ຄະນະບໍລິຫານງານສູນກາງພັກ ສະໄໝທີ XI ເປີດກອງປະຊຸມວິສາມັນ ຫາລືບັນດາວາລະແຫ່ງຊາດ

818

ຄະນະບໍລິຫານງານສູນກາງພັກສະໄໝທີ XI ໄດ້ຈັດກອງປະຊຸມຄົບຄະນະສະໄໝວິສາມັນ ຂອງຕົນຂຶ້ນລະຫວ່າງວັນທີ 21- 25 ມິຖຸນາ 2021 ທີ່ສໍານັກງານສູນກາງພັກ, ພາຍໃຕ້ການເປັນປະທານຂອງ ສະຫາຍ ທອງລຸນ ສີສຸລິດ, ເລຂາທິການໃຫຍ່ ຄະນະບໍລິຫານງານສູນກາງພັກ, ໂດຍມີບັນດາສະຫາຍກຳມະ ການກົມການເມືອງສູນກາງພັກ, ຄະນະເລຂາທິການສູນກາງພັກ, ບັນດາສະຫາຍກຳມະການສູນກາງພັກ ສົມບູນ ແລະ ສຳຮອງ ເຂົ້າຮ່ວມຢ່າງພ້ອມພຽງ, ຄົບຖ້ວນ.


ກອງປະຊຸມຄົບຄັ້ງນີ້ ມີຄວາມໝາຍສຳຄັນເປັນພິເສດ, ເຊິ່ງໄດ້ພ້ອມກັນສຸມໃສ່ຄົ້ນຄວ້າ, ປຶກສາຫາລື ແລະ ໃຫ້ທິດຊີ້ນຳ ຕໍ່ບັນຫາທີ່ເປັນຍຸດທະສາດ ຕົ້ນຕໍຂອງຊາດ ແລະມີຄວາມຈຳເປັນຕ້ອງໄດ້ຮັບການແກ້ໄຂເປັນບັນຫາບັນຕ່າງໆເຫັນວ່າເປັນບັນຫາເລັ່ງດ່ວນຕ້ອງແກ້ໄຂ ເຊິ່ງລັດຖະບານໄດ້ກຳນົດເປັນວາລະແຫ່ງຊາດດັ່ງນີ້:
(1) ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ;
(2) ວາລະແຫ່ງຊາດ ວ່າດ້ວຍການສະກັດກັ້ນ ແລະແກ້ໄຂບັນຫາຢາເສບຕິດ;
(3) ການສ້າງການຫັນປ່ຽນຢ່າງແຂງແຮງ ແລະ ເລິກເຊິ່ີ່ງ ທຸກຂອດໃນວຽກງານພະນັກງານ.

ທັງ 3 ຫົວຂໍ້ດັ່ງກ່າວ ລ້ວນແຕ່ເປັນບັນຫາເລັ່ງທວງທີ່ຊີ້ໃຫ້ເຫັນຄວາມຈໍາເປັນອັນສຳຄັນຮີບດ່ວນ ທີ່ຕ້ອງເຊີດຊູບົດບາດການນໍາພາຊີ້ນໍາໂດຍກົງ ແລະ ຮອບດ້ານ ຂອງຄະ ນະພັກ ແລະ ອົງການປົກຄອງແຕ່ລະຂັ້ນ ເພື່ອສຸມໃສ່ບັນຊາແກ້ໄຂຢ່າງເປັນລະບົບ ແລະ ມີປະສິດທິຜົນ ຕິດພັນກັບການປັບປຸງພາຍໃນ ກົງຈັກການຈັດຕັ້ງແຕ່ລະຂັ້ນໃຫ້ປອດໃສ, ເຂັ້ມແຂງ ແລະ ໜັກແໜ້ນ.

["]

ການກຳນົດ 3 ບັນຫາດັ່ງກ່າວ ສະແດງໃຫ້ເຫັນເຖິງຄວາມຕັດສິນໃຈ ອັນເດັດດ່ຽວໜຽວແໜ້ນ ຂອງພັກເຮົາຕໍ່ໃນການແກ້ໄຂບັນຫາຄວາມຫຍຸ້ງຍາກ, ສິ່ງທ້າທາຍທົດສອບຕ່າງໆ ທາງດ້ານເສດຖະກິດ, ສັງຄົມ ແລະ, ວຽກງານພະນັກງານ ແນໃສ່ເຮັດໃຫ້ຄາດໝາຍ, ທິດທາງ, ໜ້າທີ່ ທີ່ໄດ້ກໍານົດອອກໃນມະຕິກອງປະຊຸມໃຫຍ່ ຄັ້ງທີ XI ຂອງພັກ ໄດ້ຮັບການຈັດຕັ້ງປະຕິບັດ ໃຫ້ມີຜົນສໍາເລັດ.


ຄະນະບໍລິຫານງານສູນກາງພັກ ໄດ້ເອກະພາບໃຫ້ທິດຊີ້ນໍາ ວ່າ:
– ຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ບັນຫາຢາເສບຕິດ ແມ່ນບັນຫາທີ່ໄດ້ສະສົມມາເປັນເວລາດົນນານ, ເຖິງວ່າ ຜ່ານມາພັກ-ລັດເຮົາ ໄດ້ມີຄວາມພະຍາ ຍາມແກ້ໄຂ ດ້ວຍຫຼາຍມາດຕະການ ແຕ່ກໍຍັງບໍ່ທັນສາມາດສ້າງການຫັນປ່ຽນຢ່າງຕັ້ງໜ້າໄດ້ເທື່ອ ແລະ ສືບຕໍ່ເປັນສິ່ງທ້າທາຍ ຕໍ່ການນໍາພາຂອງພັກ -ແລະການຄຸ້ມຄອງບໍລິຫານ ຂອງພັກ-ລັດຖະບານ ໃນຊຸມປີຕໍ່ໜ້າ, ບົນພື້ນຖານນັ້ນ ໄດ້ຍົກລະດັບຄວາມເຂັ້ມຂຸ້ນໃນການແກ້ໄຂບັນຫາ. ເປັນວາລະແຫ່ງຊາດ ເພື່ອແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ເປັນວາລະແຫ່ງຊາດ ທີ່ຮີບດ່ວນ ເຊິ່ງຕ້ອງໄດ້ເພື່ອຄົ້ນຄວ້າ ແລະ ວາງມາດຕະການອອກ ຢ່າງເປັນລະບົບ, ໃຊ້ເວລາອັນແນ່ນອນ ນັບແຕ່ສ້າງຖານການຜະລິດ-ທຸລະກິດ, ການບໍລິການ ເພື່ອຕອບສະໜອງການຊົມໃຊ້ຢູ່ພາຍໃນ, ເພີ່ມການສົ່ງອອກ ແລະ ສ້າງຄວາມເຂັ້ມແຂງ ຂອງຖານລາຍຮັບ, ການເພີ່ມທະວີປະສິດທິພາບໃນການຄຸ້ມຄອງລາຍຈ່າຍ ແລະ ການດໍາເນີນບັນດາມາດ ຕະການປະຢັດ ຢ່າງຈິງຈັງ ແນໃສ່ສ້າງຄວາມເຂັ້ມແຂງ ກໍຄືການຍົກສູງຄວາມສາມາດປະສິດທິພາບການຄຸ້ມຄອງມະຫາພາກ ຂອງລັດ ແລະ ສ້າງຄວາມເຂັ້ມແຂງ ໃຫ້ແກ່ພື້ນຖານເສດຖະກິດແຫ່ງຊາດ ຂອງປະເທດເຮົາ.

ການແກ້ໄຂບັນຫາຢາເສບຕິດ ຢູ່ປະເທດເຮົາ ແມ່ນບັນ ຫາທີ່ມີຄວາມສຳຄັນ, ຈໍາເປັນຮີບດ່ວນ, ທັງເປັນບັນຫາທີ່ກວ້າງຂວາງ ແລະ ມີຄວາມສັບສົນ., ສົ່ງຜົນກະທົບຢ່າງໃຫຍ່ຫຼວງ ຕໍ່ຄວາມສະຫງົບເປັນລະບຽບຮຽບຮ້ອຍ ແລະ ຄວາມໝັ້ນຄົງ ຂອງຊາດ ກໍຄືການພັດທະນາເສດ ຖະກິດ-ສັງຄົມ, ບັ່ນທອນຄຸນນະພາບຊີວິດ ຂອງປະຊາຊົນ, ເບື່ອເມົາຊາວໜຸ່ມ, ເຍົາວະຊົນທີ່ເປັນອະນາຄົດຂອງຊາດ, ດັ່ງນັ້ນ ການແກ້ໄຂບັນຫາດັ່ງກ່າວ ຈິ່ງຕ້ອງຖືເປັນໜ້າທີ່, ຄວາມຮັບຜິດຊອບ, ເປັນ “ພາລະກິດທົ່ວປວງຊົນ” ເລີ່ມຈາກສະຖາບັນຄອບຄົວ, ສະຖານບັນການສຶກສາ ໂດຍແມ່ນ ພັກ-ລັດ ເປັນແກນກາງ ໃນການນໍາພາຊີ້ນໍາ ເພື່ອຂັບເຄື່ອນການແກ້ໄຂ ຕົ້ນຕໍ ຂອງບັນຫາຢາເສບຕິດ, ດ້ວຍມາດຕະການຕ່າງໆ ໃນສະເພາະໜ້າ ແລະຍາວນານ. ໃນນັ້ນ ຖືເອົາສົມທົບແໜ້ນການສະກັດກັ້ນ, ປ້ອງກັນ, ແລະ ດໍາເນີນການປາບປາມ ຂະບວນການ, ເຄື່ອຂ່າຍຢາເສບຕິດ ຢ່າງເປັນລະບົບ ໄປພ້ອມໆກັນກັບການດຳເນີນແກ້ໄຂຄະດີຂະບວນຍຸຕິທຳຕາມກົດໝາຍ ໃຫ້ເຂັ້ມງວດ, ໂປ່ງໃສ, ຍຸຕິທຳ.

ຄະນະບໍລິຫານງານສູນກາງພັກ ມີຄວາມຕັດສິນໃຈສູງເປັນເອກະພາບວ່າ ບັນດາມາດຕະການໃນວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດ ທີ່ວາງອອກ ຕ້ອງນໍາໄປສູ່ການຊີ້ນໍາຈັດຕັ້ງປະຕິບັດຢ່າງເຂັ້ມງວດ, ເຊີດຊູຄວາມເປັນເຈົ້າການສູງສຸດ ຂອງທຸກພາກສ່ວນໃນລະບົບການເມືອງ ຕິດພັນກັບການປຸກລະດົມໃນການເຂົ້າຮ່ວມຂອງທົ່ວສັງຄົມ, ທົ່ວປວງຊົນ, ສ້າງເປັນຂະບວນການຕົວຈິງ ເພື່ອຈັດຕັ້ງປະຕິບັດ ໃຫ້ແຂງແຮງ ແລະ ໄດ້ຮັບຜົນດີ ພາຍໃຕ້ການນໍາພາຊີ້ນໍາ ຂອງຄະນະພັກ, ການຄຸ້ມຄອງບໍລິຫານ ຂອງອົງ ການປົກຄອງ ຢູ່ແຕ່ລະຂັ້ນ.

ກອງປະຊຸມ ຍັງໄດ້ຕີລາຄາຄືນການຈັດຕັ້ງປະຕິບັັັດວຽກງານພະນັກງານຂອງພັກ ໃນໄລຍະຜ່ານມາ ເພື່ອຊອກໃຫ້ເຫັນບັນດາສາເຫດຕົ້ນຕໍ ທີ່ພາໃຫ້ມີຄວາມຂໍ້ສະດວກ, ຫຍຸ້ງຍາກ ໃນການຈັດຕັ້ງປະຕິບັດວຽກງານພະນັກງານ ໃນໄລຍະຜ່ານມາ ເພື່ອສືບຕໍ່ຖອດຖອນບົດຮຽນ ແລະສ້າງການຫັນປ່ຽນ ທີ່ແຂງແຮງ, ເລິກເຊິ່ງ ທຸກຂອດໃນວຽກງານພະນັກງານ ໃນຊຸມປີຕໍ່ໜ້າ, ໃນການຈັດວາງ, ຊັບຊ້ອນ, ບໍາລຸງສ້າງ, ການປະຕິບັດນະໂຍບາຍ ແລະ ການລົງວິໄນ ຕໍ່ພະນັກງານ. ແນໃສ່ຍົກສູງຄວາມສາມາດນຳພາ ຂອງອົງ ຄະນະພັກແຕ່ລະຂັ້ນ ໃນເງື່ອນໄຂໃໝ່ຕໍ່ກັບວຽກງານພະນັກງານ ໃຫ້ຖຶກຕ້ອງ, ພາວະວິໄສ, ທ່ຽງທຳ ແລະ ຊັດ ເຈນ…ເພື່ອຮັບປະກັນໃຫ້ການສ້າງ ແລະ ປະຕິບັດແຜນກຳນົດພະນັກງານຢ່າງເປັນລະບົບ, ມີຄຸນະພາບ ຕາມທິດຫັນເປັນໜຸ່ມ ໃຫ້ມີຄວາມໜັກແໜ້ນ ຕິດພັນກັບໃນຕໍ່ໜ້າ.