ຮູ້ຈຸດກໍາເນີດ ໂອແລມປິກ ແລະ ເປັນຫຍັງຈິ່ງໃຊ້ສັນຍາລັກ 5 ບ້ວງໝາຍເຖິງຫຍັງ

392
The large Olympic rings are displayed in the Odaiba section of Tokyo ahead of the 2020 Summer Olympics, Wednesday, July 14, 2021. (AP Photo/Jae C. Hong)

ມະຫະກໍາໂອແລມປິກ ຈັດຂຶ້ນມາແລ້ວ 31 ຄັ້ງ ແລະ ຄັ້ງທີ 32 ຫຼື ໂຕກຽວເກມ 2020 ກໍກຽມເປີດສາກຂຶ້ນໃນນະຄອນຫຼວງໂຕກຽວ ປະເທດຍີ່ປຸ່ນ ລະຫວ່າງວັນທີ 23 ກໍລະກົດ – 8 ສິງຫາ 2021 ເຊິ່ງມື້ນີ້ເຮົາຈະພາຫວນຄືນໄປເບິ່ງຈຸດກໍາເນີດຂອງ ໂອແລມປິກ ແລະ ຄວາມໝາຍຂອງສັນຍະລັກ 5 ບ້ວງ ກ່ອນການແຂ່ງຂັນຈະເລີ່ມຂຶ້ນຢ່າງເປັນທາງການ.

ເລີ່ມກັນທີ່ຈຸດກໍາເນີດ ໂອແລມປິກ ເກີດຂຶ້ນເປັນໄລຍະເວລາດົນນານມາແລ້ວ ນັບຕັ້ງແຕ່ສະໄໝເກຣັກບູຮານ ໃນບໍລິເວນທີ່ເອີ້ນວ່າພູເຂົາ ໂອແລມປັສ ເຊິ່ງຍຸກນັ້ນເປັນການແຂ່ງຂັນລະຫວ່າງນັກຮົບ ແລະ ຜູ້ທີ່ມີພາລະກໍາລັງ ເອີ້ນວ່າການແຂ່ງຂັນ ໂອແລມປິກ ບູຣານ ຈະເປັນກີລາປະເພດແລ່ນ-ລານ ເປັນຫຼັກ, ແຕ່ກໍມີການຕໍ່ສູ້ ແລະ ການແຂ່ງຂັນລົດມ້າເປັນກີລາເສີມ ໂດຍມີການແຂ່ງຂັນຢ່າງຕໍ່ເນື່ອງຫຼາຍກວ່າ 1.200 ປີມີພຽງ 5 ປະເພດກີລາເປັນຫຼັກຄື: ແລ່ນ, ກະໂດດ, ມວຍປໍ້າ, ຊັດຫຼາວ ແລະ ແກວ່ງຈານ ຈົນເຖິງປີ ຄ.ສ 393 ໄດ້ປະກາດຍົກເລີກການແຂ່ງຂັນ ເນື່ອງຈາກພົບວ່າ ມີການຈ້າງນັກກີລາໃຫ້ລົງແຂ່ງຂັນ ຫຼື ລົ້ມມວຍ ເພື່ອຫວັງເງິນລາງວັນ ລວມທັງມີການພະນັນເກີດຂຶ້ນ ນັ້ນກໍເປັນຍົກຂອງ ໂອແລມປິກ ບູຣານ.

 

["]

 

ຈົນມາເຖິງ ຄ.ສ 1889 ການແຂ່ງຂັນໄດ້ກັບມາຈັດອີກຄັ້ງໜຶ່ງ ໂດຍ ບາຣອນ ປີແຢ ເດິ ກູແບເຕັ້ງ ຂຸນນາງຊາວຝຣັ່ງ ເຊິ່ງລາວໄດ້ເລີ່ມຫາຄວາມຮ່ວມມືຈາກປະເທດອັງກິດ, ສະຫະລັດອາເມຣິກາ ແລະ ໃນປະເທດຝຣັ່ງ ເພື່ອໃຫ້ການແຂ່ງຂັນ ໂອແລມປິກ ເກີດຂຶ້ນອີກຄັ້ງ ເຊິ່ງລາວໃຊ້ເວລາ 4 ປີໃນການເລີ່ມຟື້ນຟູ ໂອແລມປິກ ຂຶ້ນມາໃໝ່ອີກຄັ້ງ ແລະ ລາວໄດ້ຈັດຕັ້ງຄະນະກໍາມະການກີລາ ໂອແລມປິກ ຂຶ້ນເປັນຄັ້ງທໍາອິດໃນວັນທີ 23 ມິຖຸນາ 1896, ກ່ອນທີ່ ໂອແລມປິກ ສະໄໝໃໝ່ ຈະເລີ່ມຂຶ້ນນັບແຕ່ວັນທີ 6 ເມສາ 1896 ໂດຍປະເທດທໍາອິດທີ່ເປັນເຈົ້າພາບຄື ເກຣັກ ຈັດແຂ່ງຂັນທີ່ເອເທັນສ໌ ແລະ ມີປະເທດເຂົ້າຮ່ວມ 15 ປະເທດ.

ສັກຍະລັກ ໂອແລມປິກ ໄດ້ມີການກໍານົດເອົາ 5 ບ້ວງ ເຊິ່ງມີສີຟ້າ, ສີເຫຼືອງ, ສີດໍາ, ສີຂຽວ ແລະ ສີແດງ ຕາມລໍາດັບຈາກຊ້າຍຫາຂວາ ຄ້ອງໄຂ່ວກັນຢູ່ຈຸດກາງສອງແຖວ ເຊິ່ງປະກອບມີດ້ານເທິງມີ 3 ບ້ວງ ແລະ ດ້ານລຸ່ມມີ 2 ບ້ວງ ເຊິ່ງຄວາມໝາຍຂອງແຕ່ລະ 5 ບ້ວງ 5 ສີສັນໝາຍເຖິງຕົວແທນຂອງ 5 ທະວີບໃນໂລກດັ່ງນີ້:

-ທະວີບເອີຣົບ
-ທະວີບອາເມຣິກາ
-ທະວີບໂອເຊອານີ
-ທະວີບອາຟຣິກາ
-ທະວີບອາຊີ

ເຊິ່ງນໍາມາລວມກັບສີຂອງທຸງຊາດເປັນພື້ນຂາວກໍຈະພົບວ່າມີທັງໝົດ 6 ສີ ໂດຍຄວາມໝາຍຂອງສັນຍາລັກ ໂອແລມປິກ ກໍໝາຍເຖິງທຸກຊາດຂອງປະເທດຕ່າງໆ ເນື່ອງຈາກທຸງຊາດຂອງປະເທດຈະຕ້ອງມີສີໃດສີໜຶ່ງຢູ່ໃນທັງ 6 ສີ ແລະ ເປັນບ້ວງຄ້ອງກັນໄປ ເພື່ອເປັນການສະແດງເຖິງຄວາມສາມັກຄີ ແລະ ພົວພັນເຊິ່ງກັນ ແລະ ກັນ.
ຮູບຈາກ: AP