“ ເບຄອນເຄືອບໂຊຈູນ້ຳເຜິ້ງ ” ຂອງແກ້ມຍາມເຫງົາຂອງສາວໂສດຍຸກໂຄວິດ

ມື້ນີ້ຜູ້ຂຽນໄປຊອກຫາເມນູທີ່ກິນຫຼິ້ນ ຫຼື ຈະກິນເປັນກັບແກ້ມກໍໄດ້ມາຝາກສາວໆເອົາໄປເຮັດກິນແກ້ເຫງົາກັນເບິ່ງ ພ້ອມແລ້ວເຮົາໄປເຮັດກິນກັນເລີຍ.

ວັດຖຸດິບ ແລະ ສ່ວນປະກອບ ມີພຽງແຕ່ 3 ຢ່າງເທົ່ານັ້ນ ກໍຄືເບຄອນ 200 ກຣາມ, ໂຊຈູ 60 ມິນລີລິດ ( ກິ່ນໃດກໍໄດ້ ) ແລະ ສຸດທ້າຍກໍແມ່ນນ້ຳເຜິ້ງ 7,5 ມິນລີລິດ.

ວິທີເຮັດ

ປາດເຄິ່ງເບຄອນ ລຽງໃສ່ໝໍ້ຈືນບໍ່ມີນ້ຳມັນ ຄ້າງໄຟ 180 ອົງສາ ຕັ້ງເວລາ 10 ນາທີ.

ໄດ້ເບຄອນແຫ້ງກອບສົມໃຈ ແລ້ວພັກໄວ້ກ່ອນຕໍ່ໄປແມ່ນເຮັດຊັອດເຄືອບ.

ຄ້າງໝໍ້ກະທະບໍ່ມີນ້ຳມັນ ໃສ່ໂຊຈູລົງໄປ ຕາມດ້ວຍນ້ຳເຜິ້ງ ຄົນປະສົມໃຫ້ເຂົ້າກັນຄ້າງໄຟອ່ອນ.

ຕົ້ມຂ້ຽວໃຫ້ຟົດຈັກໜ້ອຍຈົນນ້ຳຊັອດຂຸ້ນໜຽວ ໃຊ້ເວລາບໍ່ດົນ.

ໜຽວຈັກໜ້ອຍແລ້ວກໍເທເບຄອນລົງໄປຄົນໆ ເພື່ອໃຫ້ເບຄອນເຄືອບກັບນ້ຳຊັອດ.

ຮຽບຮ້ອຍແລ້ວກັບອາຫານກິນຫຼິ້ນ ຫຼື ຈະກັບແກ້ມກໍໄດ້ ຫອມນິດໆ ຫວານຈັກໜ່ອຍ ພ້ອມເສີບແລ້ວ.

ທີ່ມາ: https://www.sanook.com/women/178369/?utm_source=fb-sanookeveryday&utm