ມື້ນີ້ຜູ້ຂຽນຢາກເອົາສູດເຄັກເດັ້ງຟູ ເນື້ອນຽນ ຫອມຫວານແຊບ ຈະເອົາໄປເຮັດກິນ ເຮັດແຈກ ຫຼື ຈະເຮັດຂາຍກໍໄດ້ ເຊິ່ງສູດມື້ນີ້ເຮົາຈະໃສ່ນ້ຳເຜິ້ງໃຫ້ເພີ່ມຄວາມຫອມຫວານເຂົ້າໄປ ບອກເລີຍວ່າກິນກັບເຄື່ອງດື່ມຍາມເຊົ້າ ຫຼື ບ່າຍ ຄືດີຕໍ່ໃຈທີ່ສຸດ.
ສ່ວນປະສົມ ຄາສເທວລ່າເຄັກ ( ສູດນີ້ຂ້ອນຂ້າງຫວານ ສາມາດຫຼຸດນ້ຳຕານໄດ້ ):
ໄຂ່ໄກ່ ( ເບີ 2 ) 8 ໜ່ວຍ
ນ້ຳຕານ 225 ກຣາມ
ເກືອ 1/2 ບ່ວງຊາ
ນ້ຳເຜິ້ງ 40 ກຣາມ
ແປ້ງເຂົ້າຈ້າວ 55 ກຣາມ
ນົມ 55 ກຣາມ
ນ້ຳມັນພືດ ຫຼື ເນີຍລະລາຍ 55 ກຣາມ
ວາຍເຂົ້າ ຫຼື ນິຣິນ 40 ກຣາມ
ກິ່ນວານິລາ 2 ບ່ວງຊາ
ອຸປະກອນ
ພິມສີ່ຫຼ່ຽມຈະຕຸລັດ ຂະໜາດ 23x23x6,5 ຊັງຕີແມັດ
ວິທີເຮັດຄາສເທວລ່າເຄັກຕີໄຂ່ໄກ່, ນ້ຳຕານ, ເກືອ ແລະ ນ້ຳເຜິ້ງ ຕີດ້ວຍຄວາມໄວສູງຈົນຂຶ້ນຟູ ໃຊ້ເວລາປະມານ 10 ນາທີ.
1, ພໍຟູຂຶ້ນແລ້ວແຕ່ຍັງມີຟອງຫຍາບ ໃຫ້ປັບຄວາມໄວເປັນຄວາມໄວກາງ.
2, ຮ່ອນແປ້ງລົງໄປໃນຊາມປະສົມ ( ແບ່ງຮ່ອນ 2 – 3 ຮອບ ) ຄົນຈົນເຂົ້າກັນ.
3, ປະສົມນົມ ແລະ ນ້ຳມັນພືດ ຫຼື ເນີຍລະລາຍ ວາຍເຂົ້າ ແລະ ກິ່ນວານິລາ ຄົນໃຫ້ເຂົ້າກັນ.
4, ຕັກສ່ວນປະສົມແປ້ງໄປບາງສ່ວນ ຄ່ອຍຄົນຈົນເຂົ້າກັນ ແລ້ວເທລົງໄປໃນຊາມປະສົມ ຄົນຄ່ອຍໆໃຫ້ເຂົ້າກັນ.
5, ເທໃສ່ພິມນຳໄປອົບທີ່ອຸນຫະພູມ 180 ອົງສາ ໃຊ້ໄຟ ເທິງ – ລຸ່ມ ເປັນເວລາ 15 ນາ ທີ, ຈາກນັ້ນປັບລົງມາທີ່ອຸນຫະພູມ 150 ອົງສາ ເປັນເວລາ 35 – 40 ນາທີ.
6, ເອົາອອກມາພັກໃຫ້ເຢັນແລ້ວຄຸມດ້ວຍພລາສຕິກແພັກອາຫານ ແຊ່ຕູ້ເຢັນໄວ້ຂ້າມຄືນ.
7, ແລ້ວນຳເອົາມາຕັດຂະໜາດຕາມມັກກໍພ້ອມເສີບຄູ່ກັບເຄື່ອງດື່ມໄດ້ເລີຍ.
( ທີ່ມາ: cooking.kapook.com )
[ ຮຽບຮຽງ: ສຸພາລັກ ]
