ແອັດສະປາຍ ປົດລ໋ອກລະເບີດຟອມຊະນະຄູ່ແຂ່ງຫຼາຍສຸດໃນ ຢູໂຣ 2020 ທະລຸເຂົ້າຮອບຕາມ ຊູແອັດ

372
Spain's Aymeric Laportem, center, celebrates after scoring his team second goal during the Euro 2020 soccer championship group E match between Slovakia and Spain at La Cartuja stadium in Seville, Spain, Wednesday, June 23, 2021. (David Ramos, Pool photo via AP)

ການແຂ່ງຂັນບານເຕະ ຢູໂຣ 2020 ປະຈໍາວັນທີ 23 ມິຖຸນາ 2021 ເວລາ 23:00 ໂມງ ເປັນການແຂ່ງຂັນນັດສຸດທ້າຍຂອງກຸ່ມ E ໂດຍຄູ່ເອກເປັນການພົບກັນລະຫວ່າງ ແອັດສະປາຍ ພົບ ສະໂລວາກີ ໂດຍນັດນີ້ ແອັດສະປາຍ ມີ 2 ຄະແນນຕ້ອງມີຄະແນນນັດນີ້ເພື່ອລຸ້ນເຂົ້າຮອບ, ສ່ວນ ສະໂລວາກີ ມີ 3 ຄະແນນກໍຕ້ອງການຄະແນນເຊັ່ນກັນເພື່ອເຂົ້າຮອບ.

ຜ່ານການແຂ່ງຂັນປາກົດວ່າ: ເປັນໄປຕາມຄາດເກມຂອງ ສະໂລວາກີ ຕັ້ງຮັບເພື່ອຫວັງສະເໝີ, ສ່ວນ ແອັດສະປາຍ ເປີດເກມບຸກ ແລະ ຄອງເກມໄດ້ຫຼາຍກວ່າຊັດເຈນ ເຊິ່ງກໍມີໂອກາດຫຼາຍຄັ້ງໃນ 12 ນາທີທໍາອິດ ແຕ່ຍັງບໍ່ສາມາດປ່ຽນເປັນປະຕູໄດ້ ລວມເຖິງການຍິງຈຸດໂທດຂອງ ໂມຣາຕາ ບໍ່ເຂົ້າ.

ຢ່າງໃດກໍຕາມ, ແອັດສະປາຍ ບຸກຕໍ່ເນື່ອງກ່ອນມາປົດລ໊ອກໄດ້ 2 ປະຕູລວດຈາກການປັດພາດຂອງຜູ້ຮັກສາປະຕູສະໂລວາກີ ປັດເຂົ້າປະຕູຕົວເອງໄປນາທີໆ 30 ແລະ ໃນໄລຍະຕໍ່ເວລາບາດເຈັບເຄິ່ງເວລາທໍາອິດ ລາປອດ ໂໝ່ງປະຕູໃຫ້ກັບ ແອັດສະປາຍ ນໍາຫ່າງ 2-0.

["]

ສ່ວນເຄິ່ງເວລາທີ 2 ແອັດສະປາຍ ຄອງໄດ້ຕໍ່ເນື່ອງຄືເກົ່າ ແຕ່ຄັ້ງນີ້ໂຫດຍິງໄດ້ 3 ປະຕູລວດຈາກການຍິງຂອງ Pablo Sarabia, Ferran Torres ແລະ Juraj Kucka ກອງຫຼັງຂອງສະໂລວາກີ ສະກັດເຂົ້າປະຕູຕົວເອງ ເຮັດໃຫ້ ແອັດສະປາຍ ເອົາຊະນະ ໄປຂາດລອຍ 5-0 ເຮັດໃຫ້ ແອັດສະປາຍ ຊະນະຄູ່ແຂ່ງຫຼາຍທີ່ສຸດໃນຢູໂຣ 2020 ຫຼາຍກວ່າຄູ່ ເຢຍລະມັນ ຊະນະ ປ໊ອກຕຸຍການ 4-2.

ຂະນະທີ່ ອີກຄູ່ໜຶ່ງຂອງກຸ່ມນີ້ ຊູແອັດ ກັບ ໂປໂລຍ ປາກົດວ່າ: ຊູແອັດ ຂຶ້ນນໍາກ່ອນ 2-0 ຈາກການຍິງຂອງ ເອັສເບີກ 2 ປະຕູ ແຕ່ຖືກ ໂປໂລຍ ຕີສະເໝີຈາກການຍິງຂອງ ໂຣເບິດ ເລວານດອຟສະກີ 2 ປະຕູ ຕີສະເໝີເປັນ 2-2 ແຕ່ໄລຍະຕໍ່ເວລາບາດເຈັບ ຊູແອັດ ໄດ້ປະຕູໄຊຈາກ Viktor Claesson ຈົບການແຂ່ງຂັນ ຊູແອັດ ຊະນະໄປ 3-2

ສະຫຼຸບກຸ່ມ E ຊູແອັດ ມີ 7 ຄະແນນເຂົ້າຮອບໃນຖານະແຊັມກຸ່ມ, ສ່ວນ ແອັດສະປາຍ ເກັບເພີ່ມເປັນ 5 ຄະແນນເຂົ້າຮອບໄປໃນຖານະຮອງແຊັມກຸ່ມ, ສ່ວນ ສະໂລວາກີ ມີ 3 ຄະແນນຢູ່ອັນດັບ 3 ແຕ່ຜົນປະຕູໄດ້ເສຍຕິດລົງເຖິງ -5 ເຮັດໃຫ້ຕົກຮອບໄປເປັນທີ່ແນ່ນອນເຊັ່ນດຽວກັນກັບ ໂປໂລຍ ທີ່ມີພຽງ 1 ຄະແນນ