ມື້ທຳອິດທີມສະເພາະກິດ ໄຟຟ້າລາວຮັບຄຳຮ້ອງ ເພື່ອແກ້ຂໍ້ສົງໄສບັນຫາໄຟຟ້າ

254

ລັດວິສາຫະກິດໄຟຟ້າລາວ ຕັ້ງໂຕະຮັບເອົາຄຳຄິດຄຳເຫັນຂໍ້ຂ້ອງໃຈຕ່າງໆກ່ຽວກັບໄຟຟ້າທັງໝົດ ເພື່ອນຳໄປພິຈາລະນາແກ້ໄຂ ແລະຊີ້ແຈງບາງບັນຫາຖ້າຫາກເປັນພຽງຄວາມເຂົ້າໃຈຜິດຂອງຜູ້ຊົມໃຊ້ ເຊິ່ງຖືເປັນເວທີເພື່ອຕ້ອນຮັບມວນຊົນທີ່ໜ້າຊົມເຊີຍຫຼາຍ.

ການເປີດຮັບຄຳຮ້ອງໃນທີ່ນີ້ແມ່ນກ່ຽວກັບທຸກໆເລື່ອງນັບແຕ່ການແຕ່ງຕັ້ງຄະນະກຳມະການສອບສວນບັນຫາຂໍ້ຜິດພາດເລື່ອງກ່ຽວກັບບິນໄຟຟ້າທີ່ສູງຜິດປົກກະຕິ ທີ່ໄດ້ເປັນຂ່າວໃນສື່ສັງຄົມອອນລາຍ ແລະ ການເປີດຈຸດຮັບເອົາຄຳຄິດເຫັນຂອງຜູ້ຊົມໃຊ້ກ່ຽວກັບ ການບໍລິການໄຟຟ້າ, ການຄິດລາຄາໄຟ, ການຈົດເລກໝໍ້ນັບໄຟ, ການຂໍຕິດຕັ້ງໝໍ້ນັບໄຟໃໝ່, ການອອກບິນຄ່າໄຟ ແລະ ການເພີ່ມຂື້ນຂອງຄ່າໄຟຟ້າຂອງຜູ້ຊົມໃຊ້ໄຟ.

["]

ໂດຍການເປີດຮັບຄຳຮ້ອງ ແກ້ໄຂຂໍ້ສົງໄສຂອງປະຊາຊົນ ດັ່ງກ່າວນັ້ນແມ່ນເລີ່ມເປີດໂຕະຮັບຄຳຄິດເຫັນ ໃນວັນທີ 28 ມີຖຸນາ 2021 ເປັນຕົ້ນໄປ ທີ່ ສໍານັກງານຝ່າຍລະບົບຈໍາໜ່າຍ ລັດວິສາຫະກິດໄຟຟ້າລາວ (ບ້ານໜອງບຶກ) ເມືອງສີໂຄດຕະບອງ ນະຄອນຫຼວງວຽງຈັນ, ເຊິ່ງມີປະຊາຊົນໃຫ້ຄວາມສົນໃຈ ເຂົ້າມາສອບຖາມເປັນຈຳນວນຫລາຍ.

ສຳລັບທ່ານທີ່ມີຂໍ້ສົງໄສໃນການບໍລິການ ແລະສະດວກ ທ່ານ ສາມາດເຂົ້າມາພົວພັນກັບຫນ່ວຍສະເພາະກິດໄດ້ ໃນໂມງລັດຖະການ ວັນຈັນ – ວັນສຸກ ເວລາ 08:00-18:00 ໂມງ.

ສຳລັບການປິດບໍລິການເມື່ອໃດນັ້ນຍັງບໍມີກຳນົດເທື່ອ ທຸກຄົນທີ່ມີບັນຫາຂອງຄາໃຈສາມາດໄປຫາເພິ່ນໄດ້ທຸກເມື່ອຕາມວັນເວລາລັດຖະການໃນໂມງທີ່ລະບຸໄດ້.