ພາມາຮູ້ຈັກ ND ຄົນໃໝ່ ໃນເວທີ Miss Universe Laos ເປັນໃຜມາແຕ່ໃສ

305

ບັນດາແຟນນາງງາມໃຜກໍລຸ້ນເຕັມທີ່ຢາກຮູ້ວ່າໃຜຈະມາເຮັດໜ້າທີ່ເປັນປະທານໂຄງການປະກວດນາງງາມຈັກກະວານຂອງ ສປປ ລາວ ເພາະຢາກເຫັນການປ່ຽນແປງ ໂດຍສະເພາະການປະກວດທີ່ຈິງຈັງກ່ອນເດີນທາງສູ່ເວທີສາກົນ.

May be an image of 1 person and text

ຫຼ້າສຸດໄດ້ມີພິທີຖະແຫຼງຂ່າວແຕ່ງຕັ້ງປະທານໂຄງການປະກວດ ມິສຢູນິເວີສລາວ ( ND ) ຄົນໃໝ່ 2021 – 2022 ໃນວັນທີ 1 ມິຖຸນາ 2021 ນີ້ ໂດຍການປະກາດແຕ່ງຕັ້ງຢ່າງເປັນທາງການຈາກ ບໍລິສັດ Miss Laos ຈຳກັດ ທີ່ເປັນຜູ້ຖືລິຂະສິດເວທີ Miss Universe Laos ແຕ່ພຽງຜູ້ດຽວ ແຕ່ປີ 2017 ເປັນຕົ້ນມາ ການປະກາດແຕ່ງຕັ້ງ ND ຄົນໃໝ່ນີ້ແມ່ນແຕ່ງຕັ້ງໃຫ້ ທ່ານ ນາງ ຈັນໂສ ຈິດຕິວົງ     ( ແພນ ) ຜູ້ບໍລິຫານຮ້ານເພັດພະໄທ ຈິວເວີລີ ເປັນປະທານບໍລິຫານ ບໍລິສັດ ດີໂອເອັສຊິດ ແລະ ທຸລະກິດໃນເຄືອ ຂຶ້ນເປັນປະທານ ໂຄງການປະກວດ Miss Universe Laos ຄົນໃໝ່ ແທນ ທ່ານ ໂພລິສິດ ບຸບຜາປະເສີດ ຫຼື ແອຣອນ ປະທານໂຄງການປະກວດ Miss Universe Laos ຜູ້ເກົ່າ.

May be an image of 1 person and jewelry

Slide
Slide
Slide

ທ່ານ ນາງ ຈັນໂສ ຈິດຕິວົງ ໄດ້ກ່າວໃນງານຖະແຫຼງຂ່າວວ່າ: ການເປັນປະທານໂຄງການ Miss Universe Laos ເປັນໜ້າທີ່ອັນຊົງກຽດ ຮູ້ສຶກປະທັບໃຈ ແລະ ພູມໃຈຫຼາຍ ຕື່ນເຕັ້ນໄປພ້ອມກັນ ຍ້ອນວ່າເປັນອີກໜຶ່ງບົດບາດທີ່ຍິ່ງໃຫຍ່ ກ່ອນອື່ນຕ້ອງຂໍຂອບໃຈມາຍັງ ບໍລິສັດ Miss Laos ທີ່ໃຫ້ໂອກາດໄດ້ເຮັດໜ້າທີ່ບົດບາດນີ້ ຫຼາຍທ່ານຮູ້ດີວ່າຟັງແຕ່ຊື່ກໍຍິ່ງໃຫຍ່ແລ້ວ ສຳລັບເວທີ Miss Universe ເປັນເວທີທີ່ໄດ້ຮັບຄວາມນິຍົມທົ່ວໂລກ ໂດຍສະເພາະປະເທດລາວເຮົາ ກໍໄດ້ຮັບຄວາມນິຍົມສູງສຸດເລີຍ ເອີ້ນໄດ້ວ່າເປັນທີ່ຕິດຕາມຂອງສື່ມວນຊົນ ແລະ ແຟນນາງງາມຕ່າງໆ ບັນດານັກທຸລະກິດ ແລະ ໜຶ່ງໃນນັ້ນແມ່ນຕົວຂ້າພະເຈົ້າເອງ ທີ່ເປັນໜຶ່ງໃນແຟນນາງງາມ ແລະ ຕິດຕາມເວທີມານັບຕັ້ງແຕ່ເລີ່ມປະກວດໃໝ່ໆໃນປີ 2017.

May be an image of 1 person, standing and indoor

ທ່ານຍັງກ່າວອີກວ່າ: ຈຸດປະສົງຂອງການຄົ້ນຫາ Miss Universe ບໍ່ແມ່ນພຽງແຕ່ການຄົ້ນຫານາງງາມ ແຕ່ຕ້ອງເປັນຜູ້ທີ່ຄຸນນະວຸດພຽບພ້ອມ ແລະ ຮູ້ຈັກຮັກວັດທະນະທຳຮີດຄອງປະເພນີອັນດີຂອງປະເທດເຮົາ ເຊິ່ງທຸກຄົນຮູ້ກັນດີແລ້ວວ່າແມ່ຍິງລາວເປັນຄົນທີ່ມີຄວາມນອບນ້ອມງົດງາມຢູ່ແລ້ວ, ວັດທະນະທຳລາວສວຍງາມ ແຕ່ວ່າເຮົາຢາກເຜີຍແຜ່ໃຫ້ໂລກໄດ້ຮູ້ຜ່ານແມ່ຍິງທີ່ມີ ຄວາມເຂັ້ມແຂງກ້າຫານ, ກ້າສະແດງອອກ, ເອົາສິ່ງດັ່ງກ່າວນີ້ໄປເຈີດຈະລັດຢູ່ສັງຄົມ.

May be an image of 1 person, jewelry and indoor

ສຳລັບປີນີ້ແມ່ນຈະມີການປະກວດຢ່າງແນ່ນອນ ເຊິ່ງຄອນເຊັບຂອງແມ່ຍິງທີ່ຈະໄປປະກວດໃນເວທີຈັກກະວານ ຕ້ອງມີຄວາມງົດງາມ ແລະ ເຈີດຈະລັດ ສຳລັບປີນີ້ແມ່ນໄດ້ມີການເປີດກວ້າງໃຫ້ແມ່ຍິງທຸກຄົນທີ່ມີຢູ່ໃນເກນ ຄືຄວາມສູງ 163 ຊັງຕີແມັດຂຶ້ນໄປ, ອາຍຸ 18 – 27 ປີ ສ່ວນເລື່ອງຂອງພາສາອັງກິດ ຢາກໃຫ້ນ້ອງໆເບິ່ງຂ້າມໄປກ່ອນ ໃຫ້ຕົນເອງໄດ້ພິສູດໃນເວທີນີ້ຈາກທີ່ຜ່ານມານາງງາມໃນຫຼາຍໆເວທີ ບັນດາປະເທດເຂົ້າຮອບເລິກ ເພິ່ນກໍບໍ່ໄດ້ເກັ່ງພາສາອັງກິດປານໃດ. ດັ່ງນັ້ນ, ໃນເວທີຕ່າງໆຈະມີນາຍແປໃຫ້ ປີນີ້ກໍບໍ່ໄດ້ເຄັ່ງຄັດເລື່ອງຂອງພາສາອັງກິດວ່າຈະຕ້ອງເກັ່ງແທ້ເກັ່ງວ່າ ໄດ້ສໍ່າໃດໜຶ່ງກໍສາມາດເຂົ້າແຂ່ງຂັນທົດສອບກັນເບິ່ງໄດ້ ແລະ ໄລຍະຂອງການປະກວດທີມງານຈະແຈ້ງອີກເທື່ອໜຶ່ງ.