ສປປ ລາວ ແລະ ສປປ ເກົາຫຼີເຊັນບົດບັນທຶກຄວາມເຂົ້າໃຈດ້ານການສືກສາ

558

ວັນທີ 02 ກໍລະກົດ 2021 ຜ່ານມານີ້ ໄດ້ມີພິທີເຊັນບົດບັນທຶກຄວາມເຂົ້າໃຈ ລະຫວ່າງ ກະຊວງສຶກສາທິການ ແລະ ກິລາ ສປປລາວ ແລະ ຄະນະກໍາມາທິການໆສຶກສາແຫ່ງຊາດ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ (ເກົາຫຼີເໜືອ) ເພື່ອຮ່ວມມືໃນວຽກງານການສືກສາໃນອະນາຄົດ.

ບາດກ້າວໃໝ່ໃນການຮ່ວມມືຂອງສອງປະເທດ

["]

ການຮ່ວມລົງນາມຄັ້ງນີ້, ສປປລາວ ນຳໂດຍທ່ານ ຮສ. ປອ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ ແລະ ສປປເກົາຫຼີ ນຳໂດຍທ່ານ ລີຢົງ ຊົນ, ເອກອັກຄະລັດຖະທູດ ວິສາມັນຜູ້ມີອໍານາດເຕັມແຫ່ງ ສາທາລະນະລັດປະຊາຊົນປະຊາທິປະໄຕເກົາຫຼີ ປະຈຳ ສປປລາວ.


ກິດຈະກໍາສ່ວນໜື່ງຂອງບົດບັນທຶກຄວາມເຂົ້າໃຈການຮ່ວມມືສະບັບນີ້ປະກອບດ້ວຍ: ການເຊີນ ແລະ ສົ່ງຄູອາຈານ ແລະ ນັກຄົ້ນຄວ້າໃຫ້ກັນ ແລະ ກັນ, ເພື່ອການຄົ້ນຄວ້າວິໄຈດ້ານການສຶກສາຮ່ວມກັນ ແລະ ການສຶກສາຄົ້ນຄວ້າທຶນການສຶກສາຕ່າງໆ ໃນຂົງເຂດທີ່ເຫັນວ່າມີຄວາມສົນໃຈ ໂດຍການເຫັນດີຂອງຄູ່ຮ່ວມມືທັງສອງຝ່າຍ, ການສົ່ງ ຫຼື ຮັບນັກສຶກສາ ຈຳນວນ 02 ຄົນຕໍ່ປີ.