ສະຫະພັນບານເຕະຄົນພິການລາວ ປະກາດແຕ່ງຕັ້ງຄະນະບໍລິຫານງານ ຢ່າງເປັນທາງການ

278

ຄະນະກຳມະການພາຣາແລມປິກແຫ່ງຊາດລາວ (ຄພລ) ປະກາດການຈັດຕັ້ງຄະນະບໍລິຫານງານ ສະຫະພັນບານເຕະຄົນພິການແຫ່ງຊາດລາວ (ສກຕລ) ໂດຍແຕ່ງຕັ້ງ ທ່ານ ລິດທິໄກ ພູມມະສັກ ເປັນປະທານ ສກຕລ ຢ່າງເປັນທາງການ
ພິທີດັ່ງກ່າວຈັດຂຶ້ນ ໃນຕອນເຊົ້າວັນທີ 6 ກໍລະກົດ 2021 ທີ່ຫ້ອງການ ຄອລ ເມືອງຈັນທະບູລີ ນະຄອນຫຼວງວຽງຈັນ ໃຫ້ກຽດເຂົ້າຮ່ວມເປັນສັກຂີພິຍານໂດຍທ່ານ ນາງ ແສງເດືອນ ຫຼ້າຈັນທະບູນ ປະທານຄະນະກຳມະການໂອແລມປີກແຫ່ງຊາດລາວ (ຄອລ) ທັງເປັນປະທານ ຄພລ, ທ່ານ ສີທາດ ຈັນທະບູລີ ຮອງປະທານ ຄພລ ແລະ ທ່ານ ວິລະວັນ ບຸກສຸກໄທ ຫົວໜ້າກົມກີລາມວນຊົນ, ພະລະ ແລະ ສິລະປະສຶກສາ ທັງເປັນຮອງເລຂາທິການ ຄພລ.

ສໍາລັບ ຄະນະບໍລິຫານ ສກຕລ ຊຸດນີ້ ປະກອບມີ:
-ທ່ານ ລິດທິໄກ ພູມມະສັກ ເປັນປະທານ
-ທ່ານ ນາງ ເມລີ ບຸດທະລາດ ແລະ ທ່ານ ພູທອງ ພົນວິໄຊ ເປັນຮອງປະທານ
-ທ່ານ ສີປະເສີດ ທະຕະວົງ ເປັນຜູ້ກວດກາ
-ທ່ານ ດາວເດືອນ ເຮືອງສະຫວັດ ເປັນຮອງຜູ້ກວດກາ

["]

-ທ່ານ ສີວິໄຊ ແສງດາວົງ ເປັນເລຂາທິການ
-ທ່ານ ນາງ ດາວວຽງ ນັນທະວົງສາ ເປັນນາຍຄັງ
-ທ່ານ ນາງ ຈິນດາ ພົມມະໂຄດ ເປັນຮອງນາຍຄັງ
-ທ່ານ ສຸກສາຄອນ ວອນມະນີ ແລະ ທ່ານ ສີທົນ ລາດສະວົງ ເປັນກຳມະການເຕັກນິກ

-ທ່ານ ແສງອາລຸນ ສະຫງ່າສີ ເປັນກຳມະການເຕັກນິກຈັດການແຂ່ງຂັນ
-ທ່ານ ສຸກສາຄອນ ຈິດຕະລາດ ກຳມະການສະຖານທີ່ ແລະ ອຸປະກອນ
-ທ່ານ ນາງ ພິຈິກາ ບຸນກວ້າງ ເປັນກຳມະການການແພດ ແລະ ຄວບຄຸ້ມສານຕ້ອງຫ້າມ
ຂ່າວ-ຮູບ: ສົງການ; ຮຽບຮຽງ: ຄໍາສອນ