ນາຍົກຫວຽດນາມ ເຊັນປະກາດຂໍ້ຕົກລົງກ່ຽວກັບການເພີ່ມງົບ ເພື່ອຈັດຊື້ວັກຊີນ61 ລ້ານໂດສ

230

(VOVWORLD), ນາຍົກລັດຖະມົນຕີຫວຽດນາມ ຫາກໍເຊັນປະກາດຂໍ້ຕົກລົງກ່ຽວກັບການເພີ່ມງົບປະມານໃຫ້ແກ່ກະຊວງສາທາລະນະສຸກ ເພື່ອຊື້ ແລະ ນໍາໃຊ້ວັກຊິນກັນພະຍາດໂຄວິດ – 19 ຈຳນວນ 61 ລ້ານໂດສ.

ໃນນັ້ນ ຈະຊື້ວັກຊິນ 30 ລ້ານໂດສຂອງບໍລິສັດຫຸ້ນສ່ວນວັກຊິນ ຫວຽດນາມ ໂດຍ AstraZenneca ຜະລິດ ແລະ 31 ລ້ານໂດສ ໂດຍບໍລິສັດ Pfizer ຜະລິດ. ໃນຈຳນວນເງິນດັ່ງກ່າວຄາດວ່າຈະຫັກຈາກງົບປະມານແຫ່ງລັດປີ 2021 ແລະ ສ່ວນໜຶ່ງແມ່ນຫັກຈາກກອງທຶນວັກຊີນກັນພະຍາດໂຄວິດ – 19.


ນາຍົກລັດຖະມົນຕີຫວຽດນາມ ກໍເຫັນດີໃຫ້ນຳໃຊ້ເງິນຈຳນວນ 37 ຕື້ດົ່ງ ເພື່ອໃຊ້ຈ່າຍແກ່ການຮັບ, ຂົນສົ່ງ, ຈັດແບ່ງ ແລະ ເຊົ່າສາງເກັບຮັກສາວັກຊິນ, ຊື້ອຸປະກອນສັກວັກຊິນໃຫ້ແກ່ບັນດາງວດວັກຊິນກັນພະຍາດໂຄວິດ – 19 ໂດຍ COVAX Facility ໜູນຊ່ວຍ ແລະ ວັກຊິນທີ່ໄດ້ຮັບການອຸປະຖຳຈາກຕ່າງປະເທດ.

["]