ຕະຫຼາດສີຂຽວດອນກອຍ ປະກອບສ່ວນຊ່ວຍຊຸມຊົນ ພ້ອມລະດົມຊາວຄ້າຂາຍສັກວັກຊີນ ກວມ 80%

199

ເປັນອີກໜຶ່ງສິ່ງສະແດງແຫຼ່ງນໍ້າໃຈ ແລະ ຄວາມຮັບຜິດຊອບຕໍ່ສັງຄົມ ເມື່ອຕະຫຼາດສີຂຽວດອນກອຍ ໄດ້ນໍາເອົາປະເພດແນວບໍລິໂພກມອບໃຫ້ຫ້ອງການບ້ານເພື່ອກະຈາຍຕໍ່ສູ່ຊຸມຊົນ ແລະ ລະດົມຊາວຄ້າຂາຍພາຍໃນຕະຫຼາດໄປສັກວັກຊີນເກືອບທັງໝົດ.

ໃນວັນທີ 21 ພຶດສະພາ 2021 ນີ້ ຫ້ອງການຈັດສັນຕະຫຼາດສີຂຽວ ບ້ານດອນກອຍ ໄດ້ນໍາເອົາສິນຄ້າປະເພດແນວກິນຈໍານວນໜຶ່ງໄປມອບໃຫ້ຫ້ອງການປົກຄອງບ້ານດອນກອຍ ເພື່ອໃຫ້ທາງອໍານາດການປົກຄອງບ້ານກະຈາຍຕໍ່ສູ່ຊຸມຊົນໂດຍສະເພາະຜູ້ທີ່ມີຄວາມຂາດເຂີນຈໍາເປັນແທ້ໆ.

May be an image of 7 people, child and people standing

ພິທີມອບ-ຮັບຈັດຂຶ້ນທີ່ຫ້ອງການບ້ານດອນກອຍ ເມືອງສີສັດຕະນາກ ນະຄອນຫຼວງວຽງຈັນ ຕາງໜ້າຕະຫຼາດສີຂຽວ ມອບໂດຍທ່ານ ສຸລິໂຍ ວົງຄໍາພາ ຫົວໜ້າຫ້ອງການຈັດສັນຕະຫຼາດ ແລະ ຮັບໂດຍທ່ານ ນາຍບ້ານພ້ອມດ້ວຍຄະນະ.

Slide
Slide
Slide

No photo description available.

ສິນຄ້າທີ່ນໍາໄປມອບໃນຄັ້ງນີ້ມີ: ເຂົ້າສານ, ໝີ່ ແລະ ໄຂ່ ລວມມູນຄ່າ 2,5 ລ້ານກີບ ເພື່ອຊຸກຍູ້ຫ້ອງການບ້ານ ແລະ ທາງຫ້ອງການບ້ານຈະໄດ້ສົ່ງມອບຕໍ່ໃຫ້ປະຊາຊົນທີ່ຮັບຜົນກະທົບຮ້າຍແຮງໃນໄລຍະໂຄວິດລະບາດນີ້.

No photo description available.

ພາກສ່ວນຫ້ອງການຕະຫຼາດຍັງໃຫ້ຮູ້ອີກວ່າ: ຕາມການຊີ້ນໍາຂອງຫ້ອງການຈັດສັນຕະຫຼາດໂດຍກວມເອົາ 80% ຂອງຈໍານວນຊາວຄ້າຂາຍທັງໝົດພາຍໃນຕະຫຼາດແມ່ນໄດ້ຮັບວັກຊີນປອ້ງກັນໂຄວິດແລ້ວ ທັງນີ້ກໍເພື່ອປ້ອງກັນໃຫ້ກັບຕົນເອງ ແລະ ລູກຄ້າທີ່ຈະໄປຊື້ສິນຄ້າທີ່ຕະຫຼາດດັ່ງກ່າວໄດ້ມີຄວາມໝັ້ນໃຈ ແລະ ປອດໄພນໍາກັນ.