ການແຂ່ງຂັນບານເຕະ ຢູໂຣ 2020 ປະຈໍາວັນທີ 29 ມິຖຸນາ 2021 ຄູ່ບິກແມັດລະຫວ່າງ ທີມຊາດອັງກິດ ພົບກັບ ເຢຍລະມັນ ແຂ່ງຂັນທີ່ສະໜາມເວມບຣີ ນະຄອນຫຼວງລອນດອນ ປະເທດອັງກິດ.
ປາກົດວ່າ: ເຄິ່ງເວລາທໍາອິດທັງສອງທີມຫຼິ້ນກັນໄດ້ຢ່າງສູສີ ແລະ ພັດປ່ຽນກັນໄດ້ໂອກາດຍິງປະຕູ, ແຕ່ຈົບເຄິ່ງເວລາທໍາອິດສະເໝີກັບ 0-0.
ສ່ວນເຄິ່ງເວລາທີ 2 ເຢຍລະມັນ ຄອງເກມໄດ້ກວ່າແຕ່ເຮັດຫຍັງບໍ່ໄດ້, ຈົນເຖິງນາທີໆ ຣາຮີມ ສະເຕີລິງ ຍິງປະຕູໃຫ້ກັບ ທີມຊາດອັງກິດ ຂຶ້ນນໍາ 1-0 ນາທີໆ 75 ກ່ອນທີ່ ແຮຣີ ເຄນ ຈະມາໂໝ່ງປະຕູທີ 2 ໃຫ້ກັບອັງກິດ ນາທີໆ 86 ກ່ອນຈົບເກມ ອັງກິດ ເອົາຊະນະໄປ 2-0.
ສໍາລັບ ອັງກິດ ຜ່ານເຂົ້າຮອບ 8 ທີມສຸດທ້າຍໄປລໍຖ້າພົບ ທີມຊະນະລະຫວ່າງ ຊູແອັດ ກັບ ອູແກຣນ
