ອິຕາລີ ທໍາລາຍສະຖິຕິບໍ່ເສຍຈັກນັດຫຼາຍທີ່ສຸດໃນຮອບ 82 ປີ, ແຕ່ເສຍປະຕູແລ້ວ

332
Italy's Federico Chiesa, center, celebrates after scoring his side's opening goal during the Euro 2020 soccer championship round of 16 match between Italy and Austria at Wembley stadium in London, Saturday, June 26, 2021.(AP Photo/Justin Tallis, Pool)

ລຸ້ນກັນຈົນເຖິງການຕໍ່ເວລາພິເສດ ອິຕາລີ ບຽດຊະນະ ໂອຕຣິດ 2-1 ຈາກການຍິງຂອງ 2 ນັກເຕະຕົວສໍາຮອງ Federico Chiesa ນາທີໆ 94 ແລະ Matteo Pessina ນາທີໆ 105 ຜ່ານເຂົ້າຮອບ 8 ທີມ.

ສໍາລັບ ອິຕາລີ ເຂົ້າຮອບ 8 ທີມສຸດທ້າຍທີ່ຈະແຂ່ງຂັນໃນວັນທີ 2 ກໍລະກົດ 2021 ໄປລໍພົບກັບທີມຊະນະລະຫວ່າງ ແບນຊິກ ຫຼື ປ໊ອກຕຸຍການ

["]

ນອກນັ້ນ, ຈາກຜົນນັດດັ່ງກ່າວ ເຮັດໃຫ້ ອິຕາລີ ບໍ່ເສຍໃຫ້ທີມໃດເປັນນັດທີ 31 ຕິດຕໍ່ກັນນັບຕັ້ງແຕ່ເສຍໃຫ້ກັບຄູ່ແຂ່ງໃນຢູຟາ ເນຊັນ ລີກ ເມື່ອວັນທີ 10 ກັນຍາ 2018 ໂດຍຕອນນັ້ນ ອິຕາລີ ເສຍໃຫ້ກັບ ປ໊ອກຕຸຍການ 0-1 ເຊິ່ງເປັນສະຖິຕິໃໝ່ຂອງຊາດເໜືອກວ່າສະຖິຕິເກົ່າທີ່ເຮັດໄວ້ 30 ນັດໃນປີ 1932 ຫຼື  82 ປີຜ່ານມາ.

ຜົນທີ່ຊະນະ ໂອຕຣິດ 2-1 ເຮັດໃຫ້ ອິຕາລີ ເສຍປະຕູເປັນນັດທໍາອິດໃນຮອບ 12 ນັດ ພ້ອມທັງຖືກຢຸດສະຖິຕິບໍ່ເສຍປະຕູໄວ້ທີ 1.168 ນາທີ ແລະ ຍັງເປັນການເສຍປະຕູທໍາອິດໃຫ້ກັບຄູ່ແຂ່ງໃນປີນີ້. ປະຕູທີ່ເສຍຫຼັງສຸດກ່ອນໜ້ານີ້ແມ່ນເກີດຂຶ້ນໃນນັດທີ່ ສະເໝີກັບ ໂຮນລັງ 1-1 ຈາກການຍິງຂອງ ດອນນີ ຟານເດິ ເບກ ນັກເຕະຂອງທີມຊາດໂຮນລັງ.