ເມສຊີ ຍິງ 1-ສົ່ງ 2 ພາ ອາກຊັງຕິນ ເຂົ້າຮອບຮອງຊະນະເລີດ ໃນໂຄປາ ອາເມຣິກາ ເປັນທີມສຸດທ້າຍ

288
Argentina's Rodrigo De Paul, left, celebrates with teammates after scoring the opening goal during a Copa America quarterfinal soccer match against Ecuador at the Olimpico stadium in Goiania, Brazil, Saturday, July 3, 2021. (AP Photo/Andre Penner)

ການແຂ່ງຂັນບານເຕະ ໂຄປາ ອາເມຣິກາ 2021 ຕາມເວລາໃນບ້ານເຮົາໃນຕອນເຊົ້າຂອງວັນທີ 4 ກໍລະກົດ 2021 ອາກຊັງຕິນ ລົງສະໜາມພົບກັບ ອີກວາດໍ ໃນຮອບ 8 ທີມຄູ່ສຸດທ້າຍ.

ປາກົດວ່າ: ລິໂອເນລ ເມສຊີ ກອງໜ້າທີມ ອາກຊັງຕິນ ໂດດເດັ່ນສົ່ງບານໃຫ້ໝູ່ຍິງເຖິງ 2 ປະຕູ ກ່ອນຍິງປິດທ້າຍອີກ 1 ປະຕູໂດຍ ອາກຊັງຕິນ ໄດ້ປະຕູຂຶ້ນນໍາ 1-0 ຈາກການທີ່ ເມສຊີ ສົ່ງບານໃຫ້ Rodrigo De Paul ນາທີໆ 40, ສ່ວນເຄິ່ງເວລາທີ 2 ທໍາທ່າວ່າຈະສະເໝີກັນແຕ່ຮອດນາທີໆ 85 ກອງຫຼັງ ອີກວາດໍ ພາດ ເມສຊີ ຍາດບານໄດ້ກ່ອນສົ່ງໃຫ້ Lautaro Martinez ຍິງເຂົ້າໄປແບບງ່າຍໆ ແລະ ສຸດທ້າຍໄລຍະການຕໍ່ເວລາບາດເຈັບ ອາກຊັງຕິນ ໄດ້ລູກໄໝໜ້າເສັ້ນ 18 ເປັນ ເມສຊີ ຮັບໜ້າທີ່ຍິງເຂົ້າໄປຢ່າງສວຍງາມ ກ່ອນຈົບເກມ ອາກຊັງຕິນ ເອົາຊະນະໄປ 3-0.

["]

ເຮັດໃຫ້ ອາກຊັງຕິນ ຜ່ານເຂົ້າຮອບຮອງຊະນະເລີດ (ຮອບ 4 ທີມສຸດທ້າຍ) ໄປພົບກັບ ໂຄລົມບີ ໃນວັນທີ 6 ກໍລະກົດ 2021 (ກົງກັບຕອນເຊົ້າວັນທີ 7 ກໍລະກົດ ເວລາໃນບ້ານເຮົາ)
ສ່ວນອີກຄູ່ໜຶ່ງໃນຮອບຮອງຊະນະເລີດ ບຣາຊິລ ພົບ ເປຣູ ໃນວັນທີ 5 ກໍລະກົດ 2021 (ກົງກັບຕອນເຊົ້າວັນທີ 6 ກໍລະກົດ ເວລາໃນບ້ານເຮົາ)