ແບ່ງໃຈໃຫ້ນ້ອງແດ່ ນ້ຳສົ້ມ ສົມສຸດາ MTL07 ຜູ້ມີຫົວໃຈຮັກໃນສິນລະປະ ແລະດົນຕີລາວ

517

ນ້ອງບໍ່ເຄີຍຂຶ້ນເວທີນາງງາມມາກ່ອນ ແຕ່ຖ້າເປັນເວທີດົນຕີ ແມ່ນເຄີຍປະກວດມາແລ້ວ ບໍ່ວ່າຈະເປັນ ເປັນແຄນ ,ຟ້ອນ ແລະ ພິທີກອນດີເດັ່ນຜ່ານມາແລ້ວ ສາວນ້ອຍຍິ້ມຫວານ ຫຼາກຫຼາຍຄວາມສາມາດພິເສດແມ່ນ ກາານເປົ່າແຄນ ທີ່ເປັນເຄື່ອງດົນດີພື້ນເມືອງຊະນິດຫນຶ່ງເປັນມໍລະດົກຂອງຊາດລາວທີ່ໄດ້ຮັບການສືບທອດ ຄວາມໄຝ່ຝັນແມ່ນຢາກຈະປະສົບຜົນສຳເລັດໃນວົງການບັນເທີງ ແລະ ເວທີ Miss Teen Laos 2021 ຖືເປັນໃບເບີກທາງທຳອິດ ນ້ອງຢາກໃຊ້ໂອກາດນີ້ກ້າວສູ່ຝັນ ແລະເປັນກຳລັງແຮງໃນການຊ່ວຍເຫຼືອສັງຄົມ.

ສົມສຸດາ ເທບສຸວັນ ຫລືນ້ຳສົ້ມ MTL07 ປັດຈຸບັນອາຍຸ 16ປີ ນະຄອນຫລວງວຽງຈັນໂຮງຮຽນ ມສ ດອນຫນູນ ແລະ  ຍັງເປັນນັກດົນຕີຢູ່ ສະໂມສອນດົນຕີລາວດ່ານຊ້າງ.

["]

ນໍ້າສົ້ມເອງ ເປັນຄົນຫນຶ່ງທີ່ຫລົງໄຫລໃນວັດທະນະທຳ ແລະດົນຕີລາວ ເຊິ່ງຈຸດນີ້ເປັນຈຸດທີ່ນ້ອງເອົາໃຈໃສ່ ນ້ອງສາມາດຫລິ້ນດົນຕີພື້ນເມືອງເຊັ່ນ: ເປົ່າແຄນ, ເປົ່າໂຫວດ, ຕີຂິມ, ຕີລະນາດ, ຕີກອງ ແລະສາມາດຫລິ້ນດົນຕີພື້ນບ້ານເຊັ່ນ:ໂປງລາງ, ສາມາດຟ້ອນ, ຮ້ອງເພງ, ເຕັ້ນ ແລະຫລິ້ນເປຍໂນ ສິ່ງເຫລົ່ານີ້ຖ້າເປັນໄປໄດ້ນ້ອງກໍຢາກຈະໃຫ້ຊາວໂລກໄດ້ເຫັນວ່າ ຄວາມສາມາດມັກບໍ່ມີຂີດຈຳກັດ ແລະນ້ອງສາມາດເຮັດໄດ້

ຄິດວ່າຕົນເອງມີຈຸດເດັ່ນຄື ຄວາມສາມາດ ແລະກ້າສະແດງອອກ, ມີທັດສະນະຄະຕິຢາກຊ່ວຍສັງຄົມ ນ້ອງພະຍາຍາມເຝິກຊ້ອມເຮັດໃຫ້ຜົນງານອອກມາດີທີ່ສຸດເທົ່າທີ່ຈະເຮັດໄດ້ ເພື່ອໃຫ້ກຳມະການເຫັນວ່າ ນ້ອງມີສິ່ງທີ່ເປັນເອກະລັກບໍ່ຄືໃຜ ແລະສາມາດເປັນກະບອກສຽງທີ່ດີໃຫ້ຄົນລຸ້ນໜຸ່ມນ້ອຍໄດ້ ແລະ ນ້ອງກໍມີຄະຕິປະຈຳໃຈຢູ່ວ່າ ‘’ທໍ້ໄດ້ແຕ່ຢ່າຖອຍ ເພາະການລໍຄອຍຄືເສັ້ນກັ້ນອະນາຄົດ’’

ສໍາລັບການກຽມຕົວແນວໃດແດ່ກ່ອນເຂົ້າປະກວດ ນ້ອງໄດ້ປັບຄວາມຄິດຂອງໂຕເອງໃຫ້ເປັນບວກ, ຊ້ອມເດີນແບບ, ຊ້ອມຕອບຄໍາຖາມ, ຊ້ອມສະແດງຄວາມສາມາດ ແລະຊ້ອມແຕ່ງຫນ້າເຮັດຜົມດ້ວຍຕົນເອງ ເປັນການພື້ນຖານຄວາມພ້ອມບາງເທື່ອມີໂອກາດເຂົ້າມາຈະໄດ້ເຕັມທີ່ກັບໂອກາດນັ້ນ.

ນ້ອງໄດ້ປະກອບສ່ວນເພື່ອຊ່ວຍເຫລືອສັງຄົມ ໂດຍການເປັນຕົວແທນເຍົາວະຊົນ ໄປໃຫ້ຄວາມຮູ້ກ່ຽວກັບເພດສຶກສາ ແລະໄດ້ສອນດົນຕີໃຫ້ແກ່ຄົນທີ່ມັກຮັກໃນດົນຕີລາວ ກິດຈະກຳຍາມວ່າງທີ່ມັກເຮັດແມ່ນ ຮ້ອງເພງ-ຟັງເພງ, ເບິ່ງການປະກວດນາງງາມ ແລະ ຫລິ້ນດົນຕີ ການແຕ່ງຕົວກໍແບບສາຍລຽບໆ ແຕ່ມີສະຕາຍ ຫລືແບບເສື້ອຍືດໂສ້ງຢີນ ສາມາດຕິດຕາມຜົນງານໄດ້ທາງ page: Miss teen Laos ຫລື ເຟດບຸກຂອງນ້ອງ FB: Namsom thepsouvan IG: Namsom thepsouvan TikTok: Namsom7771 ຝາກເຊຍ ແລະເປັນກຳລັງໃຈໃຫ້ MTL07ແນ່ເດີ້ ນ້ອງຈະເຕັມທີ່ທີ່ສຸດເພື່ອທຸກຄົນເຊັ່ນດຽວກັນ