ເຄນ ຍິງຄົນດຽວ 2 ປະຕູຊ່ວຍ ອັງກິດ ຊະນະຄູ່ແຂ່ງຂາດລອຍສຸດຮອບ 8 ທີມຢູໂຣ ພ້ອມບົດສະຫຼຸບ

267

ແຮຣີ ເຄນ ກອງໜ້າທີມຊາດອັງກິດ ກັບມາສູ່ຟອມໂດດເດັ່ນຕໍ່ເນື່ອງອີກຄັ້ງ ຍິງ 2 ປະຕູຊ່ວຍໃຫ້ ທີມຊາດອັງກິດ ເອົາຊະນະ ອູແກຣນ ໄປຂາດລອຍ 4-0 ໃນການແຂ່ງຂັນບານເຕະ ຢູໂຣ 2020 ຮອບ 8 ທີມສຸດທ້າຍ ພ້ອມທັງເປັນຄະແນນທີ່ຂາດລອຍທີ່ສຸດໃນຮອບ 8 ທີມສຸດທ້າຍ.

ກ່ອນໜ້ານີ້ ເຄນ ບໍ່ສາມາດຍິງໄດ້ຈັກປະຕູໃນຢູໂຣ 2020 ຮອບແບ່ງກຸ່ມ, ກ່ອນຈະມາປົດລ໊ອກຍິງໄດ້ 1 ປະຕູຮອບ 16 ທີມສຸດທ້າຍ ທີ່ເອົາຊະນະ ເຢຍລະມັນ 2-0 ແລະ ນັດຫຼ້າສຸດຄືນວານນີ້ຍິງ 2 ປະຕູນາທີໆ 4 ແລະ 50 ຊ່ວຍໃຫ້ທີມຊາດອັງກິດ ຖະຫຼົ່ມ ອູແກຣນ ຂາດລອຍ 4-0 ພ້ອມເຂົ້າຮອບຮອງຊະນະເລີດໄປຕາມຄາດ.
ສະຫຼູບຮອບ 8 ທີມສຸດທ້າຍມີດັ່ງນີ້:ແອັດສະປາຍ ດວນຈຸດໂທດເອົາຊະນະ ສະວິດ 3-1 ຫຼັງສະເໝີກັນ 1-1; ອິຕາລີ ຊະນະ ແບນຊິກ 2-1; ດານມາກ ຊະນະ ສາທາລະນະລັດເຊັກ 2-1; ອັງກິດ ຊະນະ ອູແກຣນ 4-0

["]

ສ່ວນຕາຕະລາງແຂ່ງຂັນຮອບຮອງຊະນະເລີດແຂ່ງຂັນທີ່ສະໜາມເວມບຣີ ນະຄອນຫຼວງດອນລອນ ປະເທດອັງກິດ ມີດັ່ງນີ້ິ້:
-ອິຕາລີ ພົບ ແອັດສະປາຍ ໃນວັນທີ 6 ກໍລະກົດ 2021 ( ເວລາ 2:00 ໂມງຂອງວັນທີ 7 ກໍລະກົດ ເວລາໃນບ້ານເຮົາ )
-ອັງກິດ ພົບ ດານມາກ ໃນວັນທີ 7 ກໍລະກົດ 2021 ( ກົງກັບເວລາ 2:00 ໂມງໃນວັນທີ 8 ກໍລະກົດເວລາໃນບ້ານເຮົາ )

ສ່ວນ ນັກເຕະທີ່ຍັງມີລຸ້ນດາວຍິງສູງສຸດມີດັ່ງນີ້:
-ພາທຣິກ ຊິກ ກອງໜ້າຂອງ ສາທາລະນະເລັດເຊັກ ຍິງໄດ້ 5 ປະຕູເທົ່າກັບ ຄຣິສເຕຍໂນ ໂຣນັລໂດ
-ຄາສເປີ ດອລເບິກ ກອງໜ້າຂອງ ດານມາກ ຍິງໄດ້ 3 ປະຕູ
-ແຮຣີ ເຄນ ກອງໜ້າທີມຊາດອັງກິດ ຍິງໄດ້ 3 ປະຕູ
-ຣາຮີມ ສະເຕີລິງ ກອງໜ້າທີມຊາດອັງກິດ ຍິງໄດ້ 3 ປະຕູ