ການແຂ່ງຂັນບານເຕະ ຢູໂຣ 2020 ຮອບ 16 ທີມສຸດທ້າຍ ປະຈໍາວັນທີ 28 ມິຖຸນາ 2021 ລະຫວ່າງ ໂຄຣອາຊີ ພົບກັບ ໂຄຣອາຊີ
ນັດດັ່ງກ່າວເປັນ ໂຄຣອາຊີ ໄດ້ປະຕູຂຶ້ນນໍາແບບບໍ່ຕ້ອງຍິງເອງ ຈາກຈັງຫວະຜິດພາດຂອງ ແອັດສະປາຍ ສົ່ງບານກັບຫຼັງ ຜູ້ຮັກສາປະຕູ ຈັບບານບໍ່ທັນເຂົ້າປະຕູຕົວເອງໄປ ເຮັດໃຫ້ ໂຄຣອາຊີ ຂຶ້ນນໍາ 1-0 ນາທີໆ 20, ກ່ອນທີ່ ແອັດສະປາຍ ຈະໄດ້ປະຕູຕີສະເໝີ 1-1 ຈາກການຍິງຂອງ Pablo Sarabia ນາທີໆ 38 ຈົບເຄິ່ງເວລາທໍາອິດສະເໝີກັນ 1-1.
ເຄິ່ງເວລາທີ 2 ແອັດສະປາຍ ຄຸມເກມໄດ້ຫຼາຍກວ່າກ່ອນໄດ້ອີກ 2 ປະຕູຈາກການຍິງຂອງ Caesar Azpilicueta ນາທີໆ 57 ແລະ Ferran Torres ນາທີໆ 77 ພິກຂຶ້ນນໍາເປັນ 3-1, ສ່ວນໄລຍະເວລາທີ່ເຫຼືອ ໂຄຣອາຊີ ສູ້ຕາຍກ່ອນໄດ້ 2 ປະຕູລວດຄືນາທີໆ 85 ຈາກການຍິງຂອງ Mislav Orsic ແລະ ໃນໄລຍະຕໍ່ເວລາບາດເຈັບຈາກການຍິງຂອງ Mario Pasalic ເຮັດໃຫ້ສະເໝີກັນ 3-3 ກ່ອນຈົບ 90 ນາທີສະເໝີກັນເຮັດໃຫ້ຕ້ອງຕໍ່ເວລາພິເສດໄປອີກ 30 ນາທີໆ.
ໄລຍະຕໍ່ເວລາພິເສດ ໂຄຣອາຊີ ໄດ້ລຸ້ນກ່ອນໄດ້ຍິງໃນເຂດໂທດ ແຕ່ບໍ່ຜ່ານມືຜູ້ຮັກສາປະຕູ ແອັດສະປາຍ, ກ່ອນທີ່ແອັດສະປາຍ ຈະໄດ້ໂອກາດ ອັລວາໂຣ ໂມດາຕາ ກອງໜ້າຂອງ ແອັດສະປາຍ ຈະຮັບບານຈາກເຂດໂທດຕັ້ງທ່າຍິງເຂົ້າປະຕູໄປຢ່າງສວຍງາມ ຊ່ວຍໃຫ້ ແອັດສະປາຍ ຂຶ້ນນໍາ 4-3 ນາທີໆ 100 ແລະ Mikel Oyarzabal ຍິງໃຫ້ ແອັດສະປາຍ ນໍາຫ່າງ 5-3 ນາທີໆ 103, ສ່ວນໄລຍະເວລາທີ່ເຫຼືອບໍ່ມີປະຕູເພີ່ມ ແອັດສະປາຍ ເອົາຊະນະໄປ 5-3 ເຮັດໃຫ້ ແອັດສະປາຍ ຜ່ານເຂົ້າຮອບ 8 ທີມສຸດທ້າຍທີ່ຈະແຂ່ງຂັນໃນວັນທີ ໄປລໍຖ້າພົບທີມຊະນະລະຫວ່າງ ຝຣັ່ງ ຫຼື ສະວິດ.