ຄັດບານເຕະຍິງຊີງແຊັມອາຊີ 2022 ທີມຊາດຍິງລາວ ຢູ່ສາຍ A ຄັດເອົາພຽງແຊັມກຸ່ມເຂົ້າຮອບ

271

ທີມຊາດຍິງລາວ ຖືກຈັບຢູ່ກຸ່ມ A ໃນການແຂ່ງຂັນບານເຕະຊີງແຊັມອາຊີ 2022 ຮອບຄັດເລືອກ ( AFC Women’s Asian Cup Qualifiers ) ຮ່ວມກັບ ໄຕຫວັນ, ບາເຣນ ແລະ ເຕີກເມນິດສະຖານ ໂດຍກຸ່ມນີ້ ໄຕຫວັນ ເປັນເຈົ້າພາບ ແລະ ຈະເລີ່ມແຂ່ງຂັນລະຫວ່າງວັນທີ 13 -25 ກັນຍາ 2021.

ສະຫະພັນບານເຕະອາຊີ ( AFC ) ໄດ້ຈັບສະຫລາກ ການແຂ່ງຂັນບານເຕະຍິງຊີງແຊັມອາຊີ 2022 ອອກມາຢ່າງເປັນທາງການເມື່ອວັນທີ 24 ມິຖຸນາ 2021 ທີ່ຜ່ານມາ ໂດຍຜົນຈັບສະຫຼາກທັງ 8 ກຸ່ມມີດັ່ງນີ້:
-ກຸ່ມ A: ໄຕຫວັນ, ບາເຣນ, ເຕີກເມນິດສະຖານ ແລະ ລາວ
-ກຸ່ມ B: ຫວຽດນາມ, ທາຈິກິດສະຖານ, ມານດິບ ແລະ ອັບການິດສະຖານ
-ກຸ່ມ C: ສປປ ເກົາຫຼີ, ສິງກະໂປ, ອີຣັກ ແລະ ອິນໂດເນເຊຍ
-ກຸ່ມ D: ມຽນມາ, ສະຫະລັດອາຣັບ ເອເມເຣດ, ກວມ ແລະ ລີບັງ

["]

-ກຸ່ມ E: ສ ເກົາຫຼີ, ອຸດສະເບກິດສະຖານ ແລະ ມົງໂກລີ
-ກຸ່ມ F: ຟິລິບປິນ, ຮົງກົງ ແລະ ເນປານ
-ກຸ່ມ G: ຈໍແດນ, ອີຣານ ແລະ ບູນກາລີ
-ກຸ່ມ H: ໄທ, ປາເລສຕາຍ ແລະ ມາເລເຊຍ

ສໍາລັບ ຮອບຄັດເລືອກຈະແຂ່ງຂັນລະຫວ່າງວັນທີ 13 -25 ກັນຍາ 2021 ເຊິ່ງຈະຄັດເອົາພຽງອັນດັບ 1 ຂອງແຕ່ລະກຸ່ມເຂົ້າຮອບສຸດທ້າຍ ໂດຍຮອບສຸດທ້າຍຈະແຂ່ງຂັນໃນປີ 2022 ແລະ ມີ 4 ທີມທີ່ໄດ້ສິດໄປຢືນໃນຮອບສຸດທ້າຍກ່ອນໜ້ານີ້ແລ້ວປະກອບມີ ອິນເດຍ ເຈົ້າພາບ, ຍີ່ປຸ່ນ ແຊັມປີ 2018, ອົດສະຕຣາລີ ຮອງແຊັມປີ 2018 ແລະ ສປ ຈີນ ອັນດັບ 3 ປີ 2018.
ຂ່າວ: ຫຼ້າ, ຮູບຈາກ: ສະຫະພັນບານເຕະແຫ່ງຊາດລາວ