ຕາມການຖະແຫຼງຂ່າວໃນວັນທີ 4 ມິຖຸນາ 2021 ຂອງ ທ່ານ ດຣ. ນາງພອນປະເສີດ ໄຊຍະມຸງຄຸນ ຮອງຫົວໜ້າກົມ ຄວບຄຸມພະຍາດຕິດຕໍ່ກະຊວງສາທາລະນະສຸກ, ຕາງໜ້າໃຫ້ຄະນະສະເພາະກິດ ເພື່ອປ້ອງກັນຄວບຄຸມ ແລະແກ້ໄຂການລະບາດຂອງ ພະຍາດ COVID-19 ໃຫ້ຮູ້ວ່າ: ສະພາບການລະບາດຂອງພະຍາດ COVID-19 ຢູ່ ສປປ ລາວ ມາຮອດປະຈຸບັນ ມີຜູ້ ຕິດເຊື້ອສະສົມທັງໝົດ 1.952 ຄົນ (ໃໝ່ 9), ເສຍຊວິດິສະສົມ ທັງໝົດ 03 ຄົນ(ໃໝ່ 00 ).
ວຽກງານການປິ່ນປົວ ແມ່ນມີຜູ້ທີ່ປິ່ນປົວຫາຍດີທັງໝົດ1.680 ຄົນ ປິ່ນປົວດີໃໝ່ 26ຄົນ ຍັງຕິດຕາມຕາມປິ່ນປົວຕໍ່ທົ່ວປະເທດທັງໝົດ 261ຄົນ ແລະ ອີກ 8 ຄົນ ແມ່ນກໍາລັງໄປຮັບເຂົ້າມາປິ່ນປົວ ໃນບັນດາຜູ້ທີ່ນອນຕິດຕາມອາການແມ່ນມີ04 ຄົນຕ້ອງດົມອົກຊີ ທັງໝົດແມ່ນຢູ່ນະຄອນຫຼວງວຽງຈັນ ຜູ້ທີ່ມີອາການໜັກໄດ້ໃຊ້ເຄື່ອງຊ່ວຍຫາຍໃຈແມ່ນບໍມີ .
ສຳລັບການເດີນທາງເຂົົ້າມາ ສປປ ລາວ ຕາມຈຸດຜ່ານແດນໃນວັນທີ3 ມິຖຸນາ 2021 ແມ່ນມີຜູ້ທີ່ໄດ້ຮັບອະນຸຍາດຈາກຄະນະສະເພາະກິດເຂົ້າມາທັງໝົດ 2.603 ຄົນ ໃນນັ້ນຜ່ານທາງດ່ານລາວ-ໄທມີ 1.698 ຄົນ, ດ່ານລາວ-ຈີນ ມີທັງໝົດ 33 ຄົນ, ດ່ານລາວ-ຫວຽດນາມ 862 ຄົນ ແລະເດີນທາງຜ່ານສະໜາມບິນສາກົນວັດໄຕ 10 ຄົນ.
ກ່ຽວກັບວຽກງານການກວດວິເຄາະໃນວັນທີ 03 ມິຖຸນາ 2021 ທົ່ວປະເທດ ໄດ້ມີການເກັບຕົວຢ່າງມາກວດຊອກຫາ
ເຊື້ອ COVID-19 ທັງໝົດ 1.920 ຕົວຢ່າງ ໃນນັ້ນກວດພົບຜູ້ຕິດເຊື້ອໃໝ່ 9 ກໍລະນີ.
