ຫວຽດນາມ ພົບກໍລະນີຕິດເຊື້ອໂຄວິດ-19 ໃໝ່1.616ຄົນ ສ່ວນໃຫຍ່ ແມ່ນຢູ່ນະຄອນໂຮ່ຈີມິນ

277

ຕາມຂ່າວຈາກ vnexpress.netຂອງຫວຽດນາມໃຫ້ຮູ້ວ່າ: ໄລ່ມາຮອດຕ້ອນຄໍ່າວັນທີ 9 ກໍລະກົດ 2021 ຫວຽດນາມພົບກໍລະນີຕິດເຊື້ອໂຄວີດ-19ລາຍໃໝ່1.616 ຄົນ ໃນນິ້1.229 ແມ່ນຈາກນະຄອນໂຮ່ຈີມິນ, ປິ່ນປົວດີໃໝ່34ຄົນ, ເສຍຊີວິດໃໝ່5ຄົນ ເຮັດໃຫ້ຍອດເສຍຊີວິດເພີ່ມເປັນ110 ຄົນ.

ເພື່ອສະກັດການແຜ່ລະບາດຂອງພະຍາດໂຄວິດ-19 ລັດຖະບານຫວຽດນາມໄດ້ຕັດສິນໃຈລ໊ອກດາວນະຄອນໂຮ່ຈີມິນ ເປັນເວລາ15ວັນ ເລີ່ມແຕ່ວັນທີ9 ກໍລະກົດ ເປັນຕົ້ນໄປ.

["]

ດ້ານVOVWORLD ລາຍງານວ່າ: ທ່ານຮອງນາຍົກລັດຖະມົນຕີ ຫວູດຶກດາມ ສະເໜີວ່າ ໃນໄລຍະແຍກຫ່າງສັງຄົມເປັນເວລາ 15 ວັນ, ທາງນະຄອນຕ້ອງປະຕິບັດການຄວບຄຸມ ໂລກລະບາດຢ່າງຂ້ຽວຂາດ.

ທ່ານຮອງນາຍົກລັດຖະມົນຕີ ໄດ້ເນັ້ນວ່າ: ເມື່ອປະຕິບັດການແຍກຫ່າງຕ້ອງແບ່ງແຕ່ລະເປົ້າໝາຍຄອບຄົວເພື່ອນຳໃຊ້ປະສິດທິພົນກຳລັງ ແລະ ຄວາມສາມາດບົ່ມຊ້ອນທີ່ມີຢູ່ແລ້ວ, ຈາກນັ້ນມີບັນດາມາຕະການແກ້ໄຂຢ່າງມີປະສິດທິຜົນ. ທ່ານຮອງນາຍົກລັດຖະມົນຕີ ໄດ້ຮຽກຮ້ອງໃຫ້ນະຄອນ ໂຮ່ຈີມິນ ກວດກາສະພາບໂລກລະບາດຢ່າງລະອຽດ ໂດຍສະເພາະແມ່ນຢູ່ເຂດຕະຫຼາດ, ເຂດອຸດສາຫະກຳ.

“ກ້າວເຂົ້າສູ່ການຕໍ່ສູ້ກັບໂລກລະບາດນີ້, ທຸກສິ່ງທຸກຢ່າງຕ້ອງມີຄວາມລະອຽດ ແລະ ຈະແຈ້ງ. ຊ້ຳບໍ່ໜຳຕ້ອງປຸກລະດົມການແຂ່ງຂັນ, ແຂ່ງຂັນຢູ່ທີ່ນີ້ບໍ່ແມ່ນຕາມຂະບວນການ ຫາກແມ່ນການປະຕິບັດແຕ່ລະວຽກງານຢ່າງລະອຽດ ເພື່ອໃຫ້ເຂດຖະໜົນ, ບ້ານຂອງຕົນມີຄວາມປອດໄພຢ່າງແທ້ຈິງ. ຄວາມຈິງແລ້ວ, ພຽງລະເລີຍຢູ່ເຂດໜຶ່ງເທົ່ານັ້ນແມ່ນອັນຕະລາຍທີ່ສຸດ, ສະນັ້ນຕ້ອງປະຕິບັດຢ່າງເຂັ້ມງວດ, ເອົາຕົວຢ່າງຄືແນວໃດເພື່ອບໍ່ໃຫ້ຕິດແປດ ແລະ ພິເສດແມ່ນບໍ່ເຕົ້າໂຮມກັນຫຼາຍຄົນ”.