ພິກລ໊ອກ ໂຮນລັງ ຕົກຮອບ 16 ທີມຫຼັງເສຍໃຫ້ ສາທາລະນະລັດເຊັກ, Schick ຂຶ້ນຮອງດາວຍິງສູງສຸດ

724
Czech Republic's Tomas Holes, obscured, celebrates scoring his side's first goal during the Euro 2020 soccer championship round of 16 match between the Netherlands and Czech Republic at the Ferenc Puskas stadium in Budapest, Sunday, June 27, 2021. (AP Photo/Laszlo Balogh, Pool)

ການແຂ່ງຂັນບານເຕະ ຢູໂຣ 2020 ຮອບ 16 ທີມສຸດທ້າຍປະຈໍາວັນທີ 27 ມິຖຸນາ 2021 ຄູ່ລະຫວ່າງ ໂຮນລັງ ແຊ້ມກຸ່ມ C ຈາກຜົນງານໂດດເດັ່ນຊະນະ 3 ນັດລວດ ພົບກັບ ສາທາລະນະລັດເຊັກ ທີມອັນດັບ 3 ກຸຸ່ມ D

ປາກົດວ່າ: ຈຸດສໍາຄັນຢູ່ທີ່ ໂຮນລັງ ຄອງເກມໄດ້ເໜືອກວ່າ ແຕ່ມາພາດທ່າເຫຼືອ 10 ຄົນ ຫຼັງ Matthijs de Ligt ໄດ້ບັດແດງນາທີໆ 52 ເຮັດໃຫ້ ໄລະຍະເວລາທີ່ເຫຼືອ ສາທາລະນະລັດເຊັກ ໄດ້ປຽບ ກ່ອນໄດ້ 2 ປະຕູລວດຈາກ Tomas Holes ນາທີໆ 68 ແລະ Patrik Schick ນາທີໆ 80 ເຮັດໃຫ້ ສາທາລະນະລັດເຊັກ ນໍາຫ່າງ 2-0 ແລະ ເອົາຊະນະໄປທີ່ຄະແນນດັ່ງກ່າວ.
ທັງນີ້ Patrik Schick ເພີ່ມສະຖິຕິຍິງ 4 ປະຕູໃນຢູໂຣ 2020 ຮອບສຸດທ້າຍ ຂຶ້ນເປັນຮອງຜູ້ນໍາດາວຍິງສູງສຸດ, ເຊິ່ງຜູ້ນໍາດາວຍິງສູງສຸດຄົນປັດຈຸບັນເປັນ ຄຣິສເຕຍໂນ ໂຣນັລໂດ ກອງໜ້າຂອງ ປ໊ອກຕຸຍການ ທີ່ຍິງໄປແລ້ວ 5 ປະຕູ.

["]

ສໍາລັບ ສາທາລະນະລັດເຊັກ ຜ່ານເຂົ້າຮອບ 8 ທີມສຸດທ້າຍໄປພົບກັບ ດານມາກ ໃນວັນທີ 3 ກໍລະກົດ 2021.