ໂຣນັລໂດ ລະບາຍອາລົມຖີ້ມປອກແຂນຫົວໜ້າທີມ ອາດເປັນຄັ້ງສຸດທ້າຍຮັບໃຊ້ທີມຊາດໃນຢູໂຣ

211
Portugal's Cristiano Ronaldo reacts during the Euro 2020 soccer championship round of 16 match between Belgium and Portugal at the La Cartuja stadium in Seville, Spain,Sunday, June 27, 2021. (AP Photo/Thanassis Stavrakis, Pool)

ຂວັນຫຼົງຈາກການແຂ່ງຂັນບານເຕະ ຢູໂຣ 2020 ເມື່ອວັນທີ 27 ມິຖຸນາ 2021 ( ກົງກັບຕອນເຊົ້າວັນທີ 28 ມິຖຸນາ 2021 ) ຫຼັງຈົບການແຂ່ງຂັນ ແບນຊິກ ບຽດເອົາຊະນະ ແຊັມເກົ່າຢ່າງ ປ໊ອກຕຸຍການ 1-0 ແລະ ພາບຈັບໄປທີ່ ຄຣິສເຕຍໂນ ໂຣນັລໂດ ກອງໜ້າຂອງ ປ໊ອກຕຸຍການ ຖີ້ມປອກແຂນຫົວໜ້າທີມລົງພື້ນລະບາຍຄວາມຜິດຫວັງ.

ນັດດັ່ງກ່າວຖືເປັນການແຂ່ງຂັນທີ່ສູສີທີ່ສຸດປ່ຽນບຸກ-ຮັບ, ແຕ່ເປັນ ແບນຊິກ ທີ່ຄົມກວ່າມາໄດ້ປະຕູຂຶ້ນນໍາ 1-0 ຈາກການຍິງສຸດງາມນອກເສັ້ນ 18 ຂອງ Thorgan Hazard ນາທີໆ 42, ສ່ວນໄລຍະເວລາທີເຫຼືອ ປ໊ອກຕຸຍການ ເລັ່ງເຄື່ອງໃສ່ ແບນຊິີກ ຕະຫຼອດເຄິ່ງຫຼັງເພື່ອຫວັງປະຕູຕີສະເໝີ, ແຕ່ເຮັດຫຍັງບໍ່ໄດ້ຈົບເກມ 90 ນາທີ ແບນຊິກ ເອົາຊະນະໄປ 1-0.

["]

ນອກນັ້ນ, ຫຼັງຈົບການແຂ່ງຂັນ ສື່ຕ່າງປະເທດຕ່າງວິເຄາະກັນວ່າ ຢູໂຣ 2020 ມີຄວາມເປັນໄປໄດ້ສູງທີ່ຈະເປັນຄັ້ງສຸດທ້າຍຂອງ ໂຣນັລໂດ ທີ່ຈະຮັບໃຊ້ທີມຊາດສະເພາະ ຢູໂຣ ເພາະປັດຈຸບັນ ໂຣນັລໂດ ອາຍຸ 36 ປີແລ້ວ ຫຼັງຈາກຮັບໃຊ້ທີມຊາດມາຕັ້ງແຕ່ປີ 2004, 2008, 2012, 2016 ແລະ 2020 ຫຼາຍທີ່ສຸດໃນປະຫວັດສາດ.

ຢ່າງໃດກໍ, ອີກຢ່າງໜິ່ງທີ່ຕ້ອງລຸ້ນຕໍ່ຄື ໂຣນັລໂດ ຍິງໄປແລ້ວ 5 ປະຕູຂຶ້ນນໍາດາວຍິງສູງສຸດໃນ ຢູໂຣ 2020 ໂດຍມີ ພາທຣິກ ຊິກ ກອງໜ້າຂອງ ສາທາລະນະລັດເຊັກ ຍິງໄດ້ 4 ປະຕູໄລ່ຫຼັງມາ.
ສໍາລັບ ການແຂ່ງຂັນ ຢູໂຣ 2020 ຮອບ 16 ທີມມາຮອດເຄິ່ງທາງແລ້ວ ແລະ ໄດ້ 4 ທີມເຂົ້າຮອບ 8 ທີມສຸດທ້າຍແລ້ວໄດ້ແກ່ ແບນຊິກ ຈະໄປພົບກັບ ອິຕາລີ ໃນວັນທີ 2 ກໍລະກົດ, ສ່ວນ ສາທາລະນະລັດເຊັກ ໄປພົບກັບ ດານມາກ ໃນວັນທີ 3 ກໍລະກົດ 2021.