ຫຼາຍຄົນອາດບໍ່ຄ່ອຍຮູ້ຈັກພະຍາດກິນບໍ່ຢຸດ ວ່າມັນເປັນອາການຢາກກິນຊື່ໆ ຫຼື ມັນບໍ່ສະບາຍແທ້ໆ ຜູ້ຂຽນເອງຈະຂໍພາທຸກຄົນມາຮູ້ຈັກກັບພະຍາດນີ້ໃຫ້ຫຼາຍຂຶ້ນ.
ພະຍາດກິນບໍ່ຢຸດ
ພະຍາດກິນບໍ່ຢຸດໃນພາສາອັງກິດເອີ້ນວ່າ Binge Eating Disorder ( BED ) ເປັນຊື່ພະຍາດທີ່ໃຊ້ເອີ້ນຜູ້ທີ່ມີອາການຮັບປະທານອາຫານໃນປະລິມານຫຼາຍຜິດປົກກະຕິ ທີ່ສຳຄັນຄືບໍ່ສາມາດຄວບຄຸມພຶດຕິກຳການກິນອາຫານຂອງຕົນເອງໄດ້ ເຊິ່ງຜູ້ທີ່ເປັນພະຍາດນີ້ຈະກິນຫຼາຍກວ່າປົກກະຕິ ຄວບຄຸມຕົນເອງບໍ່ໄດ້ ກິນທັງທີ່ຕົນເອງບໍ່ຮູ້ສຶກຫິວ ຢຸດກິນກໍຕໍ່ເມື່ອບໍ່ໄຫວເທົ່ານັ້ນ ພໍຢຸດກິນກໍຈະຮູ້ສຶກຜິດກັບຕົນເອງວ່າກິນຫຼາຍໄປ.
ອາການຂອງພະຍາດກິນບໍ່ຢຸດ
ກິນອາຫານຫຼາຍກວ່າປົກກະຕິ ປະລິມານຫຼາຍກວ່າປົກກະຕິ.
ບໍ່ສາມາດຄວບຄຸມຄວາມຢາກຂອງຕົນເອງໄດ້ເຖິງວ່າຈະອີ່ມແລ້ວກໍຕາມ.
ມັກມີພຶດຕິກຳໄປລັກກິນອາຫານພຽງຄົນດຽວ ເນື່ອງຈາກຮູ້ສຶກບໍ່ດີ ຮູ້ສຶກອາຍກັບປະລິມານອາຫານທີ່ຕົນເອງກິນ.
ມີຄວາມຮູ້ສຶກຜິດ ເສົ້າ ໃຈຮ້າຍ ໂທດຕົວເອງເມື່ອກິນຫຼາຍເກີນໄປ.
ສາເຫດຂອງພະຍາດກິນບໍ່ຢຸດ
ປັດຈຸບັນຍັງບໍ່ມີການສຶກສາທີ່ບອກສາເຫດຂອງພະຍາດທີ່ຊັດເຈນ ແຕ່ກໍມີການຄາດການໄວ້ຫຼາຍສາເຫດ ເຊັ່ນ:
ຄວາມຜິດປົກກະຕິໃນສະໝອງ ເຊັ່ນ: ການປ່ຽນແປງຂອງສານເຄມີສະໝອງບາງຢ່າງເຮັດໃຫ້ຄວບຄຸມຕົນເອງບໍ່ໄດ້.
ມີການກະທົບກະເທືອນທາງດ້ານຈິດໃຈ ອາດເຄີຍຖືກທຳຮ້າຍໃນອະດີດ ເກີດ ຄວາມສູນເສຍຄວາມກັງວົນໃນຮູບຮ່າງ.
ພະຍາດບາງຊະນິດຜູ້ທີ່ເປັນພະຍາດກິນບໍ່ຢຸດ ອາດມີຜົນກ່ຽວເນື່ອງມາຈາກພະຍາດທາງຈິດໄດ້ ເຊັ່ນ: ພະຍາດຊຶມເສົ້າ, ໄບໂພລາ, ຄວາມຄຽດ.
ປ້ອງກັນຄວາມສ່ຽງຕໍ່ພະຍາດກິນບໍ່ຢຸດ
ພັກຜ່ອນໃຫ້ພຽງພໍ
ອອກກຳລັງກາຍສະໝ່ຳສະເໝີ
ຮັບປະທານອາຫານທີ່ມີປະໂຫຍດ
ເຮັດກິດຈະກຳເພື່ອບໍ່ໃຫ້ຕົນເອງຄຽດ
ມີຫຼາຍຄົນສົງໄສວ່າເຮົາກິນຫຼາຍຈະເປັນພະຍາດນີ້ຫຼືບໍ່ ຫາກເຮົາກິນຫຼາຍ ເຊັ່ນໄປກິນບຸບເຟ່ ກິນຫຼາຍບາງຄາບ ສາມາດຄວບຄຸມຕົນເອງໄດ້ກໍເປັນປົກກະຕິ ແຕ່ຫາກມີອາການ ຫຼື ສົງໄສກໍເຂົ້າຮັບການບຳບັດ ປຶກສາແພດເພື່ອຮັບການປິ່ນປົວຕໍ່ໄປ.
ທີ່ມາ: www.sanook.com/health/29365/?utm_source=fb-
