ໃນວັນທີ 18 ມິຖຸນາ 2021 ນີ້,ຄະນະພັກ-ອົງການປົກຄອງແຂວງຈໍາປາສັກ ໄດ້ນຳເອເອົາຊີມັງຈຳນວນ 25 ໂຕນ ມາມອບໃຫ້ກອງພົນທີ 5 ໃຫ້ກຽດຮ່ວມມອບໂດຍ ທ່ານ ໂສມ ບຸດຕະກຸນ ຮອງເຈົ້າແຂວງໆຈຳປາສັກ,ທ່ານ ສົມບູນ ເມືອງວົງສາ ຮອງເຈົ້າແຂວງໆຈໍາປາສັກ ພ້ອມຄະນະ ຮັບໂດຍ ສະຫາຍ ພັນເອກ ຂັນທີ ສະໜາມອຸ່ນ ຫົວໜ້າການທະຫານ ກອງພົນທີ 5 ມີຄະນະພັກ – ຄະນະບັນຊາ ຈາກອົງການ 5 ຫ້ອງ ພ້ອມດ້ວຍພະນັກງານທີ່ກ່ຽວຂ້ອງ ເຂົ້າຮ່ວມ.
ການມອບຊີມັງໃນຄັ້ງນີ້ ເພື່ອເປັນການປະກອບສວ່ນ ເຂົ້າໃນການ ປັບປຸງກໍ່ສ້າງພື້ນຖານໂຄງລ່າງຂອງກຳລັງ ປະກອບອາວຸດ ໃຫ້ມີຄວາມແໜແໜ້ນໜາ ເປັນຕົ້ນບັນດາອາຄານກົມກອງໃນກອງພົນທີ 5 ໃຫ້ມີໃຫ້ມີຄວາມແໜ້ນໜາຖາວອນ ຮັບປະກັນເຮັດສຳເລັດ ຫນ້າທີ່ໆການຈັດຕັ້ງຂັ້ນເທີງມອບໜາຍໃຫ້. ຊີມັງທີ່ນຳມາມອບໃຫ້ຄັ້ງນີລວມມີ ຊີມັງຂຽວ (ໃຊ້ກໍ່)ຈຳນວນ 15 ໂຕນ ແລະ ມີມັງແດງ (ໃຊ້ເທພື້ນ) ຈຳນວນ 10 ໂຕນ ລວມ 25 ໂຕນລວມມູນຄ່າ 15.750.000 ກີບ.
ສະຫາຍ ພັນເອກ ຂັນທີ ສະໜາມອຸ່ນ ຫົວໜ້າການທະຫານກອງພົນທີ 5 ໂອກາດດັ່ງກ່າວ ສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍ ພ້ອມທັງສະແດງຄວາມຂອບອົກ ຂອບໃຈ ເປັນຢ່າງຍີ່ງທີ່ ທ່ານຮອງເຈົ້າແຂວງໆຈຳປາສັກ ພ້ອມຄະນະທີ່ໄດ້ ນຳເອົາສີມັງມອບໃຫ້ຄັ້ງນີ້ ພ້ອມທັງອ່ວຍພອນແດ່ທ່ານຮອງເຈົ້າແຂວງ ພ້ອມຄະນະ ຈົ່ງມິສຸຂະພາບ ແຂງແຮງ ມີຄວາມຈະເລີນກ້າວໜ້າທີ່ໃນໜ້າທີ່ການງານຂອງທ່ານ ທຸກປະການ ສືບຕໍ່ພົວພັນຮ່ວມມື ກັນຊ່ວຍເຫຼືອເຊີ່ງກັນ ແລະ ກັນ ໃນຕໍ່ໜ້າໃຫ້ຍືນຍົງຕະຫຼອດໄປ. ຈາກນັ້ນສະຫາຍ ກໍ່ຍັງໃຫ້ຄຳໜັ້ນສັນຍາວ່າ ຈະນຳໃຊຊີມັງທີ່ນຳມາມອບໃຫ້ຄັ້ງນີ້ ໃຊ້ເຂົ້າວຽກງານຂອງກົມກອງໃຫ້ເກີດປະໂຫຍດສູງສຸດ. ໂອກາດດັ່ງກ່າວ ກໍ່ຍັງໄດ້ມອບ ໃບກຽດຕິຄຸນໃຫ້ແກ່ ທ່ານຮອງເຈົ້າແຂວງໆ ຈຳປາສັກອິກດ້ວຍ.