WHO ໄຂຂໍ້ຂ້ອງໃຈ ສັກວັກແຊັງ ປ້ອງກັນໂຄວິດຕ່າງຊະນິດໄດ້ ຫຼື ບໍ່

174

ທ່ານ ດຣ. ເຄທ ໂອໄບຣອັນ ຫົວໜ້າຝ່າຍວັກແຊັງຂອງອົງການອະນາໄມໂລກ ( WHO ) ເປີດເຜີຍວ່າ: ວັກແຊັງປ້ອງກັນໂຄວິດ – 19 ທີ່ໄດ້ຮັບອະນຸມັດນຳໃຊ້ແບບສຸກເສີນທົ່ວໂລກໃນຂະນະນີ້ ໄດ້ອອກແບບມາເພື່ອກະຕຸ້ນພູມຄຸ້ມກັນໃນຮ່າງກາຍຂອງມະນຸດ ເພື່ອຕໍ່ສູ້ກັບໄວຣັສໂຄວິດ – 19 ແຕ່ວິທີການຜະລິດແອນຕີບໍດີຂອງວັກແຊັງແຕ່ລະຊະນິດຈະແຕກຕ່າງກັນ ເຊິ່ງຫາກຢຶດຖືຕາມພື້ນຖານຂອງການເຮັດໜ້າທີ່ຂອງວັກແຊັງ ຄິດວ່າການໃຊ້ວັກແຊັງຕ່າງຊະນິດໄດ້ຜົນໃນການປ້ອງກັນໂຄວິດ – 19.

ທັງນີ້, ທີມນັກວິທະຍາສາດຈາກມະຫາວິທະຍາໄລອັອກຟອດຂອງອັງກິດ ກຳລັງທົດລອງການໃຊ້ວັກແຊັງປ້ອງກັນໂຄວິດໃນຮູບແບບ 2 ໂດສ ຕ່າງຊະນິດກັນ ໂດຍທົດລອງລະຫວ່າງວັກແຊັງແອັສຕຣາເຊເນກາ, ໂມເດີນາ, ໂນວາແວັກ ແລະ ຟາຍເຊີ, ນອກຈາກນີ້ຍັງມີການທົດລອງຢູ່ປະເທດແອັດສະປາຍ ແລະ ເຢຍລະມັນອີກດ້ວຍ. ແນວໃດກໍຕາມ, ນັກວິໄຈກຳລັງຮວບຮວມຂໍ້ມູນ ເພື່ອໃຫ້ແນ່ໃຈວ່າການໃຊ້ວັກແຊັງ 2 ເຂັມຕ່າງຊະນິດກັນມີປະສິດທິພາບສູງ ແລະ ປອດໄພແທ້ ຫຼື ບໍ່.