ຫຼາຍໆຄົນໃນໄລຍະນີ້ອາດຈະເບື່ອທີ່ຢູ່ແຕ່ເຮືອນ ແລະ ກິນອາຫານເມນູເກົ່າຊ້ຳໄປຊ້ຳມາ. ມື້ນີ້ເຮົາໄດ້ເອົາເມນູທີ່ເຮັດກິນງ່າຍ ແລະ ປ່ຽນລົດຊາດອາຫານທາງເອີຣົບແດ່ຈັກໜ້ອຍມາຝາກທຸກຄົນ ຫວັງວ່າຈະຖືກໃຈທ່ານທີ່ຕ້ອງການເມນູໃໝ່ໆທີ່ເຮັດກິນງ່າຍໆ ພ້ອມແລ້ວເຮົາໄປເຮັດກິນກັນເລີຍ.
ສ່ວນປະສົມ ກະໂລນີອົບຊີສ
ກະໂລນີ້ 100 ກຣາມ
ຊີສ ( ຕາມໃຈມັກ )
ນົມ 100 ມິນລີລິດ
ພິກໄທດຳ 1/2 ບ່ວງຊາ
ນ້ຳດື່ມສະອາດ 1 ຖ້ວຍ
ເກືອ 1/2 ບ່ວງຊາ
ວິທີເຮັດກະໂລນີອົບຊີສ
1 ເອົາກະໂລນີໃສ່ຖ້ວຍຕື່ມນ້ຳສະອາດພໍໃຫ້ຖ້ວມກະໂລນີ, ໃສ່ເກືອເພື່ອປຸງລົດຊາດ ແລ້ວນຳເອົາເຂົ້າເຕົາໄມໂຄເວັບໃສ່ໄຟແຮງສຸດ ປະມານ 3 ນາທີ.
2 ແລ້ວເອົາອອກມາໃສ່ນົມໃຫ້ສູງປະມານ 1/2 ສ່ວນຂອງກະໂລນີ, ໃສ່ຊີສລົງໄປຄົນໃຫ້ເຂົ້າກັນ.
3 ໂຮຍໜ້າດ້ວຍຊີສອີກຄັ້ງ ແລ້ວເອົາເຂົ້າໄມໂຄເວັບ, ໃສ່ໄຟແຮງສຸດປະມານ 3 ນາທີ.
4 ໂຮຍພິກໄທດຳ ກໍຮຽບຮ້ອຍພ້ອມເສີບຮັບປະທານໄດ້ເລີຍ.
ທີ່ມາ: cooking.kapook.com