄຳພາ ຫຼື ນໍ້າຝົນ MTL18 ປັດຈຸບັນອາຍຸ 14 ປີ ລວງສູງ 166 ຊັງຕີແມັດ ສຶກສາຢູ່ທີ່ໂຮງຮຽນ ມສ ວຽງຈັນ, ມ 4 ຈາກນະຄອນຫຼວງວຽງຈັນ.

May be a closeup of 1 person, standing and outdoors

ຜ່ານມາແມ່ນບໍ່ເຄີຍປະກວດເລີຍ ນີ້ເປັນເວທີທຳອິດ ຄວາມໃຝ່ຝັນຂອງນ້ອງກັບເວທີນີ້ຄືຢາກເປັນ Miss Teen Laos 2021 ແຕ່ເຖິງນ້ອງຈະໄດ້ ຫຼື ບໍ່ໄດ້ກໍຕາມ ນ້ອງໄດ້ປະສົບການອັນຍິ່ງໃຫຍ່ທີ່ຈະເອົາມາພັດທະນາຕົວເອງໄດ້ ແລະ ດ້ານວົງການບັນເທີງ ຄວາມຝັນສຸດໃນວົງການບັນເທີງ ກໍຄືນ້ອງຢາກເປັນຕົວແທນປະເທດລາວທີ່ໄປຢືນຢູ່ເວທີ Miss universe ນັ້ນຄືທີ່ສຸດສຳລັບນ້ອງ ແຕ່ນອກຈາກນີ້ແລ້ວຍັງຢາກເປັນນັກສະແດງ ເພາະນ້ອງເປັນຄົນທີ່ມັກເບິ່ງຊີຣີ ກໍເລີຍມີຄວາມຄິດທີ່ຢາກເປັນນັກສະແດງ.

May be an image of 1 person and outdoors

["]

ຄຳຄົມ ແລະ ຄະຕິປະຈຳໃຈຂອງນ້ອງ ກໍຄື: “ follow your dreams ” ເຊິ່ງເປັນຄໍາທີ່ນ້ອງເອົາມາຈາກຊີຣີໜຶ່ງຂອງເກົາຫຼີ ແລ້ວນ້ອງຮູ້ສຶກວ່າຄຳນີ້ມັນເຮັດໃຫ້ນ້ອງມີແຮງທີ່ຈະພັກດັນ ແລະ ພັດທະນາຕົວເອງໃຫ້ໄປຮອດຝັນທີ່ໄດ້ຕັ້ງໄວ້.

May be an image of 1 person

ສໍາລັບຄວາມສາມາດ ແມ່ນນ້ອງຢາກຈະສະແດງການເຮັດເຂົ້າໜົມ ເພາະມັນເປັນພອນສະຫວັນທີ່ນ້ອງຖະໜັດ ແລະ ເຮັດມາຕະຫຼອດເລີຍ, ນອກຈາກນີ້ນ້ອງກໍມີຄວາມຄິດທີ່ຈະເຮັດແບຣນເຂົ້າໜົມຂອງຕົວເອງ ເພື່ອສົ່ງອອກຕ່າງປະເທດອີກດ້ວຍ ເພື່ອເປັນການເອກອ້າງໃນສີມື ແລະ ຜະລິດຕະພັນຂອງຄົນລາວວ່າມີຄຸນນະພາບບໍ່ໜ້ອຍໄປກວ່າຊາດໃດໃນໂລກ.

May be an image of 1 person

ຈຸດເດັ່ນທີ່ນ້ອງຄິດວ່າຈະສາມາດເອົາຊະນະໃຈຄະນະກຳມະການ ແລະ ທຸກຄົນໄດ້ ກໍຄືນ້ອງເປັນຄົນອາຍຸນ້ອຍສຸດໃນເວທີນີ້ມັນເຮັດນ້ອງບືນຕົວເອງ ເພື່ອໃຫ້ໄປທັນເອື້ອຍໆແຕ່ລະຄົນໃນເວທີ ນ້ອງວ່າການທີ່ນ້ອງມີຄວາມພະຍາຍາມ ແລະ ພັດທະນາຕົວເອງ ແລະ ມີສິ່ງທີ່ຈະມາສະແດງໃຫ້ຄະນະກຳມະການເຫັນຕະຫຼອດ ມັນຈະເປັນສິ່ງໜຶ່ງທີ່ຈະເຮັດໃຫ້ຄະນະກໍາມະການໄດ້ເຫັນເຖິງ ຄວາມອົດທົນ ແລະ ບຸກບືນຂອງນ້ອງເອງ ວ່ານ້ອງມີຄວາມເໝາະສົມທີ່ຈະໄດ້ເປັນດວງດາວແຫ່ງຍຸກສະໄໝຄົນຕໍ່ໄປ.

May be an image of 1 person, standing and indoor

ໃນການກຽມຕົວຂອງນ້ອງກໍຄືການຝຶກຊ້ອມເດີນແບບ, ຝຶກຊ້ອມເຕັ້ນ, ຝຶກຊ້ອມຕອບຄຳຖາມ, ຝຶກຄວາມສາມາດທີ່ຕົນເອງມີຢູ່ແລ້ວໃຫ້ເກັ່ງ ແລະ ພັດທະນາຂຶ້ນ, ນອກຈາກນີ້ກໍແມ່ນຝຶກໃນການໂພສທ່າຖ່າຍຮູບ ແລະ ການວາງຕົວບຸກຄະລິກກະພາບຕ່າງໆ.

May be an image of 1 person, standing, indoor and text that says 'มัดด์ hello.'

ກິດຈະກຳຍາມວ່າງມັກເຮັດເຂົ້າໜົມ, ຟັງເພງ, ເບິ່ງຮູບເງົາ, ອອກກຳລັງກາຍ; ສະຕາຍການແຕ່ງຕົວຈະເປັນຄົນແຕ່ງສະຕາຍສາວຫວານ ແລະ ຈະມີເປັນສະຕາຍວິນເທດແດ່. ສຸດທ້າຍນີ້ນ້ອງກໍຢາກຂໍຝາກໃຫ້ທຸກຄົນເຊຍ ແລະ ເປັນກຳລັງໃຈໃຫ້ນ້ອງໃນການແຂ່ງຂັນ Missteenlaos2021 ໝາຍເລກMTL18 ຝາກແດ່ເດີ ເຟສ ບຸ໊ກ: N`NamFon Xay khampha.

ຮູບ: N`NamFon Xaykhampha